Flash News

കർഷക പ്രക്ഷോഭത്തിന്‌ ഐക്യദാർഢ്യം

December 3, 2020 , മുനീഷ് അരിമണിച്ചോല

കൾച്ചറൽ ഫോറം സംഘടിപ്പിച്ച ഐക്യദാർഢ്യ പരിപാടിയിൽ നിന്ന്

ദോഹ: സർക്കാറിൻെറ കർഷക വിരുദ്ധ നയങ്ങൾക്കെതിരെ രാജ്യത്ത് അലയടിക്കുന്ന പ്രക്ഷോഭത്തെ പിന്തുണച്ച് കൾച്ചറൽ ഫോറം ഖത്തറിന്റെ ആഭിമുഖ്യത്തിൽ ഐക്യദാർഢ്യ പരിപാടി സംഘടിപ്പിച്ചു. കൾച്ചറൽ ഫോറം പ്രസിഡന്റ് ഡോ താജ് ആലുവ അധ്യക്ഷത വഹിച്ചു .

വിവാദമായ കാർഷിക നിയമങ്ങൾ പിൻവലിക്കുക, കാർഷികരംഗത്തെ കോർപറേറ്റുവൽക്കരിക്കാനുള്ള സർക്കാറിൻെറ നീക്കം ഉപേക്ഷിക്കുക തുടങ്ങിയ കർഷകരുടെ ന്യായമായ ആവശ്യങ്ങൾ സർക്കാർ മുഖവിലക്കെടുക്കണമെന്ന് അദ്ദേഹം ആവശ്യപ്പെട്ടു. കുത്തക കമ്പനികളെ പ്രീണിപ്പിക്കാനായി രാജ്യത്തിന്റെ കാർഷിക വിപണി തീരെഴുതികൊടുക്കുകയാണ് കേന്ദ്ര സർക്കാർ ചെയ്യുന്നത് . കർഷക പ്രക്ഷോഭത്തെ അടിച്ചമർത്താനുള്ള സർക്കാർ ശ്രമത്തെ ചെറുക്കണമെന്നും അദ്ദേഹം കൂട്ടിച്ചേർത്തു. കൾച്ചറൽ ഫോറം സംസ്ഥാന സെക്രട്ടറി റഷീദലി പി എം മുഖ്യ പ്രഭാഷണം നടത്തി.

മുഹമ്മദ് റാഫി, അബ്ദുൽഗഫൂർ എ ആർ , അബ്ദുൽ വാഹദ് , ആസിഫ് വയനാട് എന്നിവർ സംസാരിച്ചു. സെക്രട്ടറി ഷാഫി മൂഴിക്കൽ സ്വാഗതവും മുഹമ്മദ് കുഞ്ഞി തായലക്കണ്ടി സമാപനവും നിർവഹിച്ചു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top