തിരുവനന്തപുരം: ഇന്ന് സംസ്ഥാനത്ത് 885 പേര്‍ക്ക് കോവിഡ്-19 സ്ഥിരീകരിച്ചു. ഇതില്‍ 724 പേര്‍ക്ക് സമ്പര്‍ക്കത്തിലൂടെയാണ് രോഗം പടര്‍ന്നതെന്ന് മുഖ്യമന്ത്രി. 968 പേര്‍ രോഗമുക്തി നേടിയിട്ടുണ്ട്.

ഇതുവരെ രോഗം സ്ഥിരീകരിച്ചവരുടെ എണ്ണം 16,995 ആണ്. ഇന്ന് രോഗം സ്ഥിരീകരിച്ച 885 പേരില്‍ 724 പേര്‍ക്ക് സമ്പര്‍ക്കത്തിലൂടെയാണ് രോഗം പിടിപെട്ടത്. അതില്‍ 56 പേരുടെ രോഗഉറവിടം വ്യക്തമല്ല. വിദേശത്ത് നിന്ന് വന്ന 64 പേര്‍ക്കും മറ്റ് സംസ്ഥാനങ്ങളില്‍ നിന്ന് വന്ന 68 പേര്‍ക്കും കൊവിഡ് സ്ഥിരീകരിച്ചു. ആരോഗ്യ പ്രവര്‍ത്തകരില്‍ 24 പേര്‍ക്കും രോഗം ബാധിച്ചതായി സ്ഥിരീകരിച്ചിട്ടുണ്ട്..

നാല് മരണങ്ങളാണ് ഇന്ന് റിപ്പോര്‍ട്ട് ചെയ്തിരിക്കുന്നത്. തിരുവനന്തപുരം ചിറയിന്‍കീഴ് സ്വദേശി 46 വയസ്സുള്ള മുരുകന്‍, കാസര്‍കോട് അണങ്കൂര്‍ സ്വദേശി 48 വയസ്സുള്ള ഖൈറന്നൂസ, കാസര്‍കോട് തന്നെയുള്ള ചിറ്റാരി സ്വദേശി 68 വയസ്സുള്ള മാധവന്‍, ആലപ്പുഴ തലവൂര്‍ സ്വദേശി 85 വയസ്സുള്ള മറിയാമ്മ എന്നിവരാണ് ഇന്ന് മരണമടഞ്ഞത്.

കൊവിഡ് പോസിറ്റീവായവരുടെ ജില്ല തിരിച്ചുള്ള കണക്ക്…
തിരുവനന്തപുരം-167
കൊല്ലം- 133
കാസര്‍കോട്- 106
കോഴിക്കോട്- 82
എറണാകുളം-69
മലപ്പുറം-58
പാലക്കാട്- 58
കോട്ടയം-50
ആലപ്പുഴ-44
തൃശ്ശൂര്‍-33
ഇടുക്കി-29
പത്തനംതിട്ട-23
കണ്ണൂര്‍-18
വയനാട്-15