ജോണ്‍സ് ഹോപ്കിന്‍സ് യൂണിവേഴ്സിറ്റിയില്‍ നിന്നുള്ള കണക്കുകള്‍ പ്രകാരം കൊറോണ കോവിഡ്-19 കേസുകള്‍ ലോകമെമ്പാടും 14,951,341 ആയി ഉയര്‍ന്നു. ഇതുവരെ 616,550 പേര്‍ മരിച്ചു. ഏറ്റവും കൂടുതല്‍ അണുബാധയേറ്റത് അമേരിക്കയിലാണ്. ഇവിടെ 3,902,058 കേസുകളാണ് റിപ്പോര്‍ട്ട് ചെയ്യപ്പെട്ടിരിക്കുന്നത്. മരിച്ചവരുടെ എണ്ണം 142,066 ആണ്.

അമേരിക്കയ്ക്കുശേഷം ബ്രസീലില്‍ 2,159,654 അണുബാധകള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. 81,487 പേര്‍ മരിച്ചു.

ഇന്ത്യ ഇപ്പോഴും മൂന്നാം സ്ഥാനത്തു തുടരുന്നു. 782,040 അണുബാധ കേസുകളും 12,561 പേര്‍ക്ക് ജീവന്‍ നഷ്ടമായി. കോവിഡ് കേസുകളില്‍ നാലാം സ്ഥാനത്താണ് റഷ്യ.

അണുബാധ ഏറ്റവും കൂടുതല്‍ ബാധിച്ച അഞ്ചാമത്തെ രാജ്യമായി ദക്ഷിണാഫ്രിക്ക മാറി. 381,798 കേസുകളും 5,368 മരണങ്ങളും രജിസ്റ്റര്‍ ചെയ്തിട്ടുണ്ട്.

പെറുവില്‍ 362,087 അണുബാധകളും 13,579 പേര്‍ മരിക്കുകയും ചെയ്തു. പെറുവിനുശേഷം ഏറ്റവും കൂടുതല്‍ ബാധിച്ച ഏഴാമത്തെ രാജ്യമായി മെക്സിക്കോ മാറുന്നു. ഇവിടെ 356,255 അണുബാധ കേസുകളും 40,400 പേര്‍ക്ക് ജീവന്‍ നഷ്ടമാകുകയും ചെയ്തു.

അണുബാധ ബാധിച്ച രാജ്യങ്ങളുടെ പട്ടികയില്‍ മെക്സിക്കോയ്ക്ക് ശേഷം ചിലി എട്ടാം സ്ഥാനത്താണ്. 334,683 അണുബാധകള്‍ റിപ്പോര്‍ട്ട് ചെയ്യപ്പെട്ടപ്പോള്‍ 8,677 പേര്‍ മരിച്ചു.

ചിലിക്ക് ശേഷം ബ്രിട്ടനില്‍ 297,389 അണുബാധകള്‍ റിപ്പോര്‍ട്ട് ചെയ്തിട്ടുണ്ട്. ഇതുവരെ 45,507 പേര്‍ മരിച്ചു. കൊറോണ വൈറസ് ഏറ്റവും കൂടുതല്‍ ബാധിച്ച പത്താമത്തെ രാജ്യമാണ് ഇറാന്‍. 278,827 അണുബാധ കേസുകളും മരണസംഖ്യ 14,634 ഉം ആണ്.