ന്യൂജേഴ്‌സി: വേള്‍ഡ് മലയാളി കൗണ്‍സില്‍ ഇന്ത്യ റീജിയന്‍ പ്രസിഡന്റ് ഷാജി മാത്യുവിന്റെ ഭാര്യ ലീന ഷാജിയുടെ നിര്യാണത്തില്‍ ഡബ്‌ള്യു.എം.സി ന്യൂജേഴ്‌സി പ്രൊവിന്‍സ് അനുശോചനം രേഖപ്പെടുത്തി.

വേള്‍ഡ് മലയാളി കൌണ്‍സില്‍ നേതൃത്വ നിരയിലെ തിളക്കമാര്‍ന്ന വ്യക്തിത്വവും സ്‌കൈവേ ട്രാവല്‍സ് ഉടമയുമായ ഷാജി മാത്യുവിന്റെ ഭാര്യ ലീന ഷാജിയുടെ അകാല നിര്യാണത്തില്‍ ന്യൂജേഴ്‌സി പ്രൊവിന്‍സ് ചെയര്‍മാന്‍ ഡോ ഗോപിനാഥന്‍ നായര്‍, പ്രസിഡന്റ് ജിനേഷ് തമ്പി, അഡ്വൈസറി ബോര്‍ഡ് ചെയര്‍മാന്‍ തോമസ് മൊട്ടക്കല്‍, സെക്രട്ടറി ഡോ. ഷൈനി രാജു, ട്രഷറര്‍ രവി കുമാര്‍ ഉള്‍പ്പെടുന്ന എക്സിക്യൂട്ടീവ് കമ്മിറ്റിയും, അഡ്വൈസറി ബോര്‍ഡും അഗാധമായ ദുഃഖവും അനുശോചനവും രേഖപ്പെടുത്തി.

2018 ല്‍ ഡബ്‌ള്യു.എം.സി ന്യൂജേഴ്‌സി പ്രൊവിന്‍സ് ആതിഥ്യമരുളിയ ഗ്ലോബല്‍ കോണ്‍ഫറന്‍സില്‍ ലീന ഷാജി സജീവ സാന്നിധ്യമായിരുന്നു.

തിരുവനന്തപുരം നാലാഞ്ചിറ നവജീവന്‍ സ്‌കൂളിന് എതിര്‍വശമുള്ള മുളമൂട്ടില്‍ വീട്ടില്‍ ലീന ഷാജി കുടുംബസമേതം താമസിച്ചുവരികയായിരുന്നു. ഹൃദയസ്തംഭനം മൂലമായിരുന്നു അന്ത്യം.