Flash News

കുടിപ്പക രാഷ്ട്രീയത്തെ കൈയ്യൊഴിയുക: വെൽഫെയർ പാർട്ടി

September 3, 2020 , റബീ ഹുസൈന്‍ തങ്ങള്‍

മലപ്പുറം : തിരുവനന്തപുരം വെഞ്ഞാറമൂടിലെ ഇരട്ടക്കൊലപാതകം കുടിപ്പകരാഷ്ട്രീയം കൈവെടിയേണ്ട സമയം അതിക്രമിച്ചുവെന്ന സന്ദേശമാണ് നൽകുന്നതെന്ന് വെൽഫെയർ പാർട്ടി മലപ്പുറം ജില്ല പ്രസിഡന്റ് നാസർ കീഴുപറമ്പ്. കൊടിയുടെ നിറവും കക്ഷിനിലയും നോക്കിയല്ല കൊലപാതകത്തിനെതിരെ നിലപാടെടുക്കേണ്ടത്. അണികളെ അക്രമത്തിൽനിന്ന് പിൻതിരിപ്പിക്കുവാനുള്ള ധാർമിക ശേഷി രാഷ്ട്രീയ പ്രസ്ഥാനങ്ങളും അതിലെ നേതൃത്വങ്ങളും നേടിയെടുക്കേണ്ടതുണ്ട്. പ്രായോഗികതലത്തിലും സാഹോദര്യ രാഷ്ട്രീയത്തെ പ്രതിനിധീകരിക്കുന്ന വെൽഫെയർ പാർട്ടിക്ക് അത് പറയാനുള്ള ധാർമ്മിക അർഹതയുണ്ട്. പ്രതികളുടെ ശിക്ഷ നടപ്പാക്കാത്തതും ഇളവ് നൽകുന്നതും ഇത്തരം കൊലകൾ ആവർത്തിക്കാൻ കാരണമാണ്.

രാഷ്ട്രീയ കൊലപാതകങ്ങളിലെ വിചാരണ വേഗത്തിലാക്കുകയും പഴുതടച്ച അന്വേഷണം നടത്തി പ്രതികൾക്ക് പരമാവധി ശിക്ഷ ഉറപ്പാക്കുകയും ചെയ്യേണ്ടതുണ്ടെന്നും അദ്ദേഹം പ്രസ്താവനയിലൂടെ ആവശ്യപ്പെട്ടു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top