മിഷിഗൺ: മിഷിഗണിലെ ഓക്സ്ഫോര്‍ഡ് ഹൈസ്‌കൂളിൽ നടന്ന വെടിവെപ്പില്‍ മൂന്ന് കൗമാരക്കാര്‍ കൊല്ലപ്പെടുകയും എട്ട് പേർക്ക് പരിക്കേൽക്കുകയും ചെയ്തു. വെടിവെപ്പ് നടത്തിയ 15-കാരനെ പോലീസ് പിടികൂടി. ഈ വർഷം ഇതുവരെ അമേരിക്കയില്‍ നടന്ന ഏറ്റവും മാരകമായ സ്‌കൂൾ വെടിവയ്പാണിത്.
ഓക്‌സ്‌ഫോർഡ് ഹൈസ്‌കൂളിൽ ക്ലാസുകൾ നടക്കുന്നതിനിടെ ഉച്ചയ്ക്ക് ശേഷം നടന്ന ആക്രമണത്തിൽ ഒരു അദ്ധ്യാപകന്‍ ഉൾപ്പെടെ എട്ട് പേർക്ക് പരിക്കേറ്റതായി ഓക്‌ലാൻഡ് കൗണ്ടി ഷെരീഫ് ഓഫീസ് അറിയിച്ചു. മരിച്ചവരിൽ 16 വയസുള്ള ആണ്‍കുട്ടിയും പതിന്നാലും പതിനേഴും വയസ്സുള്ള രണ്ട് പെണ്‍കുട്ടികളുമാണെന്ന് ഷെരീഫ് ഓഫീസ് പ്രസ്താവനയില്‍ പറഞ്ഞു. പരിക്കേറ്റവരിൽ ആറ് പേരുടെ നില തൃപ്തികരവും രണ്ട് പേർ ശസ്ത്രക്രിയക്ക് വിധേയരാകുകയും ചെയ്തു.
വെടിവെച്ചെന്ന് സംശയിക്കുന്ന 15-കാരനെ കസ്റ്റഡിയിലെടുക്കുകയും ഒരു സെമി-ഓട്ടോമാറ്റിക് കൈത്തോക്ക് പിടിച്ചെടുക്കുകയും ചെയ്തു. എന്നാൽ, ഡിട്രോയിറ്റിന് വടക്ക് 40 മൈൽ അകലെയുള്ള ഓക്സ്ഫോർഡിലെ ഈ സ്കൂളില്‍ ആക്രമണത്തിന് പ്രേരിപ്പിച്ചതെന്താണെന്ന് ഉടനടി വിശദീകരണമില്ല.
“15-കാരന്‍ അറസ്റ്റിൽ എതിർപ്പൊന്നും കാണിച്ചില്ലെന്നും ഒരു അഭിഭാഷകനെ ആവശ്യപ്പെട്ടെന്നും ഷെരീഫ് ഓഫീസ് പറയുന്നു. അതുകൊണ്ട് മൊഴി രേഖപ്പെടുത്തിയിട്ടില്ലെന്നും പറഞ്ഞു.
ഇത് വളരെ ‘ദയനീയമായ’ സംഭവമാണെന്ന് അണ്ടർഷെറിഫ് മൈക്കൽ മക്കേബ് മാധ്യമ പ്രവർത്തകരോട് പറഞ്ഞു. മരിച്ച മൂന്ന് പേരും വിദ്യാര്‍ത്ഥികളാണ്. ഒരുപാട് മാതാപിതാക്കള്‍ അസ്വസ്ഥരാണെന്നും അദ്ദേഹം പറഞ്ഞു.
ഉച്ചയ്ക്ക് ശേഷമാണ് വെടിവെയ്പ് ആരംഭിച്ചത്. പോലീസിന് 911 അടിയന്തര കോളുകൾ ലഭിച്ച് അഞ്ച് മിനിറ്റിനുള്ളിൽ ഷൂട്ടർ 15-20 തവണയെങ്കിലും നിറയൊഴിച്ചതായി മക്കേബ് പറഞ്ഞു. സംഭവസ്ഥലത്തെത്തി നിമിഷങ്ങള്‍ക്കകം അക്രമം നടത്തിയ വിദ്യാര്‍ത്ഥിയെ കസ്റ്റഡിയിലെടുത്തതായും അദ്ദേഹം പറഞ്ഞു.
വെടിവെയ്പ് നടത്തിയ വിദ്യാര്‍ത്ഥിയുടെ മാതാപിതാക്കളുമായി പോലീസ് ബന്ധപ്പെട്ടിരുന്നതായും അവരുടെ വീട്ടിൽ പരിശോധന നടത്തിയതായും മക്കേബ് പറഞ്ഞു. “പ്രതി ഇന്ന് ക്ലാസിലുണ്ടായിരുന്നു, ഒറ്റയ്ക്ക് ആക്രമണം നടത്തിയതായി സംശയിക്കുന്നു. ഇരകളെ പ്രത്യേകമായി ടാർഗെറ്റു ചെയ്‌തതാണോ അതോ ക്രമരഹിതമായി വെടിവച്ചതാണോ എന്ന് വ്യക്തമല്ല,” മക്കേബ് പറഞ്ഞു.
1,800 ഓളം വിദ്യാർത്ഥികൾ പഠിക്കുന്ന സ്കൂളിൽ പോലീസ് രംഗം പരിശോധിച്ചുവരികയാണെന്നും സംശയിക്കുന്നയാളെക്കുറിച്ച് വിവരം നല്‍കുന്നവരെ ചോദ്യം ചെയ്യാൻ ആഗ്രഹിക്കുന്നുവെന്നും മക്കേബ് പറഞ്ഞു.
“ഇത് എല്ലാ മാതാപിതാക്കളുടെയും ഏറ്റവും മോശം പേടിസ്വപ്നമാണെന്ന് ഞാൻ കരുതുന്നു,” മിഷിഗൺ ഗവർണർ ഗ്രെച്ചൻ വിറ്റ്മർ അതേ പത്രസമ്മേളനത്തിൽ പറഞ്ഞു.
മിനസോട്ട സന്ദർശനത്തിനിടെയാണ് പ്രസിഡൻറ് ജോ ബൈഡൻ വെടിവെപ്പിനെക്കുറിച്ച് അറിഞ്ഞത്. “പ്രിയപ്പെട്ട ഒരാളെ നഷ്ടപ്പെട്ടതിന്റെ സങ്കൽപ്പിക്കാൻ കഴിയാത്ത ദുഃഖം സഹിക്കുന്ന കുടുംബങ്ങളിലേക്കാണ് എന്റെ മനസ്സും ചിന്തയും പോകുന്നത്,” അദ്ദേഹം പറഞ്ഞു. “ആ സമൂഹം മുഴുവൻ ഇപ്പോൾ ഞെട്ടലിന്റെ അവസ്ഥയിലായിരിക്കണം.” അദ്ദേഹം കൂട്ടിച്ചേര്‍ത്തു.
‘ഗണ്‍ വയലന്‍സ് – അമേരിക്കയില്‍ വളര്‍ന്നുവരുന്ന പ്രശ്നം’
എവരിടൗൺ ഫോർ ഗൺ സേഫ്റ്റിയുടെ കണക്കനുസരിച്ച് ഈ വർഷം ഇതുവരെയുണ്ടായ ഏറ്റവും മാരകമായ സ്‌കൂൾ വെടിവയ്പാണിത്. തോക്ക് നിയന്ത്രണത്തിനായുള്ള കൂട്ട വെടിവയ്പുകളുടെയും ലോബികളുടെയും സ്ഥിതിവിവരക്കണക്കുകൾ സൂക്ഷിക്കുന്ന ഒരു ഗ്രൂപ്പാണിത്.
എവരിടൗൺ നൽകിയ കണക്കുകൾ പ്രകാരം, ചൊവ്വാഴ്ചത്തെ സംഭവത്തിന് മുമ്പ്, 2021-ൽ അമേരിക്കയിലുടനീളമുള്ള സ്‌കൂളുകളിൽ 138 വെടിവയ്പുകൾ നടന്നിരുന്നു. ആ സംഭവങ്ങള്‍ 26 പേരുടെ മരണത്തിന് കാരണമായി, ഓരോ തവണയും രണ്ടിൽ കൂടുതൽ ഇല്ലെങ്കിലും.
“ഇത് നമ്മൾ പരിഹരിക്കേണ്ട ഒരു അദ്വിതീയ അമേരിക്കൻ പ്രശ്നമാണെന്നാണ് രാജ്യത്തു നടക്കുന്ന കൂട്ട വെടിവെയ്പിനെക്കുറിച്ച് ചോദിച്ചപ്പോള്‍ മിഷിഗണ്‍ ഗവര്‍ണ്ണര്‍ ഗ്രെച്ചന്‍ വിറ്റ്മറുടെ മറുപടി.
2007 ഏപ്രിലിൽ വിർജീനിയയിലെ ബ്ലാക്ക്‌സ്‌ബർഗിലെ വിർജീനിയ ടെക്കിൽ നടന്ന ആക്രമണത്തിൽ വെടിയേറ്റയാളടക്കം 33 പേർ കൊല്ലപ്പെട്ടു. തുടർന്ന് 2012 ഡിസംബറിൽ കണക്‌റ്റിക്കട്ടിലെ ന്യൂടൗണിലുള്ള സാൻഡിഹുക്ക് പ്രാഥമിക വിദ്യാലയത്തിൽ നടന്ന ആക്രമണത്തിൽ 20 കുട്ടികളും വെടിവെച്ചയാളുമടക്കം 28 പേർ കൊല്ലപ്പെട്ടു.
2018 ഫെബ്രുവരിയിൽ, ഫ്ലോറിഡയിലെ പാർക്ക്‌ലാൻഡിലെ തന്റെ മുൻ ഹൈസ്‌കൂളിൽ AR-15 ആക്രമണ റൈഫിളുമായി ഒരാൾ വെടിയുതിർത്ത് 17 പേരെ കൊലപ്പെടുത്തി.
മോംസ് ഡിമാൻഡ് ആക്ഷൻ (Moms Demand Action) എന്ന ഗ്രൂപ്പിന്റെ സ്ഥാപക ഷാനൻ വാട്ട്സ്, തോക്കുകൾ നിയന്ത്രിക്കാൻ കൂടുതൽ നടപടി വേണമെന്ന് ആവശ്യപ്പെട്ടു, രാജ്യത്തുടനീളം സാധാരണക്കാരുടെ ഉടമസ്ഥതയിലുള്ള 400 ദശലക്ഷം തോക്കുകൾ ഉണ്ടെന്ന് പറഞ്ഞു.
“കൂടുതൽ തോക്കുകൾ ഞങ്ങളെ സുരക്ഷിതരാക്കിയാൽ, ലോകത്തിലെ ഏറ്റവും സുരക്ഷിതമായ രാഷ്ട്രം ഞങ്ങളായിരിക്കും,” വാട്ട്സ് ട്വിറ്ററിൽ കുറിച്ചു.
A child shot nine people at an Oxford, Michigan, high school today – killing three – and pundits will say the solution is MORE GUNS.
It’s a failed experiment: There are 400M guns in the hands of civilians here. If more guns made us safer, we’d be the safest nation in the world. pic.twitter.com/CHmO87a6BX
— Shannon Watts (@shannonrwatts) November 30, 2021
Please like our Facebook Page https://www.facebook.com/MalayalamDailyNews for all daily updated news