വാഷിംഗ്ടണ്‍: അമേരിക്കയുടെ 46-ാമത് പ്രസിഡന്റായി ജോ ബൈഡന്‍ സത്യപ്രതിജ്ഞ ചെയ്ത് നിമിഷങ്ങൾക്കകം ട്രംപ് ഭരണകൂട ഉദ്യോഗസ്ഥർക്ക് മേൽ ചൈന ഉപരോധം ഏർപ്പെടുത്തിയതായി ചൈനീസ് വിദേശകാര്യ മന്ത്രാലയം അറിയിച്ചു.

മുൻ സ്റ്റേറ്റ് സെക്രട്ടറി മൈക്ക് പോംപിയോ മന്ത്രാലയം പറഞ്ഞ 28 പേരിൽ ഉൾപ്പെടുന്നു. മൈക്ക് പോം‌പിയോയും സംഘവും ചൈനയുടെ ആഭ്യന്തര കാര്യങ്ങളിൽ ഗുരുതരമായി ഇടപെടുകയും ചൈനയുടെ താൽപ്പര്യങ്ങൾക്ക് തുരങ്കം വയ്ക്കുകയും ചൈനീസ് ജനതയെ വ്രണപ്പെടുത്തുകയും ചൈന-യുഎസ് ബന്ധത്തെ ഗുരുതരമായി തകർക്കുകയും ചെയ്ത നിരവധി ഭ്രാന്തൻ നീക്കങ്ങൾ ആസൂത്രണം ചെയ്യുകയും പ്രോത്സാഹിപ്പിക്കുകയും നടപ്പാക്കുകയും ചെയ്തു എന്ന് ചൈനീസ് വിദേശകാര്യ മന്ത്രാലയ വക്താവ് പറഞ്ഞു.

ട്രം​പി​ന്‍റെ സാ​മ്പ​ത്തി​ക ഉ​പ​ദേ​ഷ്ടാ​വ് പീ​റ്റ​ർ ന​വാ​രോ, ദേ​ശീ​യ സു​ര​ക്ഷാ ഉ​പ​ദേ​ഷ്ടാ​വ് റോ​ബ​ർ​ട്ട് ഒ​ബ്രി​യ​ൻ, മു​തി​ർ​ന്ന പൂ​ർ​വേ​ഷ്യ ന​യ​ത​ന്ത്ര​ജ്ഞ​ൻ ഡേ​വി​ഡ് സ്റ്റി​ൽ​വെ​ൽ, ദേ​ശീ​യ സു​ര​ക്ഷ ഡെ​പ്യൂ​ട്ടി ഉ​പ​ദേ​ഷ്ടാ​വ് മാ​ത്യു പോ​ട്ടി​ഗ​ർ, ആ​രോ​ഗ്യ, അ​വ​ശ്യ സേ​വ​ന സെ​ക്ര​ട്ട​റി​ല അ​ല​ക്സ് അ​സ​ർ, സാ​മ്പ​ത്തി​ക വി​ക​സ​ന അ​ണ്ട​ർ സെ​ക്ര​ട്ട​റി കീ​ത്ത് ക്രാ​ച്ച്, യു​എ​ൻ അം​ബാ​സ​ഡ​ർ കെ​ല്ലി ക്രാ​ഫ്റ്റ്, ദേ​ശീ​യ സു​ര​ക്ഷാ ഉ​പ​ദേ​ഷ്ടാ​വാ​യി​രു​ന്ന ജോ​ൺ ബോ​ൾ​ട്ട​ൺ, ചീ​ഫ് സ്ട്രാ​റ്റ​ജി​സ്റ്റ് സ്റ്റീ​വ് ബാ​ന​ൺ എ​ന്നി​വ​രും വി​ല​ക്ക് ഏർപെടുത്തപ്പെട്ടവരിൽ പെടും. ചൈ​ന​യി​ലെ മു​തി​ർ​ന്ന ഉ​ദ്യോ​ഗ​സ്ഥ​ർ​ക്ക് ട്രം​പ് ഭ​ര​ണ​കൂ​ടം നേ​ര​ത്തെ വി​ല​ക്കേ​ർ​പ്പെ​ടു​ത്തി​യി​രു​ന്നു. ടി​ബ​റ്റ്, തായ്‌വാന്‍, ഹോ​ങ്കോം​ഗ്, ദ​ക്ഷി​ണ ചൈ​ന ക​ട​ൽ എ​ന്നി​വി​ട​ങ്ങ​ളി​ലെ നി​യ​മ​വി​രു​ദ്ധ ഇ​ട​പെ​ട​ൽ ആ​രോ​പി​ച്ചാ​യി​രു​ന്നു നടപടി ഉണ്ടായത്.

ചൈന, ഹോങ്കോംഗ്, മക്കാവോ എന്നീ രാജ്യങ്ങളിൽ ഇവരും ഇവരുടെ കുടുംബാംഗങ്ങളും അടുത്ത ബന്ധുക്കളും പ്രവേശിക്കുന്നത് വിലക്കിയിട്ടുണ്ടെന്ന് മന്ത്രാലയം അറിയിച്ചു. അവരുമായും അവരുമായി ബന്ധപ്പെട്ട സ്ഥാപനങ്ങളുമായും ചൈനയുമായി ബിസിനസ്സ് നടത്തുന്നതിൽ നിന്ന് വിലക്കിയിട്ടുണ്ടെന്നും റിപ്പോർട്ടിൽ പറയുന്നു.

വൈറ്റ് ഹൗസില്‍ പ്രവേശിച്ചതിന് തൊട്ടുപിന്നാലെ ട്രംപ് ബീജിംഗിനെതിരെ താരിഫ് യുദ്ധങ്ങൾ ആരംഭിച്ചതിന് ശേഷമാണ് ചൈനീസ്-യുഎസ് ബന്ധം കുത്തനെ ഇടിഞ്ഞത്.