കാബൂളില്‍ പള്ളിക്ക് പുറത്ത് സ്ഫോടനം; രണ്ട് പേര്‍ കൊല്ലപ്പെട്ടു

കാബൂള്‍: അഫ്ഗാൻ തലസ്ഥാനമായ കാബൂളിലെ ഒരു പള്ളിയുടെ കവാടത്തിൽ ബോംബ് പൊട്ടിത്തെറിച്ച് രണ്ട് സാധാരണക്കാർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു.

റിപ്പോർട്ടുകൾ പ്രകാരം, താലിബാൻ വക്താവ് സബിഹുല്ല മുജാഹിദിന്റെ അമ്മയുടെ അനുസ്മരണ ചടങ്ങുകൾ നടക്കുന്ന കാബൂളിലെ ഈദ്ഗാഹ് പള്ളിക്ക് നേരെയാണ് ബോംബേറ് നടന്നതെന്ന് താലിബാൻ ഉദ്യോഗസ്ഥൻ പറഞ്ഞു.

സ്ഫോടനത്തിൽ രണ്ട് സാധാരണക്കാർ കൊല്ലപ്പെടുകയും മൂന്ന് പേർക്ക് പരിക്കേൽക്കുകയും ചെയ്തു എന്ന് ആഭ്യന്തര മന്ത്രാലയ വക്താവ് ഖാരി സെയ്ദ് ഖോസ്തി പറഞ്ഞു. പള്ളിക്ക് സമീപം പൊട്ടിത്തെറിയുടെ ശബ്ദം കേട്ടതായും തുടർന്ന് വെടിവയ്പ്പ് ഉണ്ടായതായും പ്രദേശവാസികളും സാക്ഷികളും പറഞ്ഞു. ആക്രമണത്തിന്റെ ഉത്തരവാദിത്തം വ്യക്തികളോ ഗ്രൂപ്പുകളോ ഉടൻ ഏറ്റെടുത്തിട്ടില്ല.

എന്നാല്‍, ഓഗസ്റ്റ് പകുതിയോടെ അഫ്ഗാനിസ്ഥാൻ താലിബാൻ ഏറ്റെടുത്തതിനുശേഷം അവർക്കെതിരായ ഡെയ്ഷ് ഭീകരരുടെ ആക്രമണങ്ങൾ വർദ്ധിച്ചു വരുന്നത് ഇരുവിഭാഗങ്ങളും തമ്മിലുള്ള സംഘർഷത്തിനുള്ള സാധ്യത ഉയർത്തി.

കിഴക്കൻ പ്രവിശ്യയായ നംഗർഹറിൽ ശക്തമായ സാന്നിധ്യം നിലനിർത്തുകയും താലിബാനെ ശത്രുവായി കണക്കാക്കുകയും ചെയ്യുന്നവരാണ് ദേഷ് തക്ഫിരി ഭീകരസംഘടന. പ്രവിശ്യ തലസ്ഥാനമായ ജലാലാബാദിലെ നിരവധി കൊലപാതകങ്ങൾ ഉൾപ്പെടെ നിരവധി ആക്രമണങ്ങൾ അവർക്കെതിരെ ആരോപിക്കപ്പെട്ടിട്ടുണ്ട്.

തലസ്ഥാനം ഏറ്റെടുത്ത് ഏഴ് ആഴ്ചകൾക്ക് ശേഷം താലിബാൻ അനുകൂലികളും മുതിർന്ന വ്യക്തികളും കാബൂളിന് പുറത്ത് ആദ്യത്തെ ബഹുജന റാലി നടത്തുന്ന സമയത്താണ് ആക്രമണം ഉണ്ടായത്. തലസ്ഥാനത്തിന്റെ മലയോര പ്രാന്തപ്രദേശത്തുള്ള കോഹ്ദമാൻ ടൗൺഷിപ്പിൽ ഞായറാഴ്ച നടന്ന ഔദ്യോഗിക വിജയ സംഗമത്തിൽ 1500 താലിബാൻ അനുകൂലികൾ പങ്കെടുത്തു.

പ്രമുഖ താലിബാൻ ഉദ്യോഗസ്ഥരും കമാൻഡർമാരും അമേരിക്കക്കെതിരെയുള്ള വിജയാഘോഷം വീക്ഷിക്കുകയും സദസ്സിനെ അഭിസംബോധന ചെയ്യുകയും ചെയ്തു. “ഞങ്ങൾ കാത്തിരുന്ന ദിവസമാണിത്,” പുതിയ മന്ത്രി ഖലീൽ ഹഖാനി പറഞ്ഞു. സഹോദരൻ ജലാലുദ്ദീൻ സ്ഥാപിച്ച ഹഖാനി തീവ്രവാദ ശൃംഖലയിലെ പ്രമുഖ നേതാവാണ് ഖലീൽ.

“ഞങ്ങൾ ഞങ്ങളുടെ ലക്ഷ്യം നേടി, പക്ഷേ അതിന് സംരക്ഷണം ആവശ്യമാണ്,” അന്താരാഷ്ട്ര സമൂഹത്തില്‍ നിന്ന് അകറ്റിനിർത്തിയിട്ടും രാജ്യത്തിന് ശോഭനമായ ഭാവി ഉണ്ടെന്ന് അവര്‍ അവകാശപ്പെട്ടു.

റഹ്മത്തുള്ള എന്ന് പരിചയപ്പെടുത്തിയ ഒരു പ്രഭാഷകൻ പറഞ്ഞത്, താലിബാന്റെ വിജയം “ചാവേർ ആക്രമണത്തിന് രജിസ്റ്റർ ചെയ്യാൻ ക്യൂവിൽ നിന്ന ആ യുവാക്കളുടെ ഫലമാണ്” എന്നാണ്.

Print Friendly, PDF & Email

Please like our Facebook Page https://www.facebook.com/MalayalamDailyNews for all daily updated news

Leave a Comment

Related News