അബുദാബി: വാക്സിനേഷൻ എടുക്കാത്ത പൗരന്മാർക്ക് യുണൈറ്റഡ് അറബ് എമിറേറ്റ്സ് പുതിയ യാത്രാ നിയന്ത്രണങ്ങൾ പ്രഖ്യാപിച്ചു. ജനുവരി 10 മുതൽ പ്രാബല്യത്തിൽ വരുന്ന പുതിയ നിയമങ്ങൾ അനുസരിച്ച്, ഇപ്പോൾ വാക്സിൻ എടുക്കാത്ത ആളുകളുടെ യാത്രാ നിരോധനം ഉണ്ടായിരിക്കും, അതോടൊപ്പം വാക്സിൻ രണ്ട് ഡോസും എടുത്ത ആളുകൾക്ക് യാത്രയ്ക്ക് മുമ്പ് ഒരു ബൂസ്റ്റർ ഡോസ് നിര്‍ബ്ബന്ധമാക്കി.
എന്നാല്‍, ചില മെഡിക്കൽ കാരണങ്ങളാല്‍ കൊറോണ വാക്സിൻ എടുക്കാൻ കഴിയാത്തവർക്കും മാനുഷിക കേസുകൾക്കും ഇളവ് ലഭിക്കും.
കൊറോണ കേസുകൾ അതിവേഗം വർധിക്കുന്നതിനെ തുടർന്നാണ് ഈ യാത്രാ വിലക്ക്. യൂറോപ്പിലും അമേരിക്കയിലും ഏറ്റവുമധികം കേസുകൾ റിപ്പോർട്ട് ചെയ്യുന്നത് കൊറോണയുടെ ഒമിക്രോൺ വേരിയന്റാണ്. രോഗബാധിതരുടെ എണ്ണവും ആശുപത്രിവാസവും വർധിച്ചതിനാൽ ലോകമെമ്പാടും ആയിരക്കണക്കിന് വിമാനങ്ങൾ റദ്ദാക്കിയിട്ടുണ്ട്.
ശനിയാഴ്ച 2,556 പുതിയ കൊറോണ വൈറസ് കേസുകൾ യുഎഇയിൽ റിപ്പോർട്ട് ചെയ്തു. അതേസമയം, രാജ്യത്ത് ആകെ 2,165 പേർക്ക് അണുബാധ മൂലം ജീവൻ നഷ്ടപ്പെട്ടു.
കൊറോണ കേസുകളുടെ വർദ്ധനവ് കണക്കിലെടുത്ത് ഈ മാസം നടത്താനിരുന്ന യുഎഇ പര്യടനം പ്രധാനമന്ത്രി നരേന്ദ്ര മോദിയും മാറ്റി വെച്ചു. ഈ സന്ദർശനം സംബന്ധിച്ച് ഇരു രാജ്യങ്ങളിൽ നിന്നും ഔദ്യോഗിക പ്രഖ്യാപനങ്ങളൊന്നും ഉണ്ടായിട്ടില്ലെങ്കിലും, പ്രധാനമന്ത്രി മോദിക്ക് ജനുവരി 5-6 തീയതികളിൽ യുഎഇ സന്ദർശിക്കാൻ സാധ്യതയുണ്ടെന്നാണ് കരുതുന്നത്.
Please like our Facebook Page https://www.facebook.com/MalayalamDailyNews for all daily updated news