Flash News

കോവിഡ്-19 വ്യാപനം; കളമശ്ശേരി, ഇടപ്പള്ളി എന്നീ പ്രദേശങ്ങള്‍ കണ്ടെയ്ന്മെന്റ് സോണില്‍ പെടുത്തി, ലുലു മാള്‍ താത്ക്കാലികമായി അടച്ചു

July 13, 2020 , ആന്‍സി

തിരുവനന്തപുരം നഗരം കണ്ടെയ്ന്മെന്റ് സോണ്‍ ആയി പ്രഖ്യാപിച്ചതിനു ശേഷം സംസ്ഥാനത്തെ നിരവധിപ്രദേശങ്ങളും കണ്ടെയ്ന്മെന്റ് സോണുകളായി പ്രഖ്യാപിക്കുന്നു. ഇപ്പോള്‍ ഇടപ്പള്ളിയും ലിസ്റ്റില്‍ ഇടം പിടിച്ചു. കളമശേരി മുനിസിപ്പാലിറ്റി ഡിവിഷന്‍ നമ്പര്‍ 34 കണ്ടെയ്ന്‍മെന്റ് സോണ്‍ ആയി പ്രഖ്യാപിച്ച സാഹചര്യത്തില്‍ ഇടപ്പള്ളി ലുലുമാള്‍ താത്ക്കാലികമായി അടച്ചു. ഈ വാര്‍ഡിലെ ഒരു ആരോഗ്യ പ്രവര്‍ത്തകന് കോവിഡ് സ്ഥീകരിച്ചതിനെ തുടര്‍ന്നാണ് ഇവിടെ കണ്ടെയ്‌മെന്റ് സോണായി പ്രഖ്യാപിച്ചത്.

അതേ സമയം കൊവിഡ് രോഗികള്‍ ഉയരുന്ന എറണാകുളം ജില്ലയിലെ നിയന്ത്രിത മേഖലകള്‍ പുതുക്കി നിശ്ചയിച്ചു. ആലുവ നഗരസഭയും കീഴ്മാട് പഞ്ചായത്തും പൂര്‍ണമായും നിയന്ത്രിത മേഖലയാക്കി. ചെങ്ങമനാട് പഞ്ചായത്ത് വാര്‍ഡ് 14, കരുമാല്ലൂര്‍ പഞ്ചായത്ത് വാര്‍ഡ് 4, തൃപ്പൂണിത്തുറ നഗരസഭ ഡിവിഷന്‍ 35, ശ്രീമൂലനഗരം പഞ്ചായത്ത് വാര്‍ഡ് 4, എടത്തല പഞ്ചായത്ത് വാര്‍ഡ് 2, വാഴക്കുളം പഞ്ചായത്ത് വാര്‍ഡ് 19, നീലീശ്വരം പഞ്ചായത്ത് വാര്‍ഡ് 13, വടക്കേക്കര പഞ്ചായത്ത് വാര്‍ഡ് 15, കൊച്ചി കോര്‍പ്പറേഷന്‍ വാര്‍ഡ് 66, ദൊരൈസ്വാമി അയ്യര്‍ റോഡ് എന്നിവയാണ് ജില്ലയിലെ മറ്റു നിയന്ത്രിത മേഖലകള്‍.

കൊച്ചി കോര്‍പ്പറേഷന്‍ വാര്‍ഡ് 27 പട്ടികയില്‍ നിന്നും ഒഴിവാക്കി. ഇന്നലെ കൂടുതല്‍ കൊവിഡ് കേസുകള്‍ റിപ്പോര്‍ട്ട് ചെയ്ത ആലുവ നഗരസഭയില്‍ ശക്തമായ നിയന്ത്രണങ്ങള്‍ തുടരാനാണ് തീരുമാനം. ആലുവ മാര്‍ക്കറ്റില്‍ മാത്രം 6 പേര്‍ക്ക് സമ്പര്‍ക്കത്തിലൂടെ കൊവിഡ് സ്ഥിരീകരിച്ചിരുന്നു.

കൊച്ചി നഗരത്തില്‍ സ്വകാര്യ ഏജന്‍സിയുമായി സഹകരിച്ച് നിയന്ത്രിത മേഖലകള്‍ നഗസഭ അണുവിമുക്തമാക്കി. നഗരത്തില്‍ സമ്പര്‍ക്ക രോഗികളുടെ എണ്ണത്തില്‍ കുറവുണ്ട്. എങ്കിലും ആശങ്ക ഒഴിയുന്നില്ലെന്നും മേയര്‍ സൗമിനി ജെയിന്‍ വ്യക്തമാക്കി. കഴിഞ്ഞ ദിവസം എറണാകുളം എസ്ആര്‍വി സ്‌കൂളിലെ പ്ലസ് ടു മൂല്യനിര്‍ണ്ണയത്തില്‍ പങ്കെടുത്ത കെമിസ്ട്രി അദ്ധ്യാപികക്ക് കൊവിഡ് സ്ഥിരീകരിച്ചതോടെ ഡ്യൂട്ടിയിലുണ്ടായിരുന്ന 18 അദ്ധ്യാപകര്‍ ക്വാറന്റീനിലാണ്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top