Flash News

പ്രശസ്ത നോവലിസ്റ്റ് സുധാകര്‍ മംഗളോദയം അന്തരിച്ചു

July 17, 2020 , പ്രസീത

പ്രശസ്ത നോവലിസ്റ്റ് സുധാകര്‍ മംഗലോദയം അന്തരിച്ചു. 72 വയസ്സായിരുന്നു. ഇന്ന് വൈകീട്ട് ആറു മണിയോടെ വെള്ളൂരിലെ വസതിയില്‍ വെച്ചായിരുന്നു അന്ത്യം.  വാര്‍ദ്ധക്യസഹജമായ അസുഖങ്ങള്‍ കാരണം ഒരു വര്‍ഷമായി ചികിത്സയിലായിരുന്നു. ശവസംസ്‌ക്കാര ശുശ്രൂഷകള്‍ നാളെ രാവിലെ 10 ന് നടക്കും.

പിറവത്തിനടുത്ത് വെള്ളൂരാണ് സുധാകറിന്റെ സ്വദേശം. മുട്ടത്തു വർക്കിയുടെ നോവൽ രചനാ രീതിയിലൂടെ മലയാള മനോരമ, മംഗളം പ്രസിദ്ധീകരണങ്ങളിൽ പ്രസിദ്ധീകരിക്കപ്പെട്ട നോവലുകളിലൂടെയാണ് സുധാകർ മംഗളോദയം (സുധാകര്‍ പി നായര്‍) വായനക്കാരുടെ പ്രിങ്കരനായ എഴുത്തുകാരനായി മാറുന്നത്. നിരവധി നോവലുകളും, സീരിയലുകളും എഴുതിയിട്ടുണ്ട്. ടെലിവിഷൻ പരമ്പരകൾ സംവിധാനം ചെയ്തു.

പത്മരാജന്റെ കരിയിലകാറ്റുപോലെ സുധാകരന്റെ കഥയായിരുന്നു. 1985ൽ പുറത്തിറങ്ങിയ വസന്തസേന എന്ന ചലച്ചിത്രത്തിന്റെ കഥ ഇദ്ദേഹത്തിന്റേതാണ്. ഞാൻ ഏകനാണ്, വസന്തസേന, കരിയിലക്കാറ്റു പോലെ, കരിമ്പ് എന്നിവ സിനിമകളായി. ചിറ്റ, ചാരുലത, ഗൃഹപ്രവേശം, നീലക്കടമ്പ്, തുലാഭാരം, കുടുംബം, സുമംഗലി, എന്നിവ പ്രധാന രചനകളാണ്. ‘നന്ദിനി ഓപ്പോൾ’ എന്ന സിനിമയ്ക്കു സംഭാഷണം രചിച്ചു. ‘ഞാൻ ഏകനാണ്’ എന്ന ചലച്ചിത്രത്തിന്റെ തിരക്കഥയും.

പാദസ്വരം, നന്ദിനി ഓപ്പോള്‍, അവള്‍, ഒറ്റക്കൊലുസ്സ്, ചിറ്റ, ഈറന്‍ നിലാവ്, മയൂരനൃത്തം, കളിയൂഞ്ഞാല്‍, വസന്തസേന, ഹംസതടാകം, വേനല്‍വീട്, കൃഷ്ണതുളസി, തലാഖ്, സൗന്ദര്യപൂജ, ശ്രീരാമചക്രം, ശ്യാമ, ഗാഥ, കുങ്കുമപ്പൊട്ട്, തവ വിരഹേ, നീല നിലാവ്, പത്നി, താരാട്ട്, കമല, ചുറ്റുവിളക്ക്, താലി, പൂമഞ്ചം, നിറമാല, ഗൃഹപ്രവേശം, നീലക്കടമ്പ, തുലാഭാരം, കുടുംബം, സുമംഗലി, വെളുത്ത ചെമ്പരത്തി, വാസ്തുബലി, ഓട്ടുവള, നിറമാല, ചുവപ്പുകൂടാരങ്ങള്‍, കാവടിച്ചിന്ത്, പച്ചക്കുതിര, ഒരു ശിശിരരാവില്‍, താമര, പ്രണാമം, പദവിന്യാസം, സ്വന്തം രാധ, പാഞ്ചാലി, മുടിയേറ്റ്, ആള്‍ത്താര, ഓട്ടുവള, തില്ലാന, ചാരുലത തുടങ്ങിയവയാണ് പ്രശസ്ത കൃതികള്‍.

സുധാകര്‍ മംഗളോദയത്തിന്റെ നിര്യാണത്തില്‍ മുഖ്യമന്ത്രി പിണറായി വിജയന്‍ അനുശോചിച്ചു. ജനപ്രിയ നോവലുകളിലൂടെ ശ്രദ്ധേയനായ എഴുത്തുകാരനായിരുന്നു അദ്ദേഹം. സാഹിത്യ ആസ്വാദനത്തിന്റെ തലത്തിലേക്ക് വലിയൊരു വിഭാഗം ആളുകളെ ഉയര്‍ത്തിയെടുക്കുന്നതിന് അദ്ദേഹത്തിന്റെ രചനകള്‍ക്ക് സാധിച്ചിട്ടുണ്ടെന്നും അനുശോചന സന്ദേശത്തില്‍ മുഖ്യമന്ത്രി പറഞ്ഞു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top