നില്‍പ്പു സമരത്തിന്റെ ജില്ലാതല ഉദ്ഘാടനം പൂക്കോട്ടൂരില്‍ ജില്ലാ പ്രസിഡന്റ് ബഷീര്‍ തൃപ്പനച്ചി നിര്‍വഹിക്കുന്നു

മലപ്പുറം: ‘മലപ്പുറം ജില്ലയില്‍ പുതിയ ഹയര്‍ സെക്കന്ററി ബാച്ചുകള്‍ അനുവദിക്കുക’ എന്നാവശ്യപ്പെട്ട് ഫ്രറ്റേണിറ്റി മൂവ്മെന്റ് ജില്ലയിൽ നില്‍പ്പു സമരം നടത്തി. ജില്ലാതല ഉദ്ഘാടനം പൂക്കോട്ടൂരില്‍ ജില്ലാ പ്രസിഡന്റ് ബഷീര്‍ തൃപ്പനച്ചി നിര്‍വഹിച്ചു.

മലപ്പുറം ജില്ലയില്‍ 30,376 വിദ്യാര്‍ഥികള്‍ക്ക് പ്ലസ് വണ്ണിന് സീറ്റില്ലെന്നും കാലങ്ങളായി തുടരുന്ന ഈ വിവേചനത്തിന് പരിഹാരം വേണമെന്നും പുതിയ ഹയര്‍ സെക്കന്ററി ബാച്ചുകള്‍ അനുവദിക്കണമെന്നും അദ്ദേഹം പറഞ്ഞു.

ജില്ലയിലെ വിവിധ കേന്ദ്രങ്ങളില്‍ നില്‍പ്പു സമരം നടന്നു. വിവിധ കേന്ദ്രങ്ങളില്‍ ജില്ലാ വൈസ് പ്രസിഡന്റ് സല്‍മാന്‍ താനൂര്‍, ഡോ. എ.കെ സഫീര്‍, ജനറല്‍ സെക്രട്ടറിമാര്‍, സെക്രട്ടറിമാര്‍ തുടങ്ങിയവര്‍ നേതൃത്വം നല്‍കി.