Flash News

രാജ്യത്ത് നോട്ട് നിരോധനം വന്നപ്പോള്‍ അദാനി എ സി റൂമില്‍ വിശ്രമത്തിലായിരുന്നു: രാഹുല്‍ ഗാന്ധി

October 23, 2020

ന്യൂഡൽഹി: ഇന്ത്യയെ അംബാനിക്കും അദാനിക്കും നരേന്ദ്ര മോദി തീറെഴുതിക്കൊടുത്തെന്ന രൂക്ഷ വിമര്‍ശനവുമായി രാഹുല്‍ ഗാന്ധി. ഇപ്പോള്‍ രാജ്യം ഭരിക്കുന്നത് നരേന്ദ്ര മോദിയല്ല, പകരം അംബാനിയും അദാനിയുമാണെന്ന് രാഹുൽ ഗാന്ധി വിമർശിച്ചു. ജനങ്ങളുടെ പണം ബാങ്ക്​ അക്കൗണ്ടുകളിലിടുമെന്ന് പറഞ്ഞവർ പണമിട്ടത് സമ്പന്നരുടെ പോക്കറ്റുകളിലേക്കാണ്​. കള്ളപണത്തിനെതിരെ പോരാടാൻ സർക്കാർ ആഹ്വാനം ചെയ്​തു. പക്ഷേ നോട്ട്​ നിരോധിച്ചപ്പോൾ ബാങ്കുകൾക്ക്​ മുന്നിലുണ്ടായിരുന്ന ക്യൂവിൽ നിങ്ങൾ അദാനിയെ കണ്ടോ? അവർ എ.സി മുറികളിൽ വിശ്രമത്തിലായിരുന്നു. രാജ്യത്തെ കർഷകരെ പെരുവഴിയിലാക്കിയ സർക്കാരാണിതെന്ന് ബീഹാറിലെ നവാദയിലെ തിരഞ്ഞെടുപ്പ് തിരഞ്ഞെടുപ്പ് റാലിയിൽ പങ്കെടുക്കവെ രാഹുൽ പറഞ്ഞു. .

സമ്പന്നർക്ക്​ പണമുണ്ടാക്കാൻ കൂടുതൽ വഴികൾ തുറക്കുകയാണ്​ കേന്ദ്രസർക്കാർ ചെയ്യുന്നത്​. സമ്പന്നരുടെ ഉയർച്ചയ്ക്കായി കർഷകരേയും ചെറിയ കച്ചവടക്കാരെയും ബി.ജെ.പി ദ്രോഹിക്കുകയാണ്. ഇതി​ന്റെ ഏറ്റവും വലിയ തെളിവാണ്​ ജനവിരുദ്ധമായ കാർഷിക ബില്ലുകളെന്നും രാഹുൽ ചൂണ്ടിക്കാട്ടി. ഗാൽവാനിൽ 20 ഇന്ത്യൻ സൈനികർ വീരമൃത്യു വരിച്ചു. ഇന്ത്യയുടെ 1,200 കിലോ മീറ്റർ പ്രദേശം ചൈന കൈയടക്കി. എന്നിട്ടും ആരും ഇന്ത്യൻ ഭൂപ്രദേശത്തേക്ക്​ എത്തിയിട്ടില്ലെന്ന മോദിയുടെ പ്രസ്​താവന രാജ്യത്തെ അപമാനിക്കുന്നതിന്​ തുല്യമാണ്​. ബിഹാറിൽ നിന്നുള്ള തൊഴിലാളികൾ ലോക്​ഡൗണിനെ തുടർന്ന്​ പലായനം ചെയ്യപ്പെട്ടപ്പോൾ അവരെ സഹായിക്കാൻ കേന്ദ്രസർക്കാർ ഒന്നും ചെയ്തില്ലെന്നും രാഹുൽ കുറ്റപ്പെടുത്തി.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top