ന്യൂഡൽഹി: ബോളിവുഡ് ദമ്പതിമാരായ ധര്‍മ്മേന്ദ്രയും ഹേമമാലിനിയും വീണ്ടും മുത്തച്ഛനും മുത്തശ്ശിയുമായി, അതും ഇരട്ട പേരക്കുട്ടികളുടെ. ആരാധകരുമായും ഫാന്‍സ് അംഗങ്ങളുമായും ഈ സന്തോഷവാര്‍ത്ത ഹേമമാലിനി തന്നെയാണ് ശനിയാഴ്ച ട്വിറ്ററിലൂടെ പങ്കിട്ടത്.

“എന്റെ ഇളയ മകൾ അഹാനയും ഭര്‍ത്താവ് വൈഭവും ഇരട്ടക്കുട്ടികളുടെ മാതാപിതാക്കളായി. ഈ സന്തോഷവാർത്ത പങ്കിടുന്നതിൽ ഞാൻ സന്തുഷ്ടയാണ്,” അവര്‍ ട്വിറ്ററില്‍ കുറിച്ചു.

ആസ്ട്രിയ, ആഡിയ എന്നാണ് ഇരട്ടകൾക്ക് പേര് നൽകിയിരിക്കുന്നത്.

വ്യാഴാഴ്ച അഹാന രണ്ട് പെൺകുട്ടികളെ പ്രസവിച്ചുവെന്നും ധർമ്മേന്ദ്രയും ഈ വാർത്തയിൽ വളരെ സന്തുഷ്ടനാണെന്നും ഹേമ മാലിനി പറഞ്ഞു.

2014 ഫെബ്രുവരിയിലാണ് അഹാന ബിസിനസുകാരനായ വൈഭവ് വോഹ്രയെ വിവാഹം കഴിച്ചത്.

അഹാനയുടെ മൂത്ത സഹോദരി ഇഷാ ഡിയോൾ തക്താനിക്ക് രണ്ട് പെൺമക്കളുണ്ട്. രാധ്യ, മിറായ. ശനിയാഴ്ച തന്റെ സ്ഥിരീകരിച്ച ഇൻസ്റ്റാഗ്രാം സ്റ്റോറിയിലും ഈഷ ഈ സന്തോഷ വാർത്ത പങ്കുവച്ചു.

https://www.instagram.com/dreamgirlhemamalini/?utm_source=ig_embed