Flash News

കൊറോണ വൈറസ് വ്യാപനം; കുവൈറ്റ് വിമാനത്താവളം അടച്ചിടാന്‍ സാധ്യതയെന്ന് റിപ്പോര്‍ട്ട്

February 2, 2021

കുവൈറ്റ് സിറ്റി: രാജ്യത്ത് വിമാനത്താവളങ്ങൾ വഴി വരുന്ന യാത്രക്കാർക്കിടയിൽ കോവിഡ് കേസുകൾ വർദ്ധിക്കുന്നതായി കണ്ടെത്തിയതിനെ തുടർന്ന് ആരോഗ്യ ഉദ്യോഗസ്ഥർ കർശന മുന്നറിയിപ്പ് നൽകി. കോവിഡ് നെഗറ്റീവ് സർട്ടിഫിക്കറ്റുമായി രാജ്യത്തേക്ക് പ്രവേശിച്ച യാത്രക്കാർക്ക് വിമാനത്താവള ചെക്ക് ഇൻ സമയത്ത് കോവിഡ് പോസിറ്റീവ് കണ്ടെത്തിയതില്‍ അധികൃതർ ആശങ്കപ്പെടുന്നു.

ആരോഗ്യ മന്ത്രാലയത്തിന്റെയും സിവിൽ ഏവിയേഷൻ അഡ്മിനിസ്ട്രേഷന്റെയും നിർണായക യോഗം വ്യാഴാഴ്ച നടക്കുമെന്ന് പ്രാദേശിക പത്രം റിപ്പോർട്ട് ചെയ്തു. ഈ അപകടകരമായ സാഹചര്യത്തെ നേരിടാനുള്ള സംവിധാനങ്ങളും പരിഹാരങ്ങളും യോഗം ചർച്ച ചെയ്യുമെന്ന് പ്രതീക്ഷിക്കുന്നു.

നേരത്തെ, കുവൈറ്റിലേക്കുള്ള വിമാനങ്ങൾ പരമാവധി 35 യാത്രക്കാർക്കും ആകെ 1,000 യാത്രക്കാർക്കും മാത്രമായി പരിമിതപ്പെടുത്തിയിരുന്നു. ജനുവരി 24 മുതൽ ഫെബ്രുവരി 6 വരെയാണ് യാത്രക്കാരുടെ എണ്ണം പരിമിതപ്പെടുത്തിയത്.

രാജ്യത്ത് കോവിഡ്-19 വേരിയന്റ് കണ്ടെത്തിയതിനെ തുടർന്ന് കർശന ആരോഗ്യ സുരക്ഷാ നടപടികൾ ഏർപ്പെടുത്തിയിട്ടുണ്ട്. പൊതുപരിപാടികള്‍, വിവാഹങ്ങൾ, പൊതുജനങ്ങൾക്കിടയിൽ ഒത്തുചേരൽ എന്നിവ അണുബാധകൾ വർദ്ധിക്കുന്നതിനും പകർച്ചവ്യാധികൾ പടരുന്നതിനും കാരണമാകുമെന്ന് ആരോഗ്യവകുപ്പ് മുന്നറിയിപ്പ് നൽകിയിട്ടുണ്ട്.

കോവിഡ് വ്യാപനം കര്‍ശനമായി തടയണമെങ്കില്‍ ആരോഗ്യ, സുരക്ഷാ മാനദണ്ഡങ്ങൾ പാലിക്കാൻ ജനങ്ങള്‍ തയ്യാറാകണമെന്ന് അധികൃതർ അഭ്യർത്ഥിച്ചു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top