ന്യൂഡൽഹി: കർഷക സംഘടനകളും ക്രിഷിക്കാരും എതിര്‍ക്കുന്ന മൂന്ന് പുതിയ കാർഷിക നിയമങ്ങൾ നിരോധിക്കണമെന്ന സുപ്രീം കോടതിയുടെ തീരുമാനം സ്വാഗതം, എന്നാൽ നിയമങ്ങൾ പിൻവലിച്ചു കഴിയുവോളം സമരം അവസാനിപ്പിക്കില്ലെന്ന് കര്‍ഷക സംഘടനകള്‍.

ചൊവ്വാഴ്ച സുപ്രീം കോടതി നിയോഗിച്ച സമിതിയെ സംഘടനകൾ അംഗീകരിക്കുന്നില്ലെന്നും സമിതിക്ക് മുന്നിൽ ഹാജരാകില്ലെന്നും പ്രക്ഷോഭം തുടരുമെന്നും അറിയിച്ചു. സിങ്കു അതിർത്തിയിൽ പത്ര സമ്മേളനത്തിൽ സംസാരിച്ച കർഷക നേതാക്കൾ സുപ്രീം കോടതി രൂപീകരിച്ച സമിതിയിലെ അംഗങ്ങൾ സർക്കാർ അനുകൂലികളാണെന്ന് അവകാശപ്പെട്ടു.

കൂടുതൽ ഉത്തരവുകൾ ഉണ്ടാകുന്നതുവരെ വിവാദമായ കാർഷിക നിയമങ്ങൾ നടപ്പാക്കുന്നത് സുപ്രീം കോടതി ചൊവ്വാഴ്ച സ്റ്റേ ചെയ്തു. നിയമത്തെച്ചൊല്ലി കേന്ദ്രത്തിന്റെയും ഡല്‍ഹിയുടേയും അതിര്‍ത്തിയില്‍ പ്രക്ഷോഭം നടത്തുന്ന കർഷക സംഘടനകൾ തമ്മിലുള്ള പ്രതിസന്ധി അവസാനിപ്പിക്കാൻ നാലംഗ സമിതി രൂപീകരിച്ചു.

മൂന്ന് കാർഷിക നിയമങ്ങൾക്കെതിരായ കർഷകരുടെ പ്രതിഷേധത്തെ എങ്ങനെ കൈകാര്യം ചെയ്യണമെന്ന് സുപ്രീം കോടതി തിങ്കളാഴ്ച കേന്ദ്രത്തിന് നിര്‍ദ്ദേശം നല്‍കുകയും, കർഷകരോട് കേന്ദ്രം ഇടപഴകുന്ന രീതിയില്‍ അസ്വസ്ഥരാണെന്ന് പറയുകയും ചെയ്തു.

We had said yesterday itself that we won't appear before any such committee. Our agitation will go on as usual. All the members of this Committee are pro-govt and had been justifying the laws of the Government: Balbir Singh Rajewal, Bhartiya Kisan Union (R) https://t.co/KE9vMGUKjl pic.twitter.com/n2FFh5oj9k

— ANI (@ANI) January 12, 2021

ചൊവ്വാഴ്ച കോടതി ഉത്തരവിന് ശേഷം കർഷക നേതാവ് ബൽബീർ സിംഗ് രാജേവാൾ പത്രസമ്മേളനത്തിൽ പറഞ്ഞു, “സുപ്രീം കോടതി രൂപീകരിച്ച സമിതിയിലെ അംഗങ്ങൾ വിശ്വാസയോഗ്യരല്ല, കാരണം കാർഷിക നിയമം കർഷകരുടെ താൽപ്പര്യത്തിന് വേണ്ടിയാണെന്ന് അവർ എഴുതിക്കൊണ്ടിരിക്കുകയാണ്. ഞങ്ങൾ ഞങ്ങളുടെ മുന്നേറ്റം തുടരും.”

നിയമത്തിന്റെ പ്രതിസന്ധി അവസാനിപ്പിക്കാൻ സുപ്രീം കോടതി ഒരു കമ്മിറ്റി രൂപീകരിക്കണമെന്ന് സംഘടനകൾ ഒരിക്കലും ആവശ്യപ്പെട്ടിട്ടില്ലെന്നും, കേന്ദ്ര സർക്കാർ ഇതിന് പിന്നിലുണ്ടെന്നും കർഷക നേതാവ് ആരോപിച്ചു. “ഞങ്ങൾ തത്വത്തിൽ സമിതിക്ക് എതിരാണ്. പ്രകടനത്തിൽ നിന്ന് ശ്രദ്ധ തിരിക്കാനുള്ള സർക്കാരിന്റെ തന്ത്രമാണിത്,” അദ്ദേഹം പറഞ്ഞു.

സുപ്രീം കോടതിക്ക് കാർഷിക നിയമങ്ങൾ പിൻവലിക്കാമെന്ന് കർഷക നേതാക്കൾ പറഞ്ഞു. ഒരു കമ്മിറ്റിയിലും ഹാജരാകില്ലെന്ന് മറ്റൊരു കർഷക നേതാവ് ദർശൻ സിംഗ് പറഞ്ഞു. പാർലമെന്റ് വിഷയം ചർച്ച ചെയ്ത് പരിഹരിക്കണമെന്ന് അദ്ദേഹം പറഞ്ഞു. ഞങ്ങൾക്ക് ഒരു ബാഹ്യ സമിതിയുടെയും ആവശ്യമില്ലെന്നും അദ്ദേഹം പറഞ്ഞു. എന്നാല്‍, ജനുവരി 15 ന് സർക്കാരുമായി ഒരു ചര്‍ച്ചയില്‍ പങ്കെടുക്കുമെന്ന് കർഷക നേതാക്കൾ പറഞ്ഞു.

കോടതി രൂപീകരിച്ച നാലംഗ സമിതിയിൽ ഭാരതീയ കിസാൻ യൂണിയൻ പ്രസിഡന്റ് ഭൂപീന്ദർ സിംഗ് മാന്‍, മഹാരാഷ്ട്രയിലെ ഷെത്കാരി സംഗാഥൻ പ്രസിഡന്റ് അനിൽ ഘനാവത്ത്, ഇന്റർനാഷണൽ ഫുഡ് പോളിസി റിസർച്ച് ഇൻസ്റ്റിറ്റ്യൂട്ട് ഓഫ് സൗത്ത് ഏഷ്യയുടെ പ്രമോദ് കുമാർ ജോഷി, കാർഷിക സാമ്പത്തിക ശാസ്ത്രജ്ഞൻ അശോക് ഗുലാത്തി എന്നിവരും ഉൾപ്പെടുന്നു.

Bill wapasi nahi, ghar wapasi nahi (Won't return home until the bill is taken back), says Rakesh Tikait, Spokesperson, Bhartiya Kisan Union on being asked about Supreme Court's order on three Farm Laws https://t.co/O6Stqcqg3f pic.twitter.com/E0ro7e9FMW

— ANI (@ANI) January 12, 2021