Flash News

മമ്മൂക്ക തിരക്കിലാണ്

June 24, 2020 , തസ്നീം

ലോകമാകെ കീഴ്മേല്‍ മറിച്ചിട്ട കോവിഡ്-19 എന്ന കൊറോണ വൈറസ് ജനങ്ങളുടെ ദൈനം‌ദിന ജീവിതത്തെത്തന്നെ മാറ്റിമറിച്ചു. പലരും പല പരീക്ഷണങ്ങളും നടത്തി, ചിലര്‍ വിജയിച്ചു, ചിലര്‍ പരാജയപ്പെട്ടു. കുക്കിംഗ് മുതല്‍ ഗാര്‍ഡനിംഗ് വരെ പരീക്ഷിച്ചവരുമുണ്ട്.

നൂറു ശതമാനവും സ്തംഭനാവസ്ഥയിലായ സിനിമാ മേഖലയിലാണ് വന്‍ നഷ്ടം സംഭവിച്ചത്. താരങ്ങളെല്ലാം അവരവരുടെ വീടുകളില്‍ കുടുംബസമേതം കഴിഞ്ഞ അത്യപൂര്‍‌വ്വ സംഭവങ്ങളും കോവിഡ് കാലത്തെ വിശേഷതയായിരുന്നു. മെഗാസ്റ്റാര്‍ മോഹന്‍‌ലാലും മമ്മൂട്ടിയുമൊക്കെ അവരവരുടെ വീടുകളില്‍ ഒതുങ്ങിക്കൂടിയെങ്കിലും അവര്‍ വെറുതെ ഇരിക്കുകയായിരുന്നില്ല എന്നതിന് തെളിവായിരുന്നു ലോക്ഡൗണ്‍ ചിത്രം പങ്കുവെച്ച് മോഹന്‍ ലാല്‍ എത്തിയത്നു. അതിനു തൊട്ടു പിന്നാലെ നമ്മുടെ മമ്മൂക്കയും വിശേഷങ്ങള്‍ പങ്കുവെയ്ക്കുകയാണ്. സിനിമാ തിരക്കുകളൊക്കെ മാറിയപ്പോള്‍ മറ്റ് കഴിവുകള്‍ പുറത്തെടുക്കാന്‍ ശ്രമിക്കുകയാണ് മമ്മൂക്ക. വീട്ടിനുള്ളിലിരുന്ന് ഫോട്ടോ എടുക്കലാണ് മമ്മൂക്കയുടെ വിനോദം. രാവിലെ വിരുന്ന് വരുന്ന കിളികളുടെ ഫോട്ടോകളാണ് അദ്ദേഹം ക്യാമറയില്‍ പകര്‍ത്തുന്നത്.

താന്‍ എടുത്ത ഫോട്ടോ അത്ര ഫോക്കസ് അല്ലെങ്കിലും പങ്കുവെച്ചിരിക്കുകയാണ് താരം. ഇത് തന്നെ പഴയകാല വിനോദമാണെന്ന് മമ്മൂട്ടി പറയുന്നു. പഴയ ഹോബികളെല്ലാം തിരികെ പൊടിതട്ടി എടുത്തിരിക്കുകയാണ് മമ്മുക്ക. എല്ലാവരും വീടുകളില്‍ സുരക്ഷിതരായി ഇരിക്കാനും താരം ആവശ്യപ്പെടുന്നുണ്ട്. മമ്മുക്കയുടെ ഫോട്ടോകള്‍ക്ക് നസ്രിയ ഫഹദ്, സിദ്ധാര്‍ത്ഥ്, മാളവിക തുടങ്ങിയവര്‍ കമന്റ് ചെയ്തിട്ടുണ്ട്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top