ജനീവ: വാക്സിനുകൾ വാങ്ങുന്നതിനും വിതരണം ചെയ്യുന്നതിനും ലക്ഷ്യമിട്ടുള്ള ലോകാരോഗ്യ സംഘടനയുടെ (ഡബ്ല്യുഎച്ച്ഒ) സഹ-നേതൃത്വത്തിലുള്ള ആഗോള കൊറോണ വാക്സിൻ അലോക്കേഷൻ സ്കീമിൽ അംഗമാകാൻ ലോകമെമ്പാടുമുള്ള 76 രാജ്യങ്ങൾ ഇപ്പോൾ പ്രതിജ്ഞാബദ്ധരാണെന്ന് ഈ സ്കീമുമായി ബന്ധപ്പെട്ട ഉദ്യോഗസ്ഥര്‍ ബുധനാഴ്ച പ്രസ്താവിച്ചു.

കോവിക്സ് എന്നറിയപ്പെടുന്ന ഏകോപിത പദ്ധതിയിൽ ഇപ്പോൾ ജപ്പാൻ, ജർമ്മനി, നോർവേ തുടങ്ങി 70 ലധികം രാജ്യങ്ങൾ ഒപ്പുവെച്ചിട്ടുണ്ടെന്ന് ഗാവി വാക്സിൻ അലയൻസ് ചീഫ് എക്സിക്യൂട്ടീവ് ചെയർമാൻ സേത്ത് ബെർക്ക്‌ലി പറഞ്ഞു. അതായത് കൊറോണ വാക്സിൻ വാങ്ങുന്നതിന് ഈ രാജ്യങ്ങളെല്ലാം തത്വത്തിൽ സമ്മതിക്കുന്നു.

വാക്‌സിൻ വാങ്ങാനും അത് അവരവരുടെ രാജ്യത്ത് പൊതുജനങ്ങൾക്ക് ലഭ്യമാക്കാനും സമ്മതിച്ച 76 രാജ്യങ്ങൾ നിലവിൽ ഞങ്ങളുടെ പക്കലുണ്ടെന്ന് ബെർക്ക്‌ലി വാർത്താ ഏജൻസകളോട് പറഞ്ഞു. ഈ എണ്ണം വർദ്ധിക്കുമെന്ന് ഞങ്ങൾ പ്രതീക്ഷിക്കുന്നതായും, ലോകമെമ്പാടും കോവാക്സ് വില്പനയ്ക്കുള്ള സൗകര്യം വര്‍ദ്ധിക്കുമെന്നും അദ്ദേഹം പ്രത്യാശ പ്രകടിപ്പിച്ചു.

കോവാക്സ് കോഓർഡിനേറ്റർ ചൈനയുമായി ചർച്ച നടത്തുകയാണെന്നും ബെർക്ക്‌ലി പറഞ്ഞു. “ഞങ്ങൾ ഇന്നലെ ചൈനീസ് സർക്കാരുമായി ഒരു ചർച്ച നടത്തി. അവരുമായി ഇതുവരെ ഒപ്പുവെച്ച കരാറൊന്നും ഞങ്ങൾക്കില്ല, പക്ഷേ ബീജിംഗ് ഒരു നല്ല സൂചന നൽകിയിട്ടുണ്ട്,” അദ്ദേഹം പറഞ്ഞു.