മന്ത്രവാദത്തിന്റെ മറവില്‍ പതിനേഴു വയസ്സുകാരി മകളെ പീഡിപ്പിച്ച അച്ഛനെ പോലീസ് അറസ്റ്റു ചെയ്തു

തൃശ്ശൂര്‍: മന്ത്രവാദത്തിന്റെ മറവിൽ മകളെ പീഡിപ്പിച്ച പിതാവ് ‘അച്ഛന്‍ സ്വാമി’ എന്നറിയപ്പെടുന്ന മഠത്തിലാന്‍ രാജീവിനെ പോലീസ് അറസ്റ്റ് ചെയ്തു. പൂജയുടെ മറവിൽ പ്രായപൂർത്തിയാകാത്ത മകളെ പീഡിപ്പിച്ച കുറ്റത്തിനാണ് തൃശൂര്‍ മാളയിലെ ക്ഷേത്ര മഠാധിപതി മഠത്തിലാന്‍ രാജീവിനെ പോലീസ് അറസ്റ്റ് ചെയ്തത്.

ഏറെ നാളായി പൂജയുടെയും മന്ത്രവാദത്തിന്റെയും പേരില്‍ അച്ഛന്‍ ശാരീരികമായി പീഡിപ്പിക്കുന്നു എന്ന പതിനേഴുകാരി മകളുടെ പരാതിയിലാണ് ഇയാള്‍ പിടിയിലായത്. വിശ്വാസികളുടെ അച്ഛന്‍ സ്വാമി എന്നറിയപ്പെടുന്ന രാജീവ് കാലങ്ങളായി വീട്ടില്‍ തന്നെ ക്ഷേത്രം കെട്ടി മന്ത്രവാദ ക്രിയകള്‍ നടത്തിവരികയാണ്.

അച്ഛന്‍ സ്വാമിയെ കാണാനും പൂജ നടത്താനും നിരവധി പേര്‍ വീട്ടില്‍ വന്നിരുന്നു പ്രത്യേകിച്ച് സ്ത്രീ വിശ്വാസികള്‍. എന്നാല്‍ പൂജയുടെയും മന്ത്രവാദത്തിന്റെയും മറവില്‍ ഇയാള്‍ സ്ത്രീകളെ ശാരീരികമായി പീഡിപ്പിക്കുന്ന വിവരം പോലീസിന് ലഭിച്ചിരുന്നു. തുടര്‍ന്ന് ഡി.വൈ.എസ്.പി. ബാബു കെ.തോമസ്, ഇന്‍സ്‌പെക്ടര്‍ വി.സജിന്‍ ശശി എന്നിവരുടെ നേതൃത്വത്തിലുള്ള പോലീസ് സംഘം ദിവസങ്ങളായി അച്ഛന്‍ സ്വാമിയേ നിരീക്ഷിച്ചു വരികയായിരുന്നു.

അതിനിടയിലാണ് അച്ഛനെതിരെ മകള്‍ തന്നെ പോലീസില്‍ പരാതി നല്‍കിയത്. ഇതോടെ ഇയാളെ പോലീസ് പിടികൂടുകയായിരുന്നു. പോലീസ് ഇയാളെ ചോദ്യം ചെയ്തു വരികയാണ്.

Print Friendly, PDF & Email

Leave a Comment