Flash News
സിഎജി റിപ്പോർട്ട് നിയമസഭയില്‍ അവതരിപ്പിക്കും മുമ്പ് ധനമന്ത്രി ചോര്‍ത്തിയ സംഭവം; അന്വേഷണത്തിന് എത്തിക്സ് കമ്മിറ്റിക്ക് വിട്ടു   ****    ബുറേവി: മധ്യ കേരളത്തിൽ കനത്ത മഴ പ്രതീക്ഷിക്കുന്നതായി കാലാവസ്ഥാ നിരീക്ഷണ കേന്ദ്രം; എല്ലാ സജ്ജീകരണങ്ങളോടെ ദുരന്ത നിവാരണ സേനയെത്തി   ****    സിദ്ദിഖ് കാപ്പനെ മോചിപ്പിക്കാനുള്ള ഹര്‍ജിയില്‍ ഭാര്യയേയും മകളേയും കക്ഷി ചേര്‍ക്കാമെന്ന് സുപ്രീം കോടതി   ****    സംസ്ഥാനത്ത് അഞ്ച് രാഷ്ട്രീയ കൊലപാതകങ്ങൾ സിബിഐ അന്വേഷിക്കുന്നു; എല്ലാത്തിലും പ്രതി സ്ഥാനത്ത് സി.പി.എം   ****    ഉത്ര കൊലക്കേസ്: പാമ്പു പിടുത്തക്കാരന്റെ മൊഴി മനുഷ്യമനസ്സാക്ഷിയെ ഞെട്ടിക്കുന്നത് !   ****   

പ്രിയസ്വപ്നം (കവിത): അബൂതി

August 11, 2020

വിടപറഞ്ഞകന്നാലും
കരളിൻ വീണയിൽ
കവിതയായ് വിടരുന്ന
പ്രിയസ്വപ്നമേ

ശ്രുതിതെറ്റിപ്പോയിട്ടും
നിർത്തുവാനാവാതെ
പിന്നെയും പാടുമെൻ
പ്രിയഗാനമേ

ഇനിയുമീ വെയിലേറ്റു
നീ വാടിനിൽക്കാതെ
ഈ മരച്ചോട്ടിൽ
വന്നിരിക്കൂ

നിന്മിഴിക്കോണിൽ
തുളുമ്പും നോവിനെ
നീയറിയാതെ ഞാൻ
തുടച്ചെടുക്കാം

നിനക്കുറങ്ങാനെൻ
മടിത്തട്ടു നൽകാം
നീയുറങ്ങീടുവാൻ
താരാട്ട് മൂളാം

ഉരുകുകിലെൻ മനം
നിനക്കായിരിക്കും
ഉണരുമ്പോഴെല്ലാം
നിന്നെ തേടും

ആർദ്രനിലാവിലെൻ
ഹൃദയസരസ്സിൻ
തീരത്തൊരിക്കൽ നാം
രാപാർത്തിടും

അന്നു നിന്നധരത്തിൻ
കുങ്കുമരാഗങ്ങൾ
അനുരാഗിണീ ഞാൻ
സ്വന്തമാക്കും

താമരക്കൂമ്പിയ
മാറിടമാകെ ഞാൻ
മാലേയകുളിരാൽ
തൊട്ടുണർത്തും

പിന്നെയെൻ കരളിൻറെ
ചിമിഴിയിൽ നിന്നെ ഞാൻ
പ്രാണൻറെ മുത്തായ്‌
പാത്തുവെക്കും

എനിക്കായി നീയും
നിനക്കായി ഞാനും
ഒരേപാട്ടു മൂള്ളാൻ
നേരമായീ

നീയെൻറെയാവുക
ഞാൻ നിൻറെയാവാം
പൂവിന് പൂമണം
എന്ന പോലെ!

നിന്നെ തേടുമെൻ
കരളിൻറെ പാട്ടിനു
ശ്രുതിയായ് മാറുകെൻ
പ്രിയസ്വപ്നമേ


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top