Flash News
സിഎജി റിപ്പോർട്ട് നിയമസഭയില്‍ അവതരിപ്പിക്കും മുമ്പ് ധനമന്ത്രി ചോര്‍ത്തിയ സംഭവം; അന്വേഷണത്തിന് എത്തിക്സ് കമ്മിറ്റിക്ക് വിട്ടു   ****    ബുറേവി: മധ്യ കേരളത്തിൽ കനത്ത മഴ പ്രതീക്ഷിക്കുന്നതായി കാലാവസ്ഥാ നിരീക്ഷണ കേന്ദ്രം; എല്ലാ സജ്ജീകരണങ്ങളോടെ ദുരന്ത നിവാരണ സേനയെത്തി   ****    സിദ്ദിഖ് കാപ്പനെ മോചിപ്പിക്കാനുള്ള ഹര്‍ജിയില്‍ ഭാര്യയേയും മകളേയും കക്ഷി ചേര്‍ക്കാമെന്ന് സുപ്രീം കോടതി   ****    സംസ്ഥാനത്ത് അഞ്ച് രാഷ്ട്രീയ കൊലപാതകങ്ങൾ സിബിഐ അന്വേഷിക്കുന്നു; എല്ലാത്തിലും പ്രതി സ്ഥാനത്ത് സി.പി.എം   ****    ഉത്ര കൊലക്കേസ്: പാമ്പു പിടുത്തക്കാരന്റെ മൊഴി മനുഷ്യമനസ്സാക്ഷിയെ ഞെട്ടിക്കുന്നത് !   ****   

നോര്‍ത്ത് കരോലിന ഭൂകമ്പം: ഒരു നൂറ്റാണ്ടിനിടയില്‍ നടന്ന ഏറ്റവും ശക്തമായത്

August 10, 2020 , പി.പി. ചെറിയാന്‍

നോർത്ത് കരോലിന: ഒരു നൂറ്റാണ്ടിനു ശേഷം നോർത്ത് കരോലിനയുടെ ചരിത്രത്തിൽ വീണ്ടും ശക്തമായ ഭൂകമ്പം. ഇന്നലെയുണ്ടായ ഭൂചലനത്തിൽ 5.1 തീവ്രത രേഖപ്പെടുത്തി. ഞായറാഴ്ച രാവിലെ നോർത്ത് കരോലിനയിലെ സ്പാർട്ടിയിലാണ് ഭൂകമ്പത്തിന്‍റെ പ്രഭവകേന്ദ്രം.

1916 ലായിരുനു ഇതിന് മുമ്പ് ഇത്രയും ശക്തമായ ഭൂകമ്പമുണ്ടായതെന്ന് യുഎസ് ജിയോളജിക്കൽ സർവേ ചൂണ്ടികാണിക്കുന്നു. പ്രഭവ കേന്ദ്രത്തിന്‍റെ 37 മൈൽ ഒരു ഭാഗത്തും 47 മൈൽ മറു വശത്തും ഏകദേശം 45000 പേർക്ക് പ്രകമ്പനത്തിന്‍റെ ശക്തി അനുഭവപ്പെട്ടു.

പ്രാഥമിക വിവരങ്ങൾ ലഭ്യമായതിൽ ജീവപായമോ, കാര്യമായ നാശനഷ്ടങ്ങളോ സംഭവിച്ചിട്ടില്ല. ശക്തമായ ഭൂകമ്പത്തിനുശേഷം പലഭാഗങ്ങളിലും ചെറിയ തുടർചലനങ്ങൾ അനുഭവപ്പെട്ടു. നോർത്ത് കരോലിനലുണ്ടായ പ്രകമ്പനം ശരിക്കും ‍അനുഭവപ്പെട്ടതായി ചാർഗറ്റിൽ താമസിക്കുന്ന നിഷ തോമസ് മാധ്യമങ്ങളോടു പറഞ്ഞു. രാവിലെ കിടന്നുറങ്ങുമ്പോഴാണ് കുലുക്കം അനുഭവപ്പെട്ടത്. ഞങ്ങൾ എല്ലാവരും ഉടനെ വീടു വിട്ടു പുറത്തേക്ക് പോയതായും അവർ പറഞ്ഞു.

ഭൂകമ്പം ഉണ്ടായ പ്രദേശത്ത് പൊലീസ് അന്വേഷണം ആരംഭിച്ചു. കെട്ടിടങ്ങൾക്ക് കാര്യമായ കേടുപാടുകൾ ഇല്ലെങ്കിലും റോഡുകൾ പല സ്ഥലത്തും തകർന്നിട്ടുണ്ട്. പൈപ്പുകൾ പലതും പൊട്ടി റോഡിൽ വെള്ളം നിറഞ്ഞിട്ടുണ്ട്. റോഡ് ഗതാഗതം ഭാഗീകമായി തടസപ്പെട്ടു. ഇത്രയും ശക്തമായ ഭൂകമ്പം ഉണ്ടായിട്ടും കാര്യമായ നാശനഷ്ടങ്ങൾ ഉണ്ടാകാതിരുന്നത് അസാധാരണമാണെന്ന് കലിഫോർണിയ യൂണിവേഴ്സിറ്റി ജിയോളി സയൻസ് വിഭാഗം തലവൻ പറയുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top