Flash News
നോർത്ത് അമേരിക്ക – യൂറോപ്പ് ഭദ്രാസനത്തിന്റെ നേതൃത്വത്തിൽ ബിഷപ് ഡോ. മാർ ക്രിസോസ്റ്റം അനുസ്മരണ സമ്മേളനം മെയ് 16 ഞായറാഴ്ച വൈകിട്ട് 4 ന്   ****    ഹമാസ് റോക്കറ്റ് ആക്രമണത്തില്‍ കൊല്ലപ്പെട്ട സൗമ്യയുടെ മൃതദേഹം പ്രത്യേക വിമാനത്തില്‍ ഇന്ത്യയിലെത്തിക്കും   ****    ഇസ്രായേൽ ആക്രമണം ശക്തമാക്കുന്നു; ഗാസയിൽ മരിച്ചവരുടെ എണ്ണം 100 കവിഞ്ഞു   ****    കനത്ത ആഘാതമായി ഇന്ധനവില വര്‍ധന തുടരുന്നു; കഴിഞ്ഞ പത്ത് ദിവസത്തിനുള്ളില്‍ വില വര്‍ധിക്കുന്നത് എട്ടാം തവണ   ****    ന്യൂനമര്‍ദ്ദം: സംസ്ഥാനത്ത് ഇന്ന് അതിതീവ്രമഴയ്ക്ക് സാധ്യത; തിരുവനന്തപുരം, കൊല്ലം, പത്തനംതിട്ട ജില്ലകളില്‍ റെഡ് അലര്‍ട്ട്   ****   

അരിസോണ അതിർത്തിയിൽ അടിയന്തരാവസ്ഥ പ്രഖ്യാപിച്ച് ദേശീയ ഗാർഡിനെ വിന്യസിച്ചു

April 21, 2021 , ആന്‍സി

അരിസോണ: അരിസോണ ഗവർണർ ഡഗ് ഡ്യൂസി മെക്സിക്കോയുമായുള്ള തെക്കൻ അതിർത്തിയിൽ അടിയന്തരാവസ്ഥ പ്രഖ്യാപിക്കുകയും, പ്രാദേശിക നിയമപാലകരെ സഹായിക്കാൻ 250 നാഷണല്‍ ഗാർഡ് സൈനികരെ വിന്യസിക്കുകയും ചെയ്തു.

യുഎസ് അതിർത്തിയിലെ സ്ഥിതി അനിയന്ത്രിതമായതിനെത്തുടര്‍ന്ന് പ്രാദേശിക നിയമപാലകരും മേയർമാരും സഹായത്തിനായി അഭ്യര്‍ത്ഥിക്കുന്നു എന്ന് റിപ്പബ്ലിക്കൻ ഗവർണർ ഡ്യൂസി ചൊവ്വാഴ്ച പുറത്തിറക്കിയ പ്രസ്താവനയിൽ പറഞ്ഞു.

നാഷണൽ ഗാർഡ് സേവനത്തിന് 25 മില്യൺ ഡോളർ സംസ്ഥാനം അനുവദിക്കുമെന്ന് ഡ്യൂസി പറഞ്ഞു. എന്നാൽ വിന്യാസം എത്രത്തോളം നീണ്ടുനിൽക്കുമെന്ന് വ്യക്തമാക്കിയിട്ടില്ല.

മുൻ പ്രസിഡന്റ് ഡൊണാൾഡ് ട്രംപിന്റെ ഇമിഗ്രേഷൻ നയങ്ങളിൽ പലതും ഒഴിവാക്കുമെന്ന് ജനുവരിയില്‍ ജോ ബൈഡന്‍
പ്രതിജ്ഞയെടുത്തതിനെത്തുടർന്ന് മെക്സിക്കോയുടെ അതിർത്തിയിൽ കുടിയേറ്റക്കാരുടെ വേലിയേറ്റമായി എന്ന് ആരോപിക്കപ്പെടുന്നു.

അതിർത്തിയിലെ സ്ഥിതി “പ്രതിസന്ധി” എന്ന് വിശേഷിപ്പിച്ച് ഡ്യൂസി ബൈഡന്‍ ഭരണകൂടത്തിന്റെ കുടിയേറ്റ നയങ്ങളെ വിമര്‍ശിച്ചു. “ഈ ഭരണകൂടം ഒന്നും ചെയ്യാൻ പോകുന്നില്ലെങ്കിൽ ഞങ്ങൾ ചെയ്യും,” ഡ്യൂസി പറഞ്ഞു.

അനധികൃതമായി അതിർത്തി കടക്കുന്ന കുടിയേറ്റക്കാരുടെ എണ്ണം ഈ വർഷം അതിവേഗം കുതിച്ചുയര്‍ന്നതുമായി ബന്ധപ്പെട്ട് അടിയന്തരാവസ്ഥ പ്രഖ്യാപിക്കുന്ന ആദ്യ സംസ്ഥാനമാണ് അരിസോണ. അതിർത്തിയിൽ പട്രോളിംഗ് ഏജന്റുമാർ മാർച്ചിൽ 168,000 പേരെ അറസ്റ്റുചെയ്തു. ഡിസംബറിൽ ഇത് 71,000 ആയിരുന്നു.

കഴിഞ്ഞ മാസം ടെക്സസ് അതിർത്തിയിൽ അഞ്ഞൂറോളം ദേശീയ ഗാർഡ് സൈനികരെ വിന്യസിച്ചിരുന്നുവെങ്കിലും സംസ്ഥാന ഗവർണർ അടിയന്തരാവസ്ഥ പ്രഖ്യാപിച്ചിട്ടില്ല.

അതേസമയം, അരിസോണയിലെ അമേരിക്കൻ സിവിൽ ലിബർട്ടീസ് യൂണിയൻ, ഡ്യൂസിയുടെ പ്രവർത്തനങ്ങൾ “അതിർത്തി കൂടുതൽ സൈനികവൽക്കരിക്കുകയും അനാവശ്യവും നീതിയുക്തവുമായ ഭയം ജനിപ്പിക്കുകയും ചെയ്യുന്നതല്ലാതെ മറ്റൊന്നും ചെയ്യുന്നില്ല” എന്ന് ആരോപിച്ചു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top