Flash News

ടെക്‌സസ് മെക്‌സിക്കോ അതിര്‍ത്തിയില്‍ കത്തിക്കരിഞ്ഞ നിലയില്‍ 19 മൃതദേഹങ്ങള്‍

January 25, 2021 , പി.പി. ചെറിയാന്‍

റിയൊഗ്രാന്റി: ടെക്‌സസ് മെക്‌സിക്കോ അതിര്‍ത്തിയിലുള്ള റിയൊഗ്രാന്റി ടൗണിനു സമീപം കത്തിക്കരിഞ്ഞ 19 മൃതദേഹങ്ങള്‍ കണ്ടെത്തിയതായി റ്റാമിലുപ്‌സ സ്റ്റേറ്റ് പ്രൊസിക്യൂട്ടേഴ്‌സ് ഓഫീസ് ശനിയാഴ്ച അറിയിച്ചു.

രണ്ടു വാഹനങ്ങള്‍ക്കു തീ പിടിച്ചിരിക്കുന്നുവെന്ന് വിവരം ലഭിച്ചതനുസരിച്ചാണ് പൊലീസ് സംഭവസ്ഥലത്തെത്തിയത്. വാഹനത്തിലെ തീ അണച്ചപ്പോള്‍ ഒരു വാഹനത്തില്‍ 4 പേരുടെയും, മറ്റൊന്നില്‍ 15 പേരുടെയും മൃതദേഹങ്ങള്‍ കണ്ടെത്തുകയായിരുന്നു. കത്തിക്കൊണ്ടിരുന്ന വാഹനങ്ങളിലുള്ള എല്ലാവര്‍ക്കും വെടിയേറ്റിരുന്നുവെന്നും പൊലീസ് പറഞ്ഞു.

സംഭവസ്ഥലത്ത് വെടിയുണ്ടകള്‍ ഒന്നും കണ്ടെത്താതിരുന്നതിനാല്‍ മറ്റെവിടെയോ വച്ച് കൊലപ്പെടുത്തി വാഹനങ്ങളില്‍ മൃതദേഹങ്ങള്‍ ഇട്ടതിനുശേഷം ഈ പ്രദേശത്തുകൊണ്ടുവന്ന് തീയിട്ടതാകാം എന്നാണ് പൊലീസിന്റെ നിഗമനം. ഗ്വാട്ടിമാലയില്‍ നിന്നുള്ളവരായിരിക്കാം കൊല്ലപ്പെട്ടതെന്നാണ് പ്രാഥമിക വിവരങ്ങള്‍ നല്‍കുന്ന സൂചന.

മയക്കുമരുന്നു വില്‍പന സംഘങ്ങളുടെ കേന്ദ്രമാണു സംഭവം നടന്ന സ്ഥലം. ഈ വര്‍ഷം ജനുവരിയില്‍ മാത്രം കൊല്ലപ്പെട്ടവര്‍ 21 ആയി. അതേ സമയം മെക്‌സിക്കന്‍ ആര്‍മി ഇതേ സ്ഥലത്ത് പതിനൊന്ന് ക്രിമിനല്‍ അംഗങ്ങളെ വെടിവച്ചു കൊന്നിരുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top