ഫിലഡല്‍‌ഫിയ: നോര്‍ത്ത് അമേരിക്ക ഇന്ത്യന്‍ ബ്രദറന്‍ അസംബ്ലികളുടെ കൂട്ടായ്മയായ ഫിബ ജൂലൈ 31 മുതല്‍ ഫിലഡല്‍‌ഫിയയില്‍ നടത്തുവാന്‍ തീരുമാനിച്ചിരുന്ന 2020 ഫിബ കോണ്‍ഫറന്‍സ് പാന്‍ഡമിക്കിറ്റെ പ്രത്യേക സാഹചര്യത്തില്‍ മാറ്റി വെക്കുന്നതിനും, എന്നാല്‍ അതേസമയം ഡിജിറ്റല്‍ കോണ്‍ഫറന്‍സാക്കി മാറ്റുന്നതിനും തീരുമാനിച്ചതഅയി ബന്ധപ്പെട്ട ഭാരവാഹികള്‍ അറിയിച്ചു.

യുഎസ്എ, കാനഡ ലോക്കല്‍ ബ്രദറണ്‍ അസംബ്ലികളിലുള്ള വിശ്വാസികളുടെ ആത്മീക വര്‍ധനക്കും, കൂട്ടായ്മക്കും വേണ്ടി 2004 ലാണ് ഫെല്ലോഷിപ്പ് ഓഫ് ഇന്ത്യന്‍ ബ്രദറണ്‍ അസംബ്ലിസ് ഇന്‍ നോര്‍ത്ത് അമേരിക്കാ ഫിബ (FIBA) രൂപീകൃതമായത്. തുടര്‍ന്ന് സംഘടനയുടെ ആഭിമുഖ്യത്തില്‍ കോണ്‍ഫറന്‍സുകള്‍ സംഘടിപ്പിച്ചിരുന്നു.

2020 ഫിബ ഡിജിറ്റല്‍ കോണ്‍ഫറന്‍സില്‍ ഹെല്‍ത്ത് ഓഫ് ദി ബോഡി ഓഫ് ക്രൈസ്റ്റ് (THE HEALTH OF THE BODY OF CHRIST) എന്ന വിഷയത്തെക്കുറിച്ചുള്ള പാനല്‍ ചര്‍ച്ചക്ക് സുപ്രസിദ്ധ വചന പ്രഘോഷകരായ ജോയ് ജോണ്‍ (ഇന്ത്യ), ജോണ്‍ കുര്യന്‍ (ഇന്ത്യ), ജോര്‍ജ് കോശി, ജോണ്‍ ജേക്കബ്, ജിബി പള്ളിപാട്ട് എന്നിവര്‍ നേതൃത്വം നല്‍കും.

വെള്ളിയാഴ്ച രാവിലെ മുതല്‍ ആരംഭിക്കുന്ന കോണ്‍ഫറന്‍സ് അഞ്ചു സെക്ഷനുകളായാണ് ക്രമീകരിച്ചിരിക്കുന്നത്. യുവജനങ്ങള്‍ക്കു വേണ്ടിയുള്ള പ്രത്യേക സെഷനില്‍ നാറ്റ് ബ്രാംസണ്‍, മൈക്ക ടറ്റിന്‍ എന്നിവര്‍ പങ്കെടുക്കും. കലിഫോര്‍ണിയായില്‍ നിന്നുള്ള സുവിശേഷ പ്രാസംഗികനും അധ്യാപകനും വിവിധ ഗ്രന്ഥങ്ങളുടെ രചയിതാവുമായ ഫ്രാന്‍സിസ് ചാനാണ് ഈ വര്‍ഷത്തെ ഗസ്റ്റ് സ്പീക്കര്‍, കേരളത്തില്‍ നിന്നും സുവിശേഷകന്‍ ചാണ്ടപ്പിള്ള, തോംസണ്‍ ബി. തോമസ്, പ്രൊഫ. ജോയ് ജോണ്‍ തുടങ്ങിയവരും സംബന്ധിക്കും. പ്രവേശനം സൗജന്യമാണ്.

കൂടുതല്‍ വിവരങ്ങള്‍ക്ക്: https://www.fibama.com