ന്യൂയോര്‍ക്ക്: കേരള സര്‍ക്കാരിന്റെ പുതിയ സ്കീമായ ഡ്രീം കേരള പദ്ധതി മടങ്ങിവരുന്ന പ്രവാസികളുടെ പുനരധിവാസവും സംസ്ഥാന സര്‍ക്കാരിന്റെ വികസനവും ലക്ഷ്യമിട്ട് പ്രവാസികളില്‍ നിന്നും പൊതുസമൂഹത്തില്‍ നിന്നും ആശയങ്ങളും നിര്‍ദേശങ്ങളും സ്വീകരിച്ചു 100 ദിവസങ്ങള്‍ക്കുള്ളില്‍ നടപ്പിലാക്കി തുടങ്ങുകയാണ്. മുഖ്യ മന്ത്രിയുടെ നേതൃത്വത്തില്‍ പ്രതിപക്ഷ നേതാവും ചീഫ് സെക്രട്ടറി അടങ്ങുന്ന ഒരു ഒരു സ്റ്റിയറിംഗ് കമ്മിറ്റി ഇതുമായി ബന്ധപെട്ടു നിലവില്‍ വന്നിട്ടുണ്ട്‌.

പരിചയ സമ്പത്തും പല തുറകളില്‍ വൈദഗ്ദ്യം നേടിയവരും പല പ്രൊജെക്ടുകളും കൈകാര്യം ചെയ്തവരാണ് മിക്ക പ്രവാസികളും. ഈ പ്രതിസന്ധി ഘട്ടത്തില്‍ അതിനെ അവസരമാക്കി മാറ്റാനും പുനരവധിവാസത്തെ കുറിച്ച് ചിന്തിക്കുന്ന എല്ലാ പ്രവാസികളും ഇതില്‍ പങ്കാളികള്‍ ആകുന്നതിനു പ്രേത്യകം താല്പര്യമെടുക്കണമെന്ന് പ്രവാസി മലയാളി ഫെഡറേഷന്‍ ഗ്ലോബല്‍ ഭാരവാഹികള്‍ അഭ്യര്‍ത്തിച്ചു.

പ്രവാസി മലയാളി ഫെഡറേഷന്‍ ഗ്ലോബല്‍ സംഘടന പ്രസ്തുത പദ്ധതിയിലേക്ക് ആശയങ്ങളും നിര്‍ദേശങ്ങളും സമര്‍പ്പികുന്നതിനുള്ള പ്രവര്‍ത്തനങ്ങള്‍ ആരംഭിച്ചുകഴിഞ്ഞു. അംഗങ്ങളില്‍ നിന്നും ലഭിക്കുന്ന നിര്‍ദേശങ്ങള്‍ ക്രോഡീകരിച്ചു കേരള സംസ്ഥാന സര്‍ക്കാരിലേക്ക് ഔദ്യോധികമായി സമര്‍പ്പിക്കുന്നതാണെന്ന് ഗ്ലോബല്‍ പ്രസിഡന്റ് എം പി സലിം പറഞ്ഞു.

അംഗങ്ങളുടെ നിര്‍ദേശങ്ങള്‍ saleemmp99@yahoo.com എന്ന ഈമെയിലില്‍ ജൂലൈ 12 നു മുന്‍പ്‌ അയക്കേണ്ടതാണ്. നിങ്ങളുടെ പൂര്‍ണ വിവരവും സംഘടന പ്രാതിനിധ്യവും പ്രതിപാദിക്കാന്‍ താല്പര്യപ്പെടുന്നു.

എം പീ സലീം
ഗ്ലോബല്‍ പ്രസിഡണ്ട്
+974-55212404 (Qatar)

ജോസ് മാത്യു പനച്ചിക്കല്‍
ഗ്ലോബല്‍ കോഓര്‍ഡിനേറ്റര്‍
+43 676 4149239 (Austria)

വര്‍ഗീസ് ജോണ്‍
ഗ്ലോബല്‍ സെക്രട്ടറി
+44 7714 160747 (UK)

സ്റ്റീഫന്‍ കോട്ടയം
ഗ്ലോബല്‍ ട്രഷറര്‍
+966 55 597 1066 (Saudi Arabia)