Flash News

ലൈഫ് മിഷന്‍ പദ്ധതിയില്‍ മുഴുവനും തട്ടിപ്പും വെട്ടിപ്പും നടന്നെന്ന് ഇഡി

December 3, 2020

കൊച്ചി: അഴിമതിയിലും വഞ്ചനയിലും മുങ്ങി നില്‍ക്കുന്ന സംസ്ഥാന സര്‍ക്കാരിന്റെ മുഖ്യമന്ത്രിയുടെ ഓഫീസ് മറയാക്കി സപ്നയും മറ്റുള്ളവരും സ്വർണവും ഡോളറും കടത്തിയതായി അന്വേഷണ സംഘം കണ്ടെത്തി. അതേസമയം, സർക്കാർ പ്രഖ്യാപിച്ച ലൈഫ് മിഷൻ ഇടപാടുകളിൽ മുഴുവനും തട്ടിപ്പും വെട്ടിപ്പും നടന്നുവെന്നാണ് എൻഫോഴ്‌സ്‌മെന്റ് ഡയറക്ടറേറ്റ് കോടതിയെ അറിയിച്ചിരിക്കുന്നത്. ലൈ​ഫ്​​മി​ഷ​​ൻ​​ പ​ദ്ധ​തി​ക​ളിലെല്ലാം കൈ​ക്കൂ​ലി ഇ​ട​പാ​ടു​ക​ൾ ന​ട​ന്നെ​ന്ന സം​ശ​യത്തിൽ ഉറച്ചു നിൽക്കുകയാണ് എ​ൻ​ഫോ​ഴ്​​സ്​​മെൻറ്​. ലൈഫ് മിഷനുമായി യാതൊരു ബന്ധവുമില്ലാത്ത ശിവശങ്കർ മുഖ്യമന്ത്രിയുടെ പ്രിൻസിപ്പൽ സെക്രട്ടറി എന്ന നിലയിൽ എല്ലാ നിയന്ത്രണങ്ങളും ഏറ്റെടുത്തതായി ഇഡി ഹൈക്കോടതിയെ അറിയിച്ചു.

ലൈ​ഫ്​ മി​ഷ​നു​മാ​യി ബ​ന്ധ​പ്പെ​ട്ട​ത​ട​ക്ക​മു​ള്ള ഇ​ട​പാ​ടു​ക​ളി​ൽ കൈ​ക്കൂ​ലി കൈ​പ്പ​റ്റി​യ​വ​രി​ൽ ഒ​രാ​ൾ ശി​വ​ശ​ങ്ക​റാ​ണെ​ന്ന്​ സ്വ​പ്​​ന സുരേഷ് സ​മ്മ​തി​ച്ചി​ട്ടു​ണ്ട്. കെ-ഫോ​ൺ, ലൈ​ഫ്​ മി​ഷ​ൻ പ​ദ്ധ​തി​ക​ൾ സം​ബ​ന്ധി​ച്ച ര​ഹ​സ്യ​വി​വ​ര​ങ്ങ​ൾ ശി​വ​ശ​ങ്ക​ർ സ്വ​പ്​​ന​യോട് പറഞ്ഞിട്ടുണ്ട്. ലൈ​ഫ്​ മി​ഷ​ൻ പ​ദ്ധ​തി​യു​ടെ ക​രാ​ർ ന​ൽ​കു​ന്ന​തു​മാ​യി ബ​ന്ധ​പ്പെ​ട്ട ടെ​ൻ​ഡ​ർ ജ​നു​വ​രി​യി​ൽ ആരംഭിക്കും മുൻപ് തന്നെ ഇ​തി​ൽ പ​​ങ്കെ​ടു​ത്ത ര​ണ്ട്​ ​പ്ര​ധാ​ന ക​മ്പ​നി​ക​ളു​ടെ ലേ​ല​ത്തു​ക സം​ബ​ന്ധി​ച്ച വി​വ​ര​ങ്ങ​ൾ വാ​ട്​​സ്​​ആപ്പ് സന്ദേശത്തിലൂടെ സ്വ​പ്​​ന​ക്ക്​ ശി​വ​ശ​ങ്ക​ർ കൈ​മാ​റിയിരുന്നു. ലൈ​ഫ്​ മി​ഷ​ന്​ കീ​ഴി​ലെ 36ൽ 26 ​പ​ദ്ധ​തി​ക​ളും ഈ ​ര​ണ്ട്​ ക​മ്പ​നി​ക​ൾ​ക്കാ​ണ്​​ ല​ഭി​ച്ച​തെ​ന്നും ശി​വ​ശ​ങ്ക​റിന്റെ ജാ​മ്യ​ഹർജിയെ എ​തി​ർ​ത്ത്​ ഇ.​ഡി ഹൈ​കോ​ട​തി​യി​ൽ ന​ൽ​കി​യ വി​ശ​ദീ​ക​ര​ണ​ത്തി​ൽ പ​റ​യു​ന്നുണ്ട്. ലൈ​ഫ് മി​ഷ​ന്റെ ടെ​ൻ​ഡ​ർ ന​ട​പ​ടി​ക​ൾ പോ​ലും ഇപ്പോൾ സം​ശ​യ​ത്തിന്റെ നി​ഴ​ലി​ലാ​ണ്​.

ലൈ​ഫ് മി​ഷ​ൻ പ​ദ്ധ​തി​യു​മാ​യി ബ​ന്ധ​പ്പെ​ട്ട കൈ​ക്കൂ​ലി സം​ബ​ന്ധി​ച്ച്​ അ​ന്വേ​ഷ​ണം പുരോഗമിക്കുകയാണ്. ഇ​തിന്റെ ഭാ​ഗ​മാ​യി ഹൈ​ദ​രാ​ബാ​ദി​ൽ പ​രി​ശോ​ധ​ന ന​ട​ത്തി പി​ടി​ച്ചെ​ടു​ത്ത ക​മ്പ്യൂ​ട്ട​ർ രേ​ഖ​ക​ൾ പ​രി​ശോ​ധി​ച്ചും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രെ വി​ളി​ച്ചു​വ​രു​ത്തി ചോ​ദ്യം ചെ​യ്​​തും ന​ട​പ​ടി​ക​ൾ ന​ട​ന്നു​വ​രു​ക​യാ​ണ്. യൂണിടാക്ക് ഉ​ട​മ സ​ന്തോ​ഷ് ഈ​പ്പ​നെ താ​ൻ കാ​ണു​ന്ന​ത് ശി​വ​ശ​ങ്ക​റി​െൻറ നി​ർ​ദേ​ശ​പ്ര​കാ​ര​മാ​ണെ​ന്ന് ലൈ​ഫ്​ മി​ഷ​ൻ സി.​ഇ.​ഒ യു.​വി. ജോ​സ് മൊ​ഴി ന​ൽ​കി​യി​ട്ടു​ണ്ട്. സ​ന്തോ​ഷ്​ ഈ​പ്പ​നു​മാ​യി നി​ര​ന്ത​രം ബ​ന്ധം പു​ല​ർ​ത്തി​യ ശി​വ​ശ​ങ്ക​ർ കെ-​ഫോ​ണും ലൈ​ഫ്​ മി​ഷ​നു​മാ​യി ബ​ന്ധ​പ്പെ​ട്ട ചി​ല ക​രാ​റു​ക​ളി​ൽ ഭാ​ഗ​മാ​യി​രി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട​താ​യും ​റി​പ്പോ​ർ​ട്ടി​ലു​ണ്ട്. ലൈ​ഫ്​ മി​ഷ​നു​മാ​യി ബ​ന്ധ​പ്പെ​ട്ട ക​രാ​ർ ല​ഭി​ക്കാ​ൻ യൂണി​ടാ​ക്കി​ൽ നി​ന്നും സ്വ​പ്​​ന​ക്ക്​ കൈ​ക്കൂ​ലി ല​ഭി​ച്ച​താ​യി ശി​വ​ശ​ങ്ക​റി​ന്​ അ​റി​യാ​മാ​യി​രു​ന്നു. സ്വ​ർ​ണ​ക്ക​ട​ത്തി​ൽ സ​ഹാ​യി​ച്ച​തി​നും ലൈ​ഫ്​ മി​ഷ​നു​മാ​യി ബ​ന്ധ​പ്പെ​ട്ട സ​ഹാ​യ​ത്തി​നും ​ശി​വ​ശ​ങ്ക​റി​ന്​ ഒ​രു കോ​ടി ന​ൽ​കി​യ​താ​യി സ്വ​പ്​​ന പ​റ​ഞ്ഞ​ത്​ സം​ബ​ന്ധി​ച്ച്​ അ​ന്വേ​ഷ​ണം ന​ട​ന്നു​വ​രു​ക​യാ​ണ്. ഡൗ​ൺ ടൗ​ൺ പ​ദ്ധ​തി​യു​മാ​യി ബ​ന്ധ​മു​ള്ള​വ​ര​ട​ക്കം ഒ​​ട്ടേ​റെ പേ​രു​മാ​യി ശി​വ​ശ​ങ്ക​റി​നു​ള്ള ബ​ന്ധ​വും സ്വ​പ്​​ന വെ​ളി​പ്പെ​ടു​ത്തി​യി​ട്ടു​ണ്ട്​.

വി​മാ​ന​ത്താ​വ​ള​ത്തി​ലെ ക​സ്​​റ്റം​സ് ഉ​ദ്യോ​ഗ​സ്ഥ​രെ പ​ല ത​വ​ണ വി​ളി​ച്ച്​ ന​യ​ത​ന്ത്ര ബാ​ഗു​ക​ൾ ക​ട​ത്തി​വി​ടു​ന്ന​തി​ന് ശി​വ​ശ​ങ്ക​ർ ഇ​ട​പെ​ട്ടി​ട്ടു​ണ്ടെ​ന്നാ​ണ് ന​വം​ബ​ർ 10ന്​ ​ഇ.​ഡി​ക്ക്​ ന​ൽ​കി​യ സ്വ​പ്​​ന​യു​ടെ മൊ​ഴി. ഇ​തിന്റെ അ​ടി​സ്ഥാ​ന​ത്തി​ൽ ക​സ്​​റ്റം​സിന്റെ അ​സ​സ്​​മെൻറ്​ യൂണിറ്റിലെ ഓഫീ​സ​റുടെ മൊ​ഴി രേ​ഖ​പ്പെ​ടു​ത്തി. യു.​എ.​ഇ കോ​ൺ​സു​ലേ​റ്റി​ലേ​ക്ക് വ​ന്ന കാ​ർ​ഗോ തു​റ​ന്ന് പ​രി​ശോ​ധി​ക്കാ​തെ വി​ട്ടു​ന​ൽ​കി​യ​ത്​ സം​ബ​ന്ധി​ച്ച മൊ​ഴി​യി​ൽ അ​ന്വേ​ഷ​ണം ന​ട​ക്കു​ക​യാ​ണെ​ന്നും വി​ശ​ദീ​ക​ര​ണ​ത്തി​ൽ പ​റ​യു​ന്നുണ്ട്.

തിരുവനന്തപുരം സ്വർണക്കടത്ത് കേസിനും ഡോളർ കള്ളക്കടത്തിനും പിന്നിൽ വമ്പന്‍ സ്രാവുകളാണെന്ന് കൊച്ചി സാമ്പത്തിക കുറ്റകൃത്യ കോടതി വ്യക്തമാക്കിയിരുന്നു. സ്വപ്ന സുരേസും സരിത്തും വെളിപ്പെടുത്തിയവരുടെ പേരുകൾ പുറത്തുവിട്ടത് കേസിന്റെ കൂടുതൽ അന്വേഷണത്തെ പ്രതികൂലമായി ബാധിക്കുമെന്ന് കോടതി വ്യക്തമാക്കിയിരുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top