Flash News

കാനഡയില്‍ വീണ്ടും കോവിഡ് 19 കേസുകള്‍ കുതിച്ചുയരുന്നു, വിദഗ്ദ്ധര്‍ കൂടുതല്‍ പരിഭ്രാന്തിയില്‍

July 21, 2020 , ഷിബു കിഴക്കേകുറ്റ്

ആഴ്ചകളുടെ ഇടവേളക്ക് ശേഷം കാനഡയിലെ ആല്‍ബര്‍ട്ടയില്‍ കോവിഡ് 19 കേസുകള്‍ കൂടി. ആല്‍ബര്‍ട്ട പ്രവിശ്യയിലാണ് രാജ്യത്ത് മറ്റുള്ളയിടങ്ങളേക്കാള്‍ കൂടുതല്‍ വേഗത്തില്‍ രോഗവ്യാപനമുണ്ടാകുന്നത്. സന്തോഷത്തില്‍ മതിമറന്നിരിക്കെ കോവിഡ് ജനങ്ങളെ ഭയപ്പെടുത്താന്‍ വീണ്ടും എത്തിയിരിക്കുന്നു. അമേരിക്കന്‍ അതിര്‍ത്തി ഇതുവരെയും തുറന്നിട്ട് പോലുമില്ല. തുറന്നാല്‍ എന്തായിരിക്കും അവസ്ഥ? ആല്‍ബര്‍ട്ടയില്‍ കോവിഡ് 19 കേസുകള്‍ കൂടുന്നതില്‍ വിദഗ്ദ്ധര്‍ ആശങ്ക പ്രകടിപ്പിച്ചു.

ജനങ്ങള്‍ മതിമറന്ന് പാര്‍ക്കുകളിലും ബീച്ചുകളിലും ബാറുകളിലും മാസ്ക് ധരിക്കാതെയും വേണ്ടത്ര അകലം പാലിക്കാതെയും നടക്കാന്‍ തുടങ്ങിയത് മുതലാണ് വീണ്ടും അണുബാധ വര്‍ദ്ധിച്ചത്. കഴിഞ്ഞ മൂന്ന് ദിവസത്തിനിടെ മൊത്തം 368 പുതിയ കോവിഡ് 19 കേസുകള്‍ ആല്‍ബര്‍ട്ട സ്ഥിരീകരിച്ചു. ഇതോടെ പ്രവിശ്യയില്‍ സജീവമായ അണുബാധയുള്ളവരുടെ എണ്ണം ആയിരത്തിലേറെയായി (1109 ). ഇവരില്‍ 86 പേര്‍ ആശുപത്രിയിലാണ്, 17 പേര്‍ തീവ്രപരിചരണത്തിലാണ്. ആല്‍ബര്‍ട്ടയുടെ മരണസംഖ്യ മൂന്നായി വര്‍ദ്ധിച്ചു. 90 വയസുള്ള ഒരാള്‍ മരിച്ചുവെന്ന് ആല്‍ബര്‍ട്ട ഹെല്‍ത്ത് റിപ്പോര്‍ട്ട് ചെയ്തു. ദീര്‍ഘകാല പരിചരണ കേന്ദ്രമായ ജനറേഷന്‍സ് കാല്‍ഗറിയിലെ കോവിഡ് 19 ബാധയുമായി ബന്ധപ്പെട്ടതാണ് ഈ മരണം.

മറ്റ് രണ്ട് മരണങ്ങള്‍, 90 വയുള്ള ഒരു സ്ത്രീയും 70 കാരനായ ഒരു പുരുഷനും എഡ്മണ്ടണിലെ മിസറിക്കോര്‍ഡിയ ആശുപത്രിയിലെ കോവിഡ് ബാധയുമായി ബന്ധപ്പെട്ടതാണ്. ആളോഹരി പ്രതിദിന രോഗബാധ കൂടുതല്‍ പടിഞ്ഞാറന്‍ പ്രവിശ്യയായ ആല്‍ബര്‍ട്ടയിലാണ്. അതേസമയം, ആളോഹരി അടിസ്ഥാനത്തില്‍ ആശുപത്രിയില്‍ പ്രവേശിപ്പിക്കുന്ന കാര്യത്തില്‍ രണ്ടാമതുമാണ്.

ഇക്കാര്യത്തില്‍ ഒന്നാമത് ക്യൂബക് പ്രവിശ്യയാണ്. മാസ്ക് നിര്‍ബന്ധമാക്കണമെന്ന ആവശ്യം ഇതോടെ വീണ്ടും ശക്തമാകുകയാണ്. സന്നദ്ധ ശ്രമം മതിയെന്നു പറഞ്ഞ് മാസ്ക് നിര്‍ബന്ധമാക്കുന്നതില്‍ നിന്ന് വിട്ടുനില്‍ക്കുകയാണ് സര്‍ക്കാര്‍. അടുത്ത നാളുകളില്‍ കാനഡയില്‍ നിന്ന് വിമാനമാര്‍ഗം യാത്ര ചെയ്യുന്നവരില്‍ രോഗം പിടിപെട്ടത് റിപ്പോര്‍ട്ട് ചെയ്തിരുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top