Flash News

സ്വപ്ന സുരേഷും സരിത്ത് നായരും സ്വര്‍ണ്ണം കടത്തുന്നുണ്ടെന്ന് അറിയാമായിരുന്നുവെന്ന് ശിവശങ്കര്‍, എന്‍ ഐ എയുടെ ചോദ്യം ചെയ്യലില്‍ നിര്‍ണ്ണായക വെളിപ്പെടുത്തല്‍

July 14, 2020 , ശ്രീജ

യു എ ഇയുടെ ഡിപ്ലോമാറ്റിക് ബാഗിലൂടെ 30 കിലോ സ്വര്‍ണ്ണം കടത്തിയ കേസുമായി ബന്ധപ്പെട്ട് എന്‍ ഐ എയുടെ കസ്റ്റഡിയിലായ സ്വപ്ന സുരേഷിനെയും സരിത്ത് നായരെയും അടുത്തറിയാമെന്നും, ഇരുവരും സ്വര്‍ണ്ണം കടത്തുന്ന വിവരം അറിയാമായിരുന്നു എന്നും എം ശിവശങ്കര്‍.

സ്വപ്നയേയും സരിത്തിനേയും എന്‍ ഐ എ ചോദ്യം ചെയ്യുന്നതിനിടെയാണ് പ്രതികളുമായി അടുത്ത ബന്ധം പുലര്‍ത്തിയിരുന്ന മുഖ്യമന്ത്രി പിണറായി വിജയന്‍റെ പ്രിന്‍സിപ്പല്‍ സെക്രട്ടറിയും സംസ്ഥാന ഐ ടി വകുപ്പ് സെക്രട്ടറിയുമായിരുന്ന എം ശിവശങ്കറിനെ കസ്റ്റംസ് ചോദ്യം ചെയ്യാന്‍ വിളിപ്പിച്ചത്. ഇന്ന് ആറു മണിക്കൂറോളമാണ് ശിവശങ്കറിനെ കസ്റ്റം ചോദ്യം ചെയ്തത്.

സ്വപ്നയും സരിത്തും നേരത്തെ സ്വര്‍ണ്ണം കടത്തിയിരുന്നോ എന്നറിയില്ലെന്നും എന്നാല്‍ ഇപ്പോള്‍ സ്വര്‍ണ്ണം കടത്തിയ വിവരം അറിഞ്ഞിരുന്നുവെന്ന് ശിവശങ്കര്‍ കസ്റ്റംസിനോട് പറഞ്ഞതായാണ് റിപ്പോര്‍ട്ടുകള്‍. പിന്നീടാണ് സ്വപ്ന സുരേഷും സരിത്തും സ്വര്‍ണക്കടത്തുമായി ബന്ധമുള്ളവരാണെന്ന് താന്‍ തിരിച്ചറിഞ്ഞതായാണ് ശിവശങ്കര്‍ അന്വേഷണ സംഘത്തോട് പറഞ്ഞത്. സ്വപ്ന സഹപ്രവര്‍ത്തകയും സരിത്ത് സുഹൃത്തുമാണെന്ന് ചോദ്യം ചെയ്യലില്‍ ശിവശങ്കര്‍ പറഞ്ഞു. എന്നാല്‍, ശിവശങ്കറിന്‍റെ മൊഴി കസ്റ്റംസ് സംഘം മുഖവിലയ്ക്കെടുത്തിട്ടില്ല. ശിവശങ്കറിന്റേത് കൃത്യമായ മറുപടിയല്ലെന്നാണ് അന്വേഷണ സംഘത്തിന്‍റെ നിഗമനം.

സ്വപ്നയേയും മറ്റൊരു പ്രതി സന്ദീപ് നായരേയും ബംഗളൂരുവില്‍ നിന്ന് എന്‍ ഐ എ പിടികൂടി കൊച്ചിയിലെത്തിച്ചതിനു ശേഷമാണ് ചോദ്യം ചെയ്യലിന് ഹാജരാകണമെന്ന് കാണിച്ച് ശിവശങ്കറിന്‍റെ വീട്ടിലെത്തി കസ്റ്റംസ് നോട്ടീസ് നല്‍കിയത്. തിരുവനന്തപുരം കസ്റ്റംസ് ഓഫീസിലാണ് ചോദ്യം ചെയ്യല്‍ നടക്കുന്നത്. നയതന്ത്ര ബാഗിലൂടെ സ്വര്‍ണം കടത്താന്‍ ഗൂഢാലോചന നടത്തിയത് ശിവശങ്കറിന്‍റെ ഉടമസ്ഥതയിലുള്ള ഫ്ലാറ്റില്‍ വെച്ചാണെന്ന സൂചനകള്‍ നേരത്തെ തന്നെ കസ്റ്റംസിന് ലഭിച്ചിരുന്നതാണ്. തുടര്‍ന്നാണ് ഫ്ലാറ്റില്‍ റെയ്ഡ് നടത്തുന്നത്. സിസിടിവി അടക്കുള്ള തെളിവുകള്‍ വെച്ച് സരിത്തിനെ ചോദ്യം ചെയ്തതോടെയാണ് ഗൂഢാലോചനയുടെ വിവരങ്ങള്‍ പുറത്ത് വരുന്നത്.

കസ്റ്റംസിന്റെ ചോദ്യം ചെയ്യലില്‍ തുടക്കത്തില്‍ നിസ്സഹകരണ മനോഭാവം കാണിച്ച ശിവശങ്കര്‍ തെളിവുകള്‍ നിരത്തിയതോടെ കീഴ്‌വഴങ്ങുകയായിരുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top