- Malayalam Daily News - https://www.malayalamdailynews.com -

ഇടതു സര്‍ക്കാര്‍ മത്സ്യത്തൊഴിലാളികളോട് ചെയ്തത് അങ്ങേയറ്റം ക്രൂരത: ഉമ്മന്‍ ചാണ്ടി

[1]ഇടതു സര്‍ക്കാര്‍ മത്സ്യത്തൊഴിലാളികളോട് ചെയ്തത് അങ്ങേയറ്റം ക്രൂരതയാണെന്നും, ആഴക്കടല്‍ മത്സ്യബന്ധന കരാറിലൂടെ അവരെ വഞ്ചിക്കുകയായിരുന്നുവെന്നും മുന്‍ മുഖ്യമന്ത്രി ഉമ്മന്‍‌ചാണ്ടി. മത്സ്യ തൊഴിലാളികളെ വഴിയാധാരമാക്കുന്ന സര്‍ക്കാരിന്‍റെ ജനദ്രോഹ നയം പ്രതിപക്ഷ നേതാവ് കണ്ടുപിടിച്ചത് കേരളത്തെ അപമാനിക്കാനല്ലെന്നും അദ്ദേഹം പറഞ്ഞു.

സര്‍ക്കാരിന്റെ തെറ്റ് കണ്ടുപിടിച്ചത് മഹാ അപരാധമായിട്ടാണ് മുഖ്യമന്ത്രി കാണുന്നത്. തെറ്റ് കണ്ടുപിടിച്ചതല്ല അപമാനം ആഴക്കടല്‍ മത്സ്യബന്ധനത്തിന് അനുമതി കൊടുത്ത കരാറാണ് കേരളത്തിന് അപമാനമെന്നും ഉമ്മന്‍ ചാണ്ടി പറഞ്ഞു. കരാര്‍ പിന്‍വലിച്ചത് ഔദാര്യമല്ലെന്നും പിടിച്ച്‌ നില്‍ക്കാനുള്ള സര്‍ക്കാരിന്‍റെ പരിശ്രമമാണെന്നും ഉമ്മന്‍ ചാണ്ടി കൂട്ടിച്ചേര്‍ത്തു.

മത്സ്യ തൊഴിലാളികള്‍ക്ക് അഞ്ച് ശതമാനം നികുതി ഏര്‍പ്പെടുത്തിയ സര്‍ക്കാരാണ് പിണറായിയുടേത്. ഈ സര്‍ക്കാരില്‍ നിന്ന് ഇതില്‍ കൂടുതല്‍ പ്രതീക്ഷിക്കാനില്ലെന്നും ഉമ്മന്‍ ചാണ്ടി പറഞ്ഞു. യു.ഡി.എഫ് സര്‍ക്കാര്‍ ബി.പി.എല്‍ വിഭാഗത്തിന് സൗജന്യ അരി നല്‍കിയപ്പോള്‍ ഇടത് സര്‍ക്കാര്‍ ആ അരിക്ക് 2 രൂപ കൈകാര്യ ചാര്‍ജ് ഏര്‍പ്പെടുത്തിയതായും ഉമ്മന്‍ ചാണ്ടി കൂട്ടിച്ചേര്‍ത്തു.


Like our page https://www.facebook.com/MalayalamDailyNews/ [2] and get latest news update from USA, India and around the world. Stay updated with latest News in Malayalam, English and Hindi.
[3] [4] [5] [6] [7]