- Malayalam Daily News - https://www.malayalamdailynews.com -

ഡൽഹി പോലീസിന്റെ വേട്ടക്കെതിരെ ഫ്രറ്റേണിറ്റിയുടെ പ്രതിഷേധ സംഗമം

പ്രതിഷേധ സംഗമം ഹൈദരാബാദ് സെൻട്രൽ യൂണിവേഴ്സിറ്റി ഗവേഷക വിദ്യാർത്ഥി യഹ്യ ഉദ്ഘാടനം ചെയ്യുന്നു

മങ്കട | പൗരത്വ സമരക്കാരെ ജയിലിലടക്കുമ്പോൾ മൗനികളാകാനാവില്ല എന്ന തലക്കെട്ടിൽ ഡൽഹി പോലീസിന്റെ വേട്ടക്കെതിരെ ഫ്രറ്റേണിറ്റി മങ്കട മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി.

പൗരത്വ പ്രക്ഷോഭ സമരത്തിന്റെ മുൻനിര പോരാളി ഉമർ ഖാലിദിന്റെ അറസ്റ്റിനെ തുടർന്നാണ് ഈ പ്രതിഷേധം. ഹൈദരബാദ് സെൻട്രൽ യൂണിവേഴ്സിറ്റി ഗവേഷക വിദ്യാർത്ഥി സി. യഹ്യ പരിപാടി ഉദ്ഘാടനം ചെയ്തു സംസാരിച്ചു. NRC-CAA വിരുദ്ധ പോരാട്ടത്തിന്റെ നേതാക്കളെ അറസ്റ്റു ചെയ്യുന്ന കേന്ദ്ര സർക്കാർ നടപടിക്കെതിരെ അദ്ദേഹം ശക്തമായി പ്രതികരിച്ചു.

വെൽഫെയർ പാർട്ടി മങ്കട പഞ്ചായത്ത് വൈസ് പ്രസിഡന്റ് ഹബീബ് മാസ്റ്റർ മുഖ്യ പ്രഭാഷണം നടത്തി. ഫ്രറ്റേണിറ്റി ജില്ലാ സെക്രട്ടേറിയേറ്റ് അംഗം അഫ്സൽ ഹുസൈൻ സ്വാഗതവും ഹൈദരബാദ് സെൻട്രൽ യൂണിവേഴ്സിറ്റി വിദ്യാർത്ഥി റിൻഷാദ് സമാപനവും നടത്തി. മുർഷിദ്, നബീൽ അമീൻ, തസ്നീം, അമീൻ എന്നിവർ പ്രകടനത്തിന് നേതൃത്വം നൽകി.


Like our page https://www.facebook.com/MalayalamDailyNews/ [1] and get latest news update from USA, India and around the world. Stay updated with latest News in Malayalam, English and Hindi.
[2] [3] [4] [5] [6]