Flash News

കോവിഡ്-19: അമേരിക്കയില്‍ മരണനിരക്ക് വര്‍ദ്ധിക്കുന്നു; 24 മണിക്കൂറിനുള്ളില്‍ ആയിരത്തിലധികം മരണങ്ങള്‍

July 1, 2020 , ആന്‍സി

വാഷിംഗ്ടണ്‍: കോവിഡ്-19 വ്യാപനം അമേരിക്കയില്‍ കാട്ടുതീ പോലെ പടര്‍ന്നു പിടിക്കുകയാണ്. ജോണ്‍സ് ഹോപ്കിന്‍സ് സര്‍‌വ്വകലാശാലയുടെ കണക്കനുസരിച്ച് കഴിഞ്ഞ 24 മണിക്കൂറിനുള്ളില്‍ 1,199 മരണങ്ങളാണ് റിപ്പോര്‍ട്ട് ചെയ്തിരിക്കുന്നത്. ചൊവ്വാഴ്ച രാത്രി 8:30 വരെ രാജ്യത്ത് മൊത്തത്തില്‍ 127,322 മരണങ്ങള്‍ ഉണ്ടായിട്ടുണ്ടെന്ന് ജോണ്‍സ് ഹോപ്കിന്‍സ് പറയുന്നു. കഴിഞ്ഞ 24 മണിക്കൂറിനുള്ളില്‍ 42,528 പുതിയ കേസുകളും രജിസ്റ്റര്‍ ചെയ്തിട്ടുണ്ട്.

മരണസംഖ്യയും കേസുകളുടെ എണ്ണവും വര്‍ദ്ധിച്ചതിനാല്‍, പല യുഎസ് സംസ്ഥാനങ്ങള്‍ക്കും, പ്രത്യേകിച്ച് തെക്ക്, പടിഞ്ഞാറ് ഭാഗങ്ങളില്‍, വീണ്ടും തുറക്കുന്ന പ്രക്രിയകള്‍ താല്‍ക്കാലികമായി നിര്‍ത്തേണ്ടിവന്നു. ചൊവ്വാഴ്ച, ടെക്സസ് സംസ്ഥാനത്തിന്‍റെ പ്രതിദിന റെക്കോര്‍ഡ് തകര്‍ത്ത് 6,975 പുതിയ കേസുകള്‍ റിപ്പോര്‍ട്ട് ചെയ്തു.

അതേസമയം, കാലിഫോര്‍ണിയയിലെ ഏറ്റവും പഴയ ജയിലായ സാന്‍ ക്വെന്‍റിനില്‍ ആയിരത്തിലധികം തടവുകാര്‍ക്ക് കോവിഡ്-19 പോസിറ്റീവ് ആണെന്ന് കണ്ടെത്തിയതായി പ്രാദേശിക അധികൃതര്‍ അറിയിച്ചു.

പകര്‍ച്ചവ്യാധിയെ അടിച്ചമര്‍ത്താനുള്ള നടപടികളെടുക്കാന്‍ അധികാരികളും പൊതുജനങ്ങളും പരാജയപ്പെട്ടാല്‍ പുതിയ കൊറോണ വൈറസ് കേസുകള്‍ പ്രതിദിനം ഇരട്ടിയിലധികം ആയിരിക്കുമെന്ന് പ്രസിഡന്‍റ് ഡൊണാള്‍ഡ് ട്രംപിന്‍റെ കൊറോണ വൈറസ് ടാസ്ക് ഫോഴ്സിലെ പ്രമുഖ അംഗവും പകര്‍ച്ചവ്യാധി വിദഗ്ധനുമായ ഡോ. ആന്‍റണി ഫൗചി കോണ്‍ഗ്രസിനോട് പറഞ്ഞു.

മറ്റു മുതിര്‍ന്ന യുഎസ് ഉദ്യോഗസ്ഥരെ പോലെ, ഡോ. ഫൗചി അമേരിക്കക്കാരോട്, പ്രത്യേകിച്ച് ചെറുപ്പക്കാരോട്, മുഖം മൂടാനും ജനക്കൂട്ടത്തെ ഒഴിവാക്കാനും ആഹ്വാനം ആഹ്വാനം ചെയ്തു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top