ന്യൂയോര്‍ക്ക്: സുപ്രസിദ്ധ ബാല സാഹിത്യകാരനും അമേരിക്കന്‍ മലയാളികളുടെ സാഹിത്യവേദികളില്‍ ദീര്‍ഘകാലം നിറസാന്നിധ്യവുമായിരുന്ന ജോയന്‍ കുമരകത്തിന്റെ വേര്‍പാടില്‍ ഫൊക്കാനയുടെ അഗാധമായ ദുഃഖം അറിയിക്കുന്നു.

ഫൊക്കാനയുടെ നിരവധി സാഹിത്യ സമ്മേളനങ്ങളില്‍ പങ്കെടുക്കുകയും നേതൃത്വം കൊടുക്കുകയും ചെയ്തിട്ടുള്ള വ്യക്തിയും ബാലസാഹിത്യ രംഗത്ത് തന്റേതായ കൈയ്യൊപ്പ് പതിപ്പിക്കുകയും ചെയ്ത അദ്ദേഹത്തിന്റെ സാഹിത്യ സംഭാവനകളെ തികച്ചും ആദരവോടെ സ്മരിക്കുകയാണെന്ന് ഫൊക്കാന പ്രസിഡന്റ് സുധ കര്‍ത്താ പറഞ്ഞു.

ജോയന്‍ കുമരകത്തിന്റെ ലളിതസുന്ദരമായ പ്രഭാഷണങ്ങളും അതിലെ തത്വചിന്തകളും, അദ്ദേഹത്തിന്റെ ഈശ്വര വിശ്വാസവും അനുകരണീയമാണെന്ന് ഫൊക്കാന നാഷണല്‍ കോഓര്‍ഡിനേറ്റര്‍ അലക്സ് തോമസ് പറഞ്ഞു.