160-മത് സാഹിത്യ സല്ലാപം ജൂണ്‍ 5 ശനിയാഴ്ച – കോരസണ്‍ വര്‍ഗീസിനോടൊപ്പം

ഡാളസ്: ജൂണ്‍ 5 ശനിയാഴ്ച രാവിലെ സംഘടിപ്പിക്കുന്ന 160-മത് അമേരിക്കന്‍ മലയാളി സാഹിത്യ സല്ലാപം ‘കോരസണ്‍ വര്‍ഗീസിനോടൊപ്പം’ എന്ന പേരിലാണ് നടത്തുന്നത്. പ്രമുഖ എഴുത്തുകാരനും സാമൂഹിക പ്രവര്‍ത്തകനും ടി.വി. അവതാരകനും ന്യൂയോര്‍ക്ക്‌ സിറ്റി ഉദ്യോഗസ്ഥനുമായ കോരസണ്‍ വര്‍ഗീസിനെപ്പറ്റി കൂടുതല്‍ അറിയുവാനും മനസ്സിലാക്കുവാനുമുള്ള ഈ അവസരം അമേരിക്കന്‍ മലയാളികള്‍ക്ക് ഈ സല്ലാപത്തില്‍ പങ്കെടുത്ത് പരമാവധി പ്രയോജനപ്പെടുത്താവുന്നതാണ്. അമേരിക്കന്‍ മലയാളികളുമായി ബന്ധപ്പെട്ട മറ്റു സാമൂഹിക സാഹിത്യ സാംസ്കാരിക ഭാഷാ വിഷയങ്ങള്‍ സമഗ്രമായി ചര്‍ച്ച ചെയ്യുവാനും താത്പര്യമുള്ള സഹൃദയരായ എല്ലാ നല്ല ആളുകളെയും ഭാഷാസ്നേഹികളെയും അമേരിക്കന്‍ മലയാളി സാഹിത്യ സല്ലാപത്തിലെയ്ക്ക് ഹാര്‍ദ്ദമായി സ്വാഗതം ചെയ്യുന്നതായി ഭാരവാഹികള്‍ അറിയിച്ചു.

മെയ്‌ ഒന്നാം തീയതി ശനിയാഴ്ച സംഘടിപ്പിച്ച 159-മത് സാഹിത്യ സല്ലാപം ‘സരോജാ വര്‍ഗീസിനോടൊപ്പം’ എന്ന പേരിലാണ് നടത്തിയത്. ന്യൂയോര്‍ക്കില്‍ ഏറെ വര്‍ഷങ്ങള്‍ ആതുര സേവന രംഗത്ത് ജോലി ചെയ്ത് ഇപ്പോള്‍ ഫ്ലോറിഡയില്‍ വിശ്രമ ജീവിതം നയിക്കുന്ന ആളാണ് സല്ലാപത്തില്‍ പ്രധാന സന്ദേശം നല്‍കിയ പ്രമുഖ എഴുത്തുകാരിയായ സരോജാ വര്‍ഗീസ്. സരോജാ വര്‍ഗീസിനെയും കുടുംബത്തെയും കൂടുതല്‍ അറിയുവാനും മനസിലാക്കുവാനും ഈ സല്ലാപം ഉപകരിച്ചു.

അടുത്ത കാലത്ത് മഹാമാരിയായ കോവിഡ് ബാധിച്ചു മരണമടഞ്ഞ ചാരത്തും ദൂരത്തുമുള്ള സകല ആളുകളുടെയും അകാല ദേഹവിയോഗത്തില്‍ അമേരിക്കന്‍ മലയാളി സാഹിത്യ സല്ലാപം അനുശോചിക്കുകയുണ്ടായി.

ഡോ. നന്ദകുമാര്‍ ചാണയില്‍, വിന്‍സെന്‍റ് സിറിയക്, വര്‍ഗീസ് സക്കറിയ, ഡോ. തെരേസ ആന്റണി, എ. സി. ജോര്‍ജ്ജ്, ഡോ. രാജന്‍ മര്‍ക്കോസ്, ജോണ്‍ ആറ്റുമാലില്‍, അന്നാ മുട്ടത്ത്, ജോര്‍ജ്ജ് വര്‍ഗീസ്, മാത്യു നെല്ലിക്കുന്ന്, ജോസഫ്‌ പൊന്നോലി, യു. എ. നസീര്‍, തോമസ്‌ എബ്രഹാം, രാജു തോമസ്‌, ജോണ്‍സണ്‍, ജോസഫ്‌ തിരുവല്ല, തോമസ്‌ ഫിലിപ്പ്, എബ്രഹാം പൊന്‍വേലില്‍, ജേക്കബ്‌ കോര, തോമസ്‌ എബ്രഹാം, ജോസഫ്‌ മാത്യു, തോമസ്‌ കൂവള്ളൂര്‍, കോരസണ്‍ വര്‍ഗീസ്‌, വര്‍ഗീസ്‌ പോത്താനിക്കാട്, അബ്ദുല്‍ പുന്നയുര്‍ക്കളം, പി. പി. ചെറിയാന്‍, ജെയിംസ്‌ കുരീക്കാട്ടില്‍, സി. ആന്‍ഡ്റൂസ്, ജയിന്‍ മുണ്ടയ്ക്കല്‍ എന്നിവര്‍ സാഹിത്യ സല്ലാപത്തില്‍ സജീവമായി പങ്കെടുത്തു. അമേരിക്കയിലെ വിവിധ ഭാഗങ്ങളില്‍ നിന്നായി ധാരാളം ശ്രോതാക്കളും ഉണ്ടായിരുന്നു.

എല്ലാ മാസത്തിലെയും ആദ്യ ശനിയാഴ്ചയിലായിരിക്കും അമേരിക്കന്‍ മലയാളി സാഹിത്യ സല്ലാപം നടത്തുന്നത്. സല്ലാപത്തില്‍ പങ്കെടുക്കുവാന്‍ എല്ലാ ആദ്യശനിയാഴ്ചയും രാവിലെ പത്തു മുതല്‍ പന്ത്രണ്ട് വരെ (ഈസ്റേ്റണ്‍ സമയം) നിങ്ങളുടെ ടെലിഫോണില്‍ നിന്നും താഴെ കൊടുത്തിരിക്കുന്ന ടെലിഫോണ്‍ നമ്പരിലേയ്ക്ക് വിളിക്കാവുന്നതാണ്.

1-857-232-0476 കോഡ് 365923

ടെലിഫോണ്‍ ചര്‍ച്ചയില്‍ പങ്കെടുക്കുന്ന എല്ലാവര്‍ക്കും ചോദ്യങ്ങള്‍ ചോദിക്കാന്‍ അവസരം ഉണ്ടായിരിക്കും. jain@mundackal.com, sahithyasallapam@gmail.com എന്ന ഇ-മെയില്‍ വിലാസങ്ങളില്‍ ചര്‍ച്ചയില്‍ അവതരിപ്പിക്കാന്‍ താത്പര്യമുള്ള വിഷയങ്ങളും ചോദ്യങ്ങളും മുന്‍കൂറായി അയച്ചു കൊടുക്കാവുന്നതാണ്. കൂടുതല്‍ വിവരങ്ങള്‍ക്ക് ബന്ധപ്പെടുക: 813-389-3395 / 972-505-2748

Join us on Facebook https://www.facebook.com/groups/142270399269590/

Print Friendly, PDF & Email

Please like our Facebook Page https://www.facebook.com/MalayalamDailyNews for all daily updated news

Related News

Leave a Comment