Flash News

മെസ്ക്വിറ്റ് സിറ്റി മുന്‍ മേയര്‍ ജോണ്‍ മൊണാക്കോ അന്തരിച്ചു

July 6, 2020 , പി.പി. ചെറിയാന്‍

ഡാളസ് : ഡാളസ് കൗണ്ടിയില്‍ സുപ്രധാന സിറ്റിയായ മസ്ക്വിറ്റ് സിറ്റി മുന്‍ മേയര്‍ ജോണ്‍ മൊണാകൊ അന്തരിച്ചു. ജൂലൈ 5 നാണു മേയറുടെ മരണവാര്‍ത്ത സിറ്റി സ്ഥിരീകരിച്ചത്. മരണകാരണം വ്യക്തമാക്കിയിട്ടില്ല. മേയറുടെ ആകസ്മിക വിയോഗത്തില്‍ സിറ്റി ഓഫ് മെസ്ക്വിറ്റ് അനുശോചനം അറിയിച്ചു.

മലയാളികളുടെ പ്രിയപ്പെട്ട മേയറും, മലയാളികളെ ബഹുമാനിക്കുകയും ചെയ്തിരുന്ന മേയറായിരുന്നു അന്തരിച്ച മൊണാകൊ. ആദ്യകാലങ്ങളില്‍ ടെക്സസിലെക്ക് കുടിയേറിയ അമേരിക്കന്‍ മലയാളികളുടെ കൂടുതല്‍ കുടുംബങ്ങളും താമസിച്ചിരുന്ന സ്ഥലവുമാണ് മെസ്ക്വിറ്റ്. അമേരിക്കന്‍ മലയാളികളുടെ ധാരാളം വ്യവസായ സ്ഥാപനങ്ങളും മെസ്ക്വിറ്റില്‍ ഉണ്ട്.

2001 മുതല്‍ 2015 വരെ സിറ്റി കൗണ്‍സിലിലും 2007 നവംബര്‍ മുതല്‍ 2015 മെയ് വരെ മേയറായും സേവനമനുഷ്ഠിച്ചു. മൊണാക്കോയുടെ ഭരണകാലത്ത് മെസ്ക്വിറ്റ് നിരവധി കമ്മ്യൂണിറ്റി പ്രോഗ്രാമുകള്‍ ആരംഭിച്ചു. അത് ഇന്നും കാര്യമായ സ്വാധീനം ചെലുത്തുന്നു. 40 വര്‍ഷത്തിലേറെ മെസ്ക്വിറ്റിലെ താമസക്കാരനും ഷൈലോ ടെറസ് ബാപ്റ്റിസ്റ്റ് ചര്‍ച്ചിലെ അംഗവുമായിരുന്നു. മെസ്ക്വിറ്റിന്‍റെ ആദ്യ വൊളണ്ടിയര്‍ കോര്‍ഡിനേറ്ററായി മൊണാക്കോ സേവനമനുഷ്ഠിച്ചു. മെസ്ക്വിറ്റ് പോലീസ് ഡിപ്പാര്‍ട്ട്മെന്‍റ് സിറ്റിസണ്‍ പോലീസ് അക്കാദമി, മെസ്ക്വിറ്റ് ഫയര്‍ ഡിപ്പാര്‍ട്ട്മെന്‍റ് സിറ്റിസണ്‍സ് ഫയര്‍ അക്കാദമി എന്നിവയില്‍ നിന്ന് ബിരുദധാരിയായിരുന്നു. ടെക്സസ് മുനിസിപ്പല്‍ ലീഗിന്‍റെ പ്രസിഡന്‍റായും നിരവധി സംസ്ഥാന, പ്രാദേശിക ബോര്‍ഡുകളിലും കമ്മിറ്റികളിലും അദ്ദേഹം സേവനമനുഷ്ഠിച്ചു.

യുഎസ് കോണ്‍ഫറന്‍സ് ഓഫ് മേയര്‍മാര്‍, നോര്‍ത്ത് സെന്‍ട്രല്‍ ടെക്സസ് കൗണ്‍സില്‍ ഓഫ് ഗവണ്‍മെന്‍റുകള്‍, മെസ്ക്വിറ്റ് ചേംബര്‍ ഓഫ് കൊമേഴ്സ്, അമേരിക്കന്‍ ഹാര്‍ട്ട് അസോസിയേഷന്‍, റീജിയണല്‍ ട്രാന്‍സ്പോര്‍ട്ടേഷന്‍ കമ്മീഷന്‍, ഡാളസ് റീജിയണല്‍ മൊബിലിറ്റി കോളിഷന്‍, എമര്‍ജന്‍സി തയ്യാറെടുപ്പ് ആസൂത്രണ സമിതി, സിറ്റി ഓഫ് മെസ്ക്വിറ്റിന്‍റെ ബോര്‍ഡ് ഓഫ് അഡ്ജസ്റ്റ്മെന്‍റ്, ജലസംരക്ഷണ ഉപദേശക സമിതി, സിവില്‍ സര്‍വീസ് കമ്മീഷന്‍/ട്രയല്‍ ബോര്‍ഡ്, ആസൂത്രണ, സോണിംഗ് കമ്മീഷന്‍, വിവിധ പുനര്‍ നിക്ഷേപ മേഖലാ ബോര്‍ഡുകള്‍, നഗരം വിപുലീകരിക്കുന്നത് ജോണ്‍ മൊണാക്കോ നിര്‍ണ്ണായക പങ്കു വഹിച്ചിട്ടുണ്ട്. 1878-ല്‍ രൂപീകരിച്ച മെസ്ക്വിറ്റ് സിറ്റി അമേരിക്കയിലെ ജനസാന്ദ്രതയുള്ള സിറ്റികളില്‍ ഇരുപത്തിരണ്ടാമത്തേതാണ്. അമേരിക്കയിലെ ആദ്യത്തെ ഫുള്ളി എയര്‍കണ്ടീഷന്‍ഡ് ഷോപ്പിംഗ് മാള്‍ 1959 ബിഗ് ടൗണ്‍ മാള്‍ ആയിരുന്നു. അമേരിക്കയിലെ കുപ്രശസ്ത ട്രെയിന്‍ കള്ളന്‍ സാം ബാസ് (Sam Bass ) നടത്തിയ ട്രെയിന്‍ റോബറി (1878 $30000) വളരെ പ്രസിദ്ധമാണ്.

മേയറുടെ അകാല വിയോഗത്തില്‍ ഇന്ത്യ പ്രസ്ക്ലബ് ഓഫ് നോര്‍ത്തമേരിക്ക (നോര്‍ത്ത് ടെക്സാസ് ചാപ്റ്റര്‍) പ്രസിഡണ്ട് സണ്ണി മാളിയേക്കല്‍ അനുശോചനം അറിയിച്ചു. മലയാളികളെ മാത്രമല്ല ഇന്ത്യന്‍ സമൂഹത്തെയും സ്നേഹിക്കുകയും പ്രോത്സാഹിപ്പിക്കുകയും ചെയ്തിരുന്ന വ്യക്തിയായിരുന്നു അന്തരിച്ച മേയറെന്ന് നോര്‍ത്ത് ടെക്സാസ് ചാപ്റ്ററിന്‍റെ അനുശോചന സന്ദേശത്തില്‍ പറയുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top