Flash News

ഡാളസ് കൗണ്ടിയില്‍ തുടര്‍ച്ചയായി എട്ടാം ദിവസവും കോവിഡ് സ്ഥിരീകരിച്ചവരുടെ എണ്ണം ആയിരത്തിനു മുകളില്‍

July 11, 2020 , പി.പി. ചെറിയാന്‍

ഡാളസ്: ഡാളസ് കൗണ്ടിയില്‍ കഴിഞ്ഞ എട്ടു ദിവസമായി ദിവസം തോറും കോവിഡ്-19 സ്ഥിരീകരിച്ചവരുടെ എണ്ണം ആയിരത്തിനു മുകളിലാണ്.

ജൂലൈ 10 വെള്ളിയാഴ്ച മാത്രം ലഭ്യമായ കണക്കനുസരിച്ച് 1165 പോസിറ്റീവ് കേസ്സുകളും ഒന്‍പതു മരണവും സംഭവിച്ചതായി ഹെല്‍ത്ത് ഡയറക്ടര്‍ ഡോ. ഫിലിപ്പ് ഹുയാഗ് കൗണ്ടി കമ്മിഷണര്‍മാരെ അറിയിച്ചു.

ഇതോടെ ഡാളസ് കൗണ്ടിയില്‍ മാത്രം ഇതുവരെ രോഗം സ്ഥിരീകരിച്ചവരുടെ എണ്ണം 31,525 ആയി ഉയര്‍ന്നു. 445 മരണവും സംഭവിച്ചതായി കൗണ്ടി ആരോഗ്യ വകുപ്പ് അധികൃതര്‍ പറയുന്നു.

കോറോണ വൈറസിന്‍റെ വ്യാപനം വര്‍ധിക്കുന്നതല്ലാതെ കുറയുന്ന ലക്ഷണമൊന്നുമില്ലെന്ന് ഡോ. ഫിലിപ്പ് പറഞ്ഞു. രോഗം സ്ഥിരീകരിച്ചവരില്‍ ആശുപത്രിയില്‍ പ്രവേശിപ്പിക്കുന്നവരുടെ എണ്ണവും ദിനം തോറും വര്‍ധിച്ചു വരുന്നു.

ടെക്സസ് സംസ്ഥാനത്ത് സിഡിസിയുടെെ കണക്കനുസരിച്ച് ജൂലൈ 10 വരെ 230346 കേസ്സുകളാണ് കണ്ടെത്തിയിരിക്കുത്.

അമേരിക്കയില്‍ ആകെ 3106931 പോസ്റ്റീവ് കോവിഡ് 19 കേസ്സുകളും 132855 മരണവും ജൂലൈ 10 വരെ സംഭവിച്ചിട്ടുണ്ട്.

കോവിഡ് 19 വ്യാപനത്തിന്‍റെ ആദ്യ നാളുകളില്‍ ഏറ്റവും ദുരിതമായി ബാധിച്ച ന്യൂയോര്‍ക്ക്, ന്യൂജേഴ്സി സംസ്ഥാനങ്ങളില്‍ രോഗികളുടെ എണ്ണം കുറഞ്ഞുവരുന്നുവെന്നത് പ്രതീക്ഷ നല്‍കുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top