- Malayalam Daily News - https://www.malayalamdailynews.com -

സുന്ദരി നാരായണന് വൈറ്റ് ഹൗസില്‍ വെച്ച് ട്രം‌പ് അമേരിക്കന്‍ പൗരത്വം നല്‍കി

ന്യൂയോര്‍ക്ക്: ലീഗല്‍ ഇമിഗ്രേഷനെ പ്രോത്സാഹിപ്പിക്കുന്നതിന്റെ ഭാഗമായി പ്രസിഡന്റ് ഡോണാള്‍ഡ് ട്രം‌പ് വൈറ്റ് ഹൗസില്‍ പ്രത്യേകം സംഘടിപ്പിച്ച ചടങ്ങീല്‍ വെച്ച് ഇന്ത്യന്‍ സോഫ്റ്റ്‌വെയര്‍ ഡവലപ്പര്‍ സുന്ദരി നാരായണന് അമേരിക്കന്‍ പൗരത്വം നല്‍കി ആദരിച്ചു.

റിപ്പബ്ലിക്കൻ നാഷണൽ കൺവൻഷൻ ആരംഭിച്ച ഓഗസ്റ്റ് 25 നാണ് ഈ പ്രത്യേക ചടങ്ങിനു വൈറ്റ് ഹൗസ് സാക്ഷ്യം വഹിച്ചത്. പ്രഗത്ഭയായ സോഫ്റ്റ് വെയർ ഡെവലപ്പർ എന്നു വിശേഷിപ്പിച്ചാണ് ട്രംപ് അമേരിക്കൻ ഫാമിലിയിലേക്ക് സുന്ദരിയെ സ്വാഗതം ചെയ്തത്. കഴിഞ്ഞ 13 വർഷമായി അമേരിക്കയിൽ കഴിയുന്ന സുന്ദരിയും ഭർത്താവും രണ്ടു കുട്ടികളും അടങ്ങുന്ന കുടുംബത്തിന് അംഗീകാരം നൽകുന്നതിൽ എനിക്ക് അഭിമാനമുണ്ട് – ട്രംപ് പറഞ്ഞു.

ഹോംലാന്‍റ് സെക്യൂരിറ്റി സെക്രട്ടറി (ആക്ടിംഗ്) ചാഡ് വുൾഫാണ് ഇവർക്ക് സത്യപ്രതിജ്ഞാ വാചകം ചൊല്ലികൊടുത്തത്.നിങ്ങൾ ഇവിടെയുള്ള നിയമങ്ങൾ പിന്തുടർന്നു, നിയമങ്ങൾ അംഗീകരിച്ചു, അമേരിക്കയുടെ ചരിത്രം പഠിച്ചു, അമേരിക്കൻ മൂല്യങ്ങൾ എന്താണെന്ന് മനസിലാക്കി, ഇങ്ങനെ ശരിയായ രീതിയിൽ അമേരിക്കയിലെത്തുന്ന ആരേയും രാജ്യമോ, നിറമോ നോക്കാതെ പൗരത്വം നൽകുന്നതിൽ യാതൊരു തടസവുമില്ല. എന്നാൽ നിയമവിരുദ്ധമായി അമേരിക്കയിലെത്തുന്നവരെ അംഗീകരിക്കണമെന്ന ഡമോക്രാറ്റിക് പാർട്ടിയുടെ നയം രാജ്യത്തിനു ഗുണത്തേക്കാളേറെ ദോഷമാണുണ്ടാക്കുക എന്നും ട്രംപ് പറഞ്ഞു.

അമേരിക്കൻ പൗരത്വം ലഭിച്ചതിൽ സുന്ദരിയും കുടുംബവും ആഹ്ലാദത്തിലാണ്.


Like our page https://www.facebook.com/MalayalamDailyNews/ [1] and get latest news update from USA, India and around the world. Stay updated with latest News in Malayalam, English and Hindi.
[2] [3] [4] [5] [6]