കാലിഫോര്‍ണിയ: ഇന്ത്യൻ അമേരിക്കൻ പ്രതിരോധ, എയ്‌റോസ്‌പേസ് വിദഗ്ധന്‍ വിവേക് ലാലിനെ യുഎസ്-ഇന്ത്യ ബിസിനസ് കൗൺസിലിന്റേയും യുഎസ്-ജപ്പാൻ ബിസിനസ് കൗൺസിലിന്റേയും ഡയറക്ടർ ബോർഡിലേക്ക് തിരഞ്ഞെടുത്തു.

ഈ നൂറ്റാണ്ടിൽ യുഎസ്-ഇന്ത്യ ബന്ധത്തിന്റെ വ്യവസായ ശില്പിയായി വാഷിംഗ്ടൺ ഡി‌സിയിലെ പലരും കണക്കാക്കുന്ന ലാലിനെ യു‌എസ്‌ജെ‌ബി‌സിയുടെ ബോർഡിലേക്ക് ഏകകണ്ഠമായി തിരഞ്ഞെടുത്തതെന്നാണ് റിപ്പോർട്ടുകൾ.

നൂറ്റാണ്ടിന്റെ ആരംഭം മുതൽ യുഎസ്-ഇന്ത്യ പ്രതിരോധ വ്യാപാരം 20 ബില്യൺ ഡോളറിലെത്തി നില്‍ക്കുന്നു. സ്വതന്ത്ര ആഗോള വ്യാപാരം, സാങ്കേതികവിദ്യ, തന്ത്രപരമായ പങ്കാളിത്തം എന്നിവയുൾപ്പെടെ നിരവധി വിഷയങ്ങളിൽ ഇന്ത്യയും യുഎസും ജപ്പാനും ചേർന്ന് പ്രവർത്തിക്കുമെന്ന് പുതിയ ആഗോള ഉത്തരവ് അർത്ഥമാക്കുന്നു.

യുഎസ് കാബിനറ്റ് സെക്രട്ടറിയുടെ അഡ്വൈസറി റോളില്‍ 2018 മെയ് മാസത്തില്‍ രണ്ടുവര്‍ഷത്തേക്ക് വിവേകിനെ നിയമിച്ചിരുന്നു. ഇരു പാര്‍ട്ടികള്‍ക്കും സുസമ്മതനായിരുന്ന വിവേക് ലോക്ഫീല്‍ഡ് മാര്‍ട്ടിന്‍ എയ്‌റോനോട്ടിക്‌സ് ആന്‍ഡ് ബിസിനസ് ഡവലപ്‌മെന്റ് വൈസ് പ്രസിഡന്റായി 1996- 2018 കാലഘട്ടത്തില്‍ പ്രവര്‍ത്തിച്ചിരുന്നു. എയ്‌റോ സ്‌പെയ്‌സ് രംഗത്ത് നിരവധി നേട്ടങ്ങള്‍ കൈവരിച്ച ഇദ്ദേഹം 2020-ല്‍ യുഎസ് ഇന്ത്യ ബിസിനസ് കൗണ്‍സില്‍ ഗ്ലോബല്‍ ബോര്‍ഡ് ഡയറക്ടറായും പ്രവര്‍ത്തിക്കുന്നു.