Flash News

നടക്കാനിറങ്ങിയ യുവതിയെ മരിച്ച നിലയില്‍ കണ്ടെത്തി, യുവാവ് അറസ്റ്റില്‍

August 24, 2020 , പി.പി. ചെറിയാന്‍

ന്യൂപോര്‍ട്ട് (അർക്കൻസാസ്): ആഗസ്റ്റ് 19ന് വീട്ടിൽ നിന്നും നടക്കാനിറങ്ങിയ സിഡ്‌നി സതര്‍ലാന്റ് എന്ന 25-കാരി യുവതിയെ മരിച്ച നിലയില്‍ കണ്ടെത്തി.

ബുധനാഴ്ച അപ്രത്യക്ഷയായ യുവതിയെ കണ്ടെത്തുന്നതിന് മൂന്നു ദിവസമായി കെ.9 യൂണിറ്റും ഹെലികോപ്റ്ററും സന്നദ്ധ സേവകരും പോലീസും അന്വേഷണം നടത്തുന്നതിനിടയിലാണ് വെള്ളിയാഴ്ച മൃതദേഹം കണ്ടെത്തിയത്.

ബുധനാഴ്ച വൈകിട്ട് മൂന്നു മണിയോടെ ന്യൂപോര്‍ട്ടിനും ഗ്രിബ്സിനും ഇടയിലുള്ള ഹൈവേ 18 ൽ ഇവര്‍ നടക്കുന്നത് കണ്ടവരുണ്ട്.
കൊലപാതകമാണെന്നാണു പ്രാഥമിക നിഗമനം.

യുവതിയുടെ മരണവുമായി ബന്ധപ്പെട്ടു ജോൺ സുബൊറെയിലെ കർഷകനായ ക്വയ്ക്ക് ലുവെലിനെ (28) പൊലീസ് കസ്റ്റഡിയിലെടുത്തതായി ജാക്സൺ കൗണ്ടി ഷെറിഫ് ഡേവിഡ് ലുക്കാസ് അറിയിച്ചു. ഇയാള്‍ക്കെതിരെ കൊലപാതകക്കുറ്റത്തിന് കേസെടുത്തിട്ടുണ്ട്.

ശനിയാഴ്ചയാണ് മരണപ്പെട്ടത് സിഡ്നി സതര്‍ലാന്റ് തന്നെയാണെന്ന് ഔദ്യോഗികമായി സ്ഥിരീകരിച്ചത്. മരണ കാരണം ഇതുവരെ പുറത്തുവിട്ടിട്ടില്ല.

പിടികൂടിയ യുവാവിനെ സിഡ്നിക്ക് അറിയാമായിരുന്നുവെന്നു പൊലീസ് പറയുന്നു. ഇയാളെ ആഗസ്റ്റ് 24 തിങ്കളാഴ്ച കോടതിയിൽ ഹാജരാക്കും.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top