കിടപ്പുമുറിയിൽ എസി പൊട്ടിത്തെറിച്ച് ദമ്പതികൾ മരിച്ചു

മധുര: കിടപ്പുമുറിയിലെ എസി പൊട്ടിത്തെറിച്ച് ഉണ്ടായ തീപിടുത്തത്തിൽ ഭർത്താവും ഭാര്യയും വെന്തുമരിച്ചു. ശിക്തി കണ്ണൻ (43), ഭാര്യ ശുഭ എന്നിവരാണ് മരിച്ചത്. തമിഴ്നാട്ടിലെ മധുര ആനയൂർ എസ് വി പി നഗറിൽ ശനിയാഴ്ച രാവിലെയാണ് സംഭവം.

എസിയിൽ നിന്ന് വലിയ ശബ്ദവും പുകയും വരുന്നത് കണ്ട് ദമ്പതികൾ മുറിയിൽ നിന്ന് പുറത്തിറങ്ങാൻ ശ്രമിക്കുന്നതിനിടെയാണ് എസി പൊട്ടിത്തെറിച്ചത്. തീ പിന്നീട് കിടപ്പുമുറിയിലേക്ക് പടർന്നു. ഫയര്‍ ആന്‍റ് റെസ്ക്യൂ എത്തി തീ അണച്ച ശേഷമാണ് മൃതദേഹങ്ങള്‍ പുറത്തെടുത്തത്.

ശക്തികണ്ണന്‍, ഭാര്യ ശുഭ. മക്കളായ കാവ്യ കാര്‍ത്തികേയന്‍ എന്നിവര്‍ ഒന്നിച്ചാണ് വെള്ളിയാഴ്ച രാത്രി വീടിന്റെ ഒന്നാം നിലയിലെ കിടപ്പു മുറിയില്‍ കിടന്നത്. എന്നാല്‍, മുറിയില്‍ തണുപ്പ് കൂടുതലാണ് എന്ന് പറഞ്ഞ് മക്കള്‍ താഴത്തെ നിലയിലേക്ക് മാറുകയായിരുന്നു. പുലര്‍ച്ചെ മുകള്‍ നിലയില്‍ നിന്നും തീ ഉയരുന്നത് കണ്ട സമീപവാസികളാണ് മക്കളെ വിവരം അറിയിച്ചത്. എന്നാല്‍, അപ്പോഴേക്കും മുറിയില്‍ തീ പടര്‍ന്നിരുന്നു. പോസ്റ്റുമോര്‍ട്ടത്തിന് ശേഷം മൃതദേഹങ്ങള്‍ സംസ്‌കരിച്ചു. സംഭവത്തില്‍ വിശദമായ അന്വേഷണം നടത്തും എന്നും ആനയൂര്‍ പൊലീസ് പറഞ്ഞു.

Print Friendly, PDF & Email

Please like our Facebook Page https://www.facebook.com/MalayalamDailyNews for all daily updated news

Leave a Comment