Flash News

സ്ഥലം മാറി പോകുന്ന വൈദികർക്ക് ഹൂസ്റ്റൺ എക്യൂമെനിക്കൽ കമ്മ്യൂണിറ്റി യാത്രയയപ്പു നൽകി

May 6, 2021

ഹൂസ്റ്റൺ: ഹൂസ്റ്റണിൽ നിന്നും സ്ഥലം മാറി പോകുന്ന വൈദികർക്ക് ഇന്ത്യൻ ക്രിസ്ത്യൻ എക്യൂമെനിക്കൽ കമ്മ്യൂണിറ്റി ഓഫ് ഹൂസ്റ്റന്റെ നേതൃത്വത്തിൽ ഊഷ്മളമായ യാത്രയയപ്പു നൽകി. ഏപ്രിൽ മാസം 20 -നു സെൻറ് മേരിസ് മലങ്കര ഓർത്തഡോൿസ് ദേവാലയത്തിൽ വച്ച് കൂടിയ മീറ്റിംഗിൽ ഐ സി ഇ സി എച്ച് പ്രസിഡന്റ് റവ.ഫാ. ഐസക് ബി പ്രകാശ് അധ്യക്ഷത വഹിച്ചു. ട്രിനിറ്റി മാർത്തോമാ ഇടവകയുടെ വികാരിയും ഐ സി ഇ സി എച്ചിന്റെ മുൻ വൈസ് പ്രസിഡന്റുമായ റവ.ജേക്കബ് .പി. തോമസ്, ഇമ്മാനുവൽ മാർത്തോമാ ഇടവക വികാരി റവ. എബ്രഹാം വർഗീസ്, അസിസ്റ്റന്റ് വികാരി റവ. സജി ആൽബിൻ എന്നിവർക്കും കുടുംബത്തിനുമാണ് യാത്രയയപ്പു നൽകിയത്.

ഹൂസ്റ്റൺ മാർത്തോമ്മ ഇടവകകളിൽ സേവനം അനുഷ്ഠിച്ചതോടൊപ്പം ഹൂസ്റ്റൺ എക്യൂമെനിക്കൽ കമ്മ്യൂണിറ്റിയിലും സ്തുത്യർഹമായ സേവനമായിരുന്നു ഈ വൈദിക ശ്രേഷ്ഠരിൽ നിന്നും ലഭിച്ചത്. മൂവരുടെയും സ്ഥലം മാറ്റം ഹൂസ്റ്റൺ എക്യൂമെനിക്കൽ കമ്മ്യൂണിറ്റിക്കു വലിയ നഷ്ടമാണെന്ന് ഐ സി ഇ സി എച്ച് പ്രസിഡന്റ് അധ്യക്ഷ പ്രസംഗത്തിൽ ഓർമ്മിപ്പിച്ചു. സ്നേഹസൂചകമായി യാത്രയയപ്പ് ഉപഹാരവും നൽകി.

യോഗത്തിൽ ഐ സി ഇ സി എച്ച് വൈസ് പ്രസിഡന്റും സെൻറ് മേരിസ് മലങ്കര ഓർത്തഡോൿസ് ഇടവക വികാരിയുമായ റവ.ഫാ.ജോൺസൻ പുഞ്ചക്കോണം, ഐ സി ഇ സി എഛ് സ്പോർട്സ് കോർഡിനേറ്ററും സെൻറ് ജെയിംസ് ക്നാനായ യാക്കോബായ ഇടവക വികാരി റവ.ഫാ. എബ്രഹാം സക്കറിയ, ഐ സി ഇ സി എച്ച് വോളന്റീർ ക്യാപ്റ്റൻ ഡോ.അന്ന.കെ.ഫിലിപ്പ് എന്നിവർ ആശംസ പ്രസംഗം നടത്തി.

ഐ സി ഇ സി എച്ച് സെക്രട്ടറി എബി മാത്യു, ട്രഷറർ രാജൻ അങ്ങാടിയിൽ, പ്രോഗ്രാം കോഓർഡിനേറ്റർ ഷാജി പുളിമൂട്ടിൽ, വോളന്റിയർ ക്യാപ്റ്റൻ നൈനാൻ വീട്ടിനാൽ, ഓഡിറ്റർ ജോൺസൻ എബ്രഹാം, പി ആർ ഓ ജോജോ തുണ്ടിയിൽ എന്നിവർ യോഗത്തിനു വേണ്ട നേതൃത്വം നൽകി.

റിപ്പോർട്ട്: ജീമോൻ റാന്നി


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top