Flash News

കുടുംബത്തിലെ നാലംഗങ്ങള്‍ കൊല്ലപ്പെട്ട സംഭവം, സൂചന നല്‍കുന്നവര്‍ക്ക് 70,000 ഡോളര്‍ പ്രതിഫലം

February 20, 2014 , പി പി ചെറിയാന്‍

Cypress-area family

ഹാരിസ്‌കൗണ്ടി(ഹൂസ്റ്റണ്‍): രണ്ടു കുട്ടികളും മാതാപിതാക്കളും വെടിയേറ്റു മരിച്ച സംഭവത്തെക്കുറിച്ചു സൂചന നല്‍കുന്നവരുടെ പ്രതിഫലം വര്‍ദ്ധിപ്പിച്ചു.

ജനുവരി 30ന് ഫോസ്റ്റേഴ്‌സ് ക്രീക്കിലുള്ള വീട്ടില്‍ വെച്ചാണ് നാലുപേരും തലക്ക് വെടിയേറ്റ് മരിച്ചത്. ചൈനയില്‍ നിന്നും കുടിയേറിവരാണ് മേയെസണും ഭാര്യ മെയ്ക്‌സിയും. തിമൊത്തി സണ്‍(7), ടൈറ്റസ് സണ്‍(9) എന്നിവര്‍ മക്കളാണ്.

ഇതുവരെ പോലീസിന് കൊലപാതകത്തെ കുറിച്ച് വിവരമൊന്നും ലഭിക്കാതിരുന്നതിനെ തുടര്‍ന്നാണ് ക്രൈം സ്റ്റോപ്പേഴ്‌സ് പ്രതിഫലം 70,000 ഡോളറായി ഉയര്‍ത്തികൊണ്ടു ഇന്നലെ ഫെബ്രുവരി 19ന് പ്രസ്താവന ഇറക്കിയത്.

ഏഷ്യന്‍ കമ്മ്യൂണിറ്റി നേതാക്കള്‍ പ്രതികളെ കണ്ടെത്തണമെന്നാവശ്യപ്പെട്ട് ശക്തമായ പ്രതിഷേധ പ്രകടനമാണ് സംഘടിപ്പിച്ചിരുന്നത്. ഹൂസ്റ്റണിലെ ഏഷ്യന്‍ കമ്മ്യൂണിറ്റിയെ ഈ കൊലപാതകം ഞെട്ടിച്ചിരിക്കയാണ്.

ഇത്രയും ക്രൂരമായ കൊലപാതകം നടത്തിയ പ്രതികളെ കണ്ടെത്തുന്നതുവരെ വിശ്രമമില്ല എന്നാണ് ഇന്ന് നടത്തിയ ഒരു പത്രസമ്മേളനത്തില്‍ ഷെറിഫ് ആഡ്രിയന്‍ ഗര്‍ഡിയ പറഞ്ഞത്.

ഈ സംഭവത്തെകുറിച്ചു എന്തെങ്കിലും വിവരം ലഭിക്കുന്നവര്‍ 713 222 8477 എന്ന ഫോണ്‍ നമ്പറില്‍ ബന്ധപ്പെടുകയോ, TIP610 എന്നതില്‍ ടെക്‌സ്റ്റ് ചെയ്യുകയോ വേണമെന്ന് അധികൃതര്‍ അഭ്യര്‍ത്ഥിച്ചു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top