Flash News

മിലൻ കഥാ പുരസ്‌കാരത്തിനായി രചനകൾ ക്ഷണിക്കുന്നു

March 19, 2021 , സലിം മുഹമ്മദ്

മിഷിഗൺ മലയാളി ലിറ്റററി അസോസിയേഷൻ (മിലൻ) സംഘടിപ്പിക്കുന്ന ചെറുകഥാ മത്സരത്തിലേക്ക് കൃതികൾ ക്ഷണിക്കുന്നു.

അമേരിക്കയിലും, കാനഡയിലുമുള്ള പ്രവാസി എഴുത്തുകാരെ പ്രോത്സാഹിപ്പിക്കുന്ന ഈ മത്സരത്തിൽ ഒന്നാം സ്ഥാനത്തെത്തുന്ന രചയിതാവിനു കേരളത്തിലെ സുപ്രസിദ്ധനായ ശില്പി രൂപകൽപന ചെയ്ത ശില്പവും പ്രശസ്തി പത്രവും റീമാക്സ് റിയൽറ്റർ കോശി ജോർജ്ജ് സ്പോൺസർ ചെയ്യുന്ന 501 ഡോളർ കാഷ് അവാർഡും നൽകുന്നതാണ്. രണ്ടാം സ്ഥാനത്തെത്തുന്ന കഥക്ക് പ്രശസ്തി പത്രവും, 301 ഡോളറും മൂന്നാം സ്ഥാനക്കാരന് പ്രശസ്തി പത്രവും 151 ഡോളറും സമ്മാനമായി ലഭിക്കുന്നതുമാണ്.

മത്സരത്തിന്റെ നിബന്ധനകൾ:

1. അമേരിക്കയിലും, കാനഡയിലുമുള്ള പ്രവാസി മലയാളികൾക്ക് മത്സരത്തിൽ പങ്കെടുക്കാവുന്നതാണ്.

2. രചനകൾ 2000 വാക്കുകളിൽ കവിയാത്തതും പ്രസിദ്ധീകരിച്ചതോ, അല്ലാത്തതോ ആകാവുന്നതുമാണ്.

3. മത്സരത്തിനയക്കുന്ന കഥകൾ പി.ഡി.എഫ് ഫോർമാറ്റിൽ ടൈപ്പ് ചെയ്ത് ഇ-മെയിലിൽ അയക്കേണ്ടതാണ്.

4. കൃതികളിൽ രചയിതാവിന്റെ പേരോ, തിരിച്ചറിയാവുന്ന മറ്റടയാളങ്ങളോ ഉണ്ടായിരിക്കരുത്. കഥാകൃത്തിന്റെ പേരും, മേൽവിലാസവും, ഫോൺ നമ്പറും, പാസ്പോര്‍ട്ട് സൈസ് ഫോട്ടോയും, രചനയോടൊപ്പം പ്രത്യേകം അയക്കേണ്ടതാണ്.

5. മത്സരത്തിലേക്കുള്ള പ്രവേശന ഫീസായി 25 ഡോളർ താഴെ ചേർത്തിരിക്കുന്ന ഈമെയിൽ വിലാസത്തിൽ ഓൺലൈനായി കഥയോടൊപ്പം അയക്കേണ്ടതാണ്.

6. മിലൻ പ്രസിദ്ധീകരിക്കാനുദ്ദേശിക്കുന്ന കഥാസമാഹാരത്തിലേക്ക് കഥകൾ ചേർക്കാൻ താല്പര്യമുള്ളവർ, പ്രത്യേക അനുവാദം നൽകേണ്ടതാണ്. കഥകൾ തെരെഞ്ഞെടുക്കാനുള്ള പൂർണ്ണ അവകാശം മിലനിൽ നിക്ഷിപ്തമായിരിക്കും.

7. കേരളത്തിൽ നിന്നുള്ള പ്രസിദ്ധരായ മൂന്നംഗ ജഡ്ജിംഗ് പാനൽ കഥകൾ വിലയിരുത്തി വിജയികളെ തീരുമാനിക്കുന്നതാണ്. വിധികർത്താക്കളുടെ തീരുമാനം അന്തിമമായിരിക്കും.

8. മിലൻ ഭാരവാഹികളോ, അംഗങ്ങളോ മത്സരത്തിൽ പങ്കെടുക്കാൻ പാടുള്ളതല്ല.

9 . രചനകൾ ലഭിക്കേണ്ട അവസാന തീയതി 2021 മെയ് 15.

കഥകളും, പ്രവേശന ഫീസും, അയക്കേണ്ട ഇ-മെയിൽ വിലാസം: milan.michigan20@gmail.com

കൂടുതൽ വിവരങ്ങൾക്ക്: സുരേന്ദ്രൻ നായർ 248 525 2351, തോമസ് കർത്തനാൾ 586 747 7801, ജെയ്ൻ കണ്ണച്ചാംപറമ്പിൽ 248 251 2256, മനോജ് കൃഷ്ണൻ 248 837 9935, സലിം മുഹമ്മദ് 614 732 2424.

 


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top