Flash News

ടെക്സസില്‍ വധശിക്ഷ പുനരാരംഭിച്ചു, ബില്ലി ജോയുടെ വധശിക്ഷ ജൂലൈ 8-ന് നടപ്പാക്കി

July 9, 2020 , പി.പി. ചെറിയാന്‍

ഹണ്ട്സ്‌വില്‍: കോവിഡ്-19 വ്യാപകമായതിനെത്തുടര്‍ന്ന് ഫെബ്രുവരി ആദ്യം നിര്‍ത്തല്‍ ചെയ്ത വധശിക്ഷ അഞ്ചു മാസത്തെ ഇടവേളക്കു ശേഷം പുനരാരംഭിച്ചു.

ജൂലൈ 8 ന് ഹണ്ട്‌സ്‌വില്‍ ജയിലില്‍ 45-കാരനായ ബില്ലി ജൊ വാര്‍ഡുലൊയുടെ വധശിക്ഷ നടപ്പാക്കി. 1993ല്‍ 82 വയസ്സുള്ള വൃദ്ധനെ വെടിവച്ചു കൊലപ്പെടുത്തി വാഹനം തട്ടിയെടുക്കാന്‍ ശ്രമിച്ച കേസില്‍ ജൊക്ക് വധശിക്ഷ വിധിക്കുമ്പോള്‍ പതിനെട്ട് വയസ്സ് മാത്രമായിരുന്നു പ്രായം.

പ്രതി മനഃപൂര്‍വ്വം വൃദ്ധനെ കൊലപ്പെടുത്തുന്നതിന് വെടിയുതിര്‍ത്തതാണെന്ന് പ്രൊസിക്യൂഷന്‍ വാദിച്ചപ്പോള്‍ മല്‍പിടുത്തത്തിനിടയില്‍ അപകടത്തില്‍ വെടിയേറ്റാണ് കാള്‍ കോള്‍ (82) കൊല്ലപ്പെട്ടതെന്ന് പ്രതിക്കുവേണ്ടി ഹാജരായ അറ്റോര്‍ണി വാദിച്ചുവെങ്കിലും കോടതി തള്ളിക്കളയുകയായിരുന്നു. വൃദ്ധനെ കൊലപ്പെടുത്തി വാഹനം തട്ടിയെടുത്ത് പെണ്‍സുഹൃത്തുമായി ജീവിക്കാനായിരുന്നു ബില്ലി ജൊയുടെ ലക്ഷ്യമെന്നും പ്രോസിക്യൂഷന്‍ വാദിച്ചു.

ഏപ്രില്‍ 29 ന് വിധശിക്ഷ നടപ്പാക്കാനായിരുന്നു കോടതി തീരുമാനം. എന്നാല്‍ മഹാമാരിയെ തുടര്‍ന്ന് ജൂലൈ 8 ലേക്കു മാറ്റുകയായിരുന്നു. ബുധനാഴ്ച വൈകിട്ട് 6 മണിക്ക് വിഷമിശ്രിതം സിരകളിലേക്ക് പ്രവേശിപ്പിച്ചു നിമിഷങ്ങള്‍ക്കുള്ളില്‍ മരണം സ്ഥിരീകരിച്ചു.

അമേരിക്കന്‍ സംസ്ഥാനങ്ങളില്‍ ഏറ്റവും കൂടുതല്‍ വധശിക്ഷ നടപ്പാക്കുന്നതു ടെക്‌സാസിലാണ്. 2019 ല്‍ അമേരിക്കയില്‍ ആകെ നടപ്പാക്കിയ 22 വധശിക്ഷകളില്‍ ഒന്‍പതും ടെക്‌സസിലായിരുന്നു. 2020 ഫെബ്രുവരിയില്‍ വധശിക്ഷ നിര്‍ത്തലാക്കുന്നതിനു മുമ്പ് രണ്ടു പേരെ വധശിക്ഷക്ക് വിധേയരാക്കിയിരുന്നു. ഈ വര്‍ഷം ഇനിയും നാലു പേര്‍ വധശിക്ഷ കാത്തുകഴിയുന്നുണ്ട്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top