മലപ്പുറം: സോളിഡാരിറ്റി നടത്തുന്ന ‘വംശീയതയെ ചെറുക്കുക, നീതിയുടെ യൗവനമാവുക’ സംസ്ഥാന ക്യാമ്പയിനിന്റെ മലപ്പുറം ജില്ലാ തല ഉദ്ഘാടനം സംസ്ഥാന സെക്രട്ടറി സജീദ് പിഎം നിർവഹിച്ചു. സംസ്ഥാന സമിതി അംഗങ്ങളായ അൻവർ സലാഹുദ്ധീൻ, ഷാഹിൻ സി എസ്, ജില്ലാ പ്രസിഡന്റ് സാബിക് വെട്ടം എന്നിവർ സംസാരിച്ചു. ജനറൽ സെക്രട്ടറി അൻഫാൽ സ്വാഗതവും സെക്രട്ടറി സമീറുല്ല നന്ദിയും പറഞ്ഞു.
വടക്കാങ്ങര : മക്കരപ്പറമ്പ് ഗ്രാമ പഞ്ചായത്തിന്റെ 2024-25 ആസ്തി വികസന ഫണ്ട് ഉപയോഗിച്ച് നവീകരിച്ച വടക്കാങ്ങര ആറാം വാർഡിലെ മണിയറക്കാട് – കുറുക്കൻകുന്ന് റോഡ് പ്രദേശത്തെ പൗരപ്രമുഖരുടെയും സാമൂഹിക രാഷ്ട്രീയ നേതാക്കളുടെയും സാന്നിധ്യത്തിൽ മക്കരപ്പറമ്പ് ഗ്രാമ പഞ്ചായത്ത് പ്രസിഡന്റ് സി.എ നുഅ്മാൻ ഷിബിലി ഉദ്ഘാടനം ചെയ്തു. ഗ്രാമപഞ്ചായത്ത് വികസനകാര്യ സ്ഥിരംസമിതി അദ്ധ്യക്ഷനും ആറാം വാർഡ് അംഗവുമായ ഹബീബുള്ള പട്ടാക്കൽ ചടങ്ങിൽ അദ്ധ്യക്ഷത വഹിച്ചു. വാർഡ് കൺവീനർ സി.കെ സുധീർ ചടങ്ങിൽ സ്വാഗതമാശംസിച്ചു. ആരോഗ്യ വിദ്യാഭ്യാസ സ്ഥിരംസമിതി അദ്ധ്യക്ഷൻ അനീസ് മഠത്തിൽ, 12 ആം വാർഡ് അംഗം സാബിറ കുഴിയേങ്ങൽ, അനസ് കരുവാട്ടിൽ, കെ.പി മരക്കാർ, അബ്ദുസ്സമദ് മൂന്നുകണ്ടത്തിൽ, കെ.പി ബഷീർ, പി.കെ സയ്യിദ് അബു തങ്ങൾ, ഷരീഫ് വാഴക്കാടൻ, സി.കെ കരീം ഹാജി, കെ ജാബിർ, അമീർ പുത്തൻ വീട്ടിൽ, പി രാജൻ, വി.പി ബഷീർ, നാട്ടുകാർ…
തിരൂർ: ‘നാടിൻറെ നന്മക്ക് നമ്മളൊന്നാകണം’ എന്ന സന്ദേശവുമായി വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി നയിക്കുന്ന സാഹോദര്യ കേരള പദയാത്രയുടെ ഭാഗമായി ജില്ലയിലെ ഡിജിറ്റൽ മീഡിയ സുഹൃത്തുക്കളുമായി കൂടിക്കാഴ്ച നടത്തുന്നു. സാഹോദര്യവും ചേർത്തു പിടിക്കലും ഏറ്റവും അനിവാര്യമായ ഒരു കാലത്ത് അതിന്റെ കൊടിവാഹകരായി നിൽക്കുന്ന ഡിജിറ്റൽ മാധ്യമ സുഹൃത്തുക്കളോടൊപ്പം സാഹോദര്യ കേരള പദയാത്ര നായകൻ റസാഖ് പാലേരി നാളെ 12 മണിക്ക് തിരൂർ സബ്ക ഹോട്ടലിൽ ഒന്നിച്ചിരിക്കുന്നു. പരിപാടിയിൽ ജില്ലാ പ്രസിഡണ്ട് കെവി സഫീർഷ, ജില്ലാ സെക്രട്ടറി ഷാക്കിർ മോങ്ങം, മണ്ഡലം പ്രസിഡണ്ട് അഡ്വ.: സഹീർ കോട്ട്, സെക്രട്ടറി അശ്റഫലി എന്നിവർ പങ്കെടുക്കും.
തിരുവനന്തപുരം: കലാലോകത്തേക്ക് പുതിയ പ്രതീക്ഷകളുമായി ഡിഫറന്റ് ആര്‍ട് സെന്ററിന്റെ പുതിയ ബാച്ചിലേയ്ക്ക് എത്തിയ ഭിന്നശേഷിക്കാരുടെ പ്രവേശനോത്സവം വര്‍ണാഭമായി. പാട്ടു പാടിയും നൃത്തം ചെയ്തും തമാശകള്‍ പങ്കിട്ടും കൂട്ടുകൂടിയും നിരവധി ഭിന്നശേഷിക്കുട്ടികളാണ് ഇന്നലെ ഡിഫറന്റ് ആര്‍ട് സെന്ററിന്റെ പടി കടന്നെത്തിയത്. കലകളില്‍ വിസ്മയം തീര്‍ക്കാനെത്തിയവരെ സെന്ററിലെ പഴയ ബാച്ചിലെ കുട്ടികള്‍ കൊട്ടുംപാട്ടുമായി സ്വീകരിച്ചു. ഡിഫറന്റ് ആര്‍ട് സെന്ററിലെ അഞ്ചാം ബാച്ചിന്റെ പ്രവേശനോത്സവ ചടങ്ങാണ് കുട്ടികളുടെയും രക്ഷിതാക്കളുടെയും പങ്കാളിത്തം കൊണ്ട് ശ്രദ്ധേയമായത്. കേരളത്തിലെ വിവിധ ജില്ലകളില്‍ നിന്നുള്ള കുട്ടികളാണ് പ്രവേശനത്തിന് അര്‍ഹത നേടിയത്. പ്രവേശനോത്സവ ചടങ്ങ് സാഹിത്യകാരന്‍ കെ.വി മോഹന്‍കുമാര്‍ ഉദ്ഘാടനം ചെയ്തു. ഭിന്നശേഷിക്കാര്‍ക്ക് മാത്രമല്ല അവരുടെ രക്ഷിതാക്കള്‍ക്കും ആശ്രയമാകുന്ന തരത്തില്‍ ഒരു സെന്റര്‍ ഇതാദ്യമാണെന്ന് അദ്ദേഹം അഭിപ്രായപ്പെട്ടു. അന്താരാഷ്ട്ര പരിസ്ഥിതി സംഘടനയായ ഒയിസ്‌ക ഇന്റര്‍നാഷണല്‍ ഡയറക്ടറും സെക്രട്ടറി ജനറലുമായ അരവിന്ദബാബു എം അദ്ധ്യക്ഷത വഹിച്ച ചടങ്ങില്‍ ഡിഫറന്റ് ആര്‍ട്…
തിരുവനന്തപുരം: തിരുവനന്തപുരം ശ്രീ പത്മനാഭസ്വാമി ക്ഷേത്രത്തിൽ നിന്ന് കാണാതായ സ്വർണ്ണം കേരള പോലീസ് കണ്ടെടുത്തു. ക്ഷേത്രത്തിന്റെ സ്ട്രോംഗ് റൂമിൽ നിന്ന് 40 മീറ്റർ അകലെയുള്ള മണൽക്കൂനയിൽ നിന്നാണ് സ്വർണ്ണം കണ്ടെടുത്തതെന്ന് പോലീസ് ഉദ്യോഗസ്ഥർ പറഞ്ഞു. ക്ഷേത്ര താഴികക്കുടത്തിൽ സ്വർണം പൂശുന്നതിനായി സംഭാവന ചെയ്ത 13 നാണയങ്ങൾ പോലീസും ബോംബ് നിർമാർജന സംഘവും മെറ്റൽ ഡിറ്റക്ടർ വഴി കണ്ടെടുത്തതായി സിറ്റി പോലീസ് പറഞ്ഞു. “നഷ്ടപ്പെട്ട സ്വർണ്ണം മുഴുവൻ കണ്ടെടുത്തതായി” തിരുവനന്തപുരം ഡിസിപി നകുൽ രാജേന്ദ്ര ദേശ്മുഖ് പറഞ്ഞു. പ്രാഥമിക അന്വേഷണത്തിൽ മോഷണശ്രമം നടന്നിട്ടില്ലെന്ന് അദ്ദേഹം പറഞ്ഞു. മെയ് 10 ന് ക്ഷേത്രം ഉദ്യോഗസ്ഥർ ലോക്കർ തുറന്നപ്പോൾ സ്വർണ്ണം നഷ്ടപ്പെട്ടതായി കണ്ടെത്തി. ഇതിനുശേഷം, ഫോർട്ട് പോലീസിൽ ഔദ്യോഗികമായി പരാതി നൽകി. എന്നാല്‍, സ്വർണ്ണം എപ്പോൾ അപ്രത്യക്ഷമായി എന്ന് ഇതുവരെ വ്യക്തമായിട്ടില്ല. മെയ് 7-നോ 10-നോ ആണ് സ്വർണം നഷ്ടപ്പെട്ടതെന്ന് ഉറപ്പിക്കാനാവില്ലെന്നും…
2022 ലെ ചർച്ചകൾക്കൊപ്പം നിലവിലെ സാഹചര്യങ്ങളും കണക്കിലെടുക്കുമെന്ന് ക്രെംലിൻ വിദേശനയ ഉപദേഷ്ടാവ് യൂറി ഉഷാക്കോവ് പറഞ്ഞു. ഈ ആഴ്ച ഇസ്താംബൂളിൽ സമാധാന ചർച്ചകൾ ആരംഭിക്കുന്നതിന് തിങ്കളാഴ്ചയോടെ പുടിൻ വെടിനിർത്തലിന് സമ്മതിക്കണമെന്ന് വോളോഡിമർ സെലെൻസ്‌കി ഇന്ന് ആവശ്യപ്പെട്ടു. “മുൻ ഉപാധികളില്ലാതെ” നേരിട്ടുള്ള സമാധാന ചർച്ചകൾക്കുള്ള വിചിത്രമായ നിർദ്ദേശം റഷ്യൻ പ്രസിഡന്റ് വ്‌ളാഡിമിർ പുടിൻ മുന്നോട്ടുവച്ചതിന് മണിക്കൂറുകൾക്ക് ശേഷം ഉക്രെയ്‌നില്‍ കാമികാസെ ഡ്രോണുകള്‍ വര്‍ഷിച്ചു. പാശ്ചാത്യ നേതാക്കൾ പുറപ്പെടുവിച്ച 30 ദിവസത്തെ വെടിനിർത്തൽ മുന്നറിയിപ്പ് ക്രെംലിൻ സ്വേച്ഛാധിപതി നിരസിച്ചതിന് തൊട്ടുപിന്നാലെയാണ് വ്യോമാക്രമണം വെടിനിർത്തൽ പ്രതീക്ഷകളെ തകർത്തത്. മാധ്യമ റിപ്പോർട്ടുകൾ പ്രകാരം, പുടിന്റെ ഡ്രോണുകൾ സിവിലിയൻ, സൈനിക കേന്ദ്രങ്ങളെയാണ് ആക്രമിച്ചത്. പുലർച്ചെ കീവ്, സൈറ്റോമിർ, ഡൊനെറ്റ്സ്ക്, മൈക്കോലൈവ് എന്നിവിടങ്ങളിൽ സ്ഫോടനങ്ങൾ ഉണ്ടായി. ഉച്ചയ്ക്ക് 2 മണിക്ക് ശേഷം 108 ഷാഹെദ്-ടൈപ്പ് ആക്രമണ ഡ്രോണുകളും കണ്ടതായി ഉക്രേനിയൻ വ്യോമസേന കമാൻഡ് റിപ്പോർട്ട് ചെയ്തു.…
റായ്പൂർ: യുഎസ് പ്രസിഡന്റ് ഡോണാള്‍ഡ് ട്രം‌പ് നടത്തിയ ഇന്ത്യ-പാക്കിസ്താന്‍ വെടിനിർത്തൽ പ്രഖ്യാപനത്തില്‍ ഛത്തീസ്ഗഢ് മുൻ മുഖ്യമന്ത്രിയും കോൺഗ്രസ് ജനറൽ സെക്രട്ടറിയുമായ ഭൂപേഷ് ബാഗേൽ ശക്തമായ എതിർപ്പ് പ്രകടിപ്പിച്ചു. ബീഹാർ പര്യടനത്തിന് ശേഷം ഞായറാഴ്ച റായ്പൂരിലേക്ക് മടങ്ങവേ വിമാനത്താവളത്തിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. മല്ലികാർജുൻ ഖാർഗെയുടെയും രാഹുൽ ഗാന്ധിയുടെയും ആവശ്യപ്രകാരം പാർലമെന്റ് സമ്മേളനം വിളിക്കുന്നതിനെക്കുറിച്ചും അദ്ദേഹം സംസാരിച്ചു. ബംഗ്ലാദേശി നുഴഞ്ഞുകയറ്റക്കാരെ തിരിച്ചറിയുന്നതിനായി സർക്കാർ സൃഷ്ടിക്കുന്ന എസ്ടിഎഫ് രൂപീകരണത്തെക്കുറിച്ചും ഭൂപേഷ് ബാഗേൽ തന്റെ അഭിപ്രായങ്ങൾ പ്രകടിപ്പിച്ചു. പ്രധാനമന്ത്രി ആവാസ് യോജനയുടെ വീടുകളെക്കുറിച്ചുള്ള ആഭ്യന്തര മന്ത്രി വിജയ് ശർമ്മയുടെ വെല്ലുവിളി ഭൂപേഷ് ബാഗേൽ സ്വീകരിച്ചു. ഡൊണാൾഡ് ട്രംപിന്റെ വെടിനിർത്തൽ പ്രഖ്യാപനം രാജ്യത്തെ ജനങ്ങളെ നിരാശരാക്കിയെന്ന് ഭൂപേഷ് ബാഗേൽ പറഞ്ഞു. രണ്ട് രാജ്യങ്ങളും വെടിനിർത്തലിന് തീരുമാനിച്ചിട്ടുണ്ട്. എന്നാൽ, ഈ അപമാനകരമായ പ്രഖ്യാപനം നടത്തിയത് അമേരിക്കൻ പ്രസിഡന്റാണ്. രണ്ട് രാജ്യങ്ങളില്‍ ഏതെങ്കിലും ഒന്നായിരിക്കും…
ചിങ്ങം: ഗംഭീരമായ ഒരു ദിവസമായിരിക്കും ഇന്ന്. പഴയ സഹപ്രവർത്തകരെയും സുഹൃത്തുക്കളെയും വീണ്ടും കാണാനും, പുതിയ ബന്ധങ്ങളുണ്ടാക്കാനും നിങ്ങൾക്ക് സാധിക്കും. പഴയ കൂട്ടുകാർ നിങ്ങളെ തേടിയെത്താൻ സാധ്യതയുണ്ട്. സന്തോഷകരമായ ഒരു കൂടിക്കാഴ്ച്ചകള്‍ നടക്കാൻ സാധ്യതയുണ്ട്. ബന്ധുക്കൾക്കും, സുഹൃത്തുക്കൾക്കുമായി ഒരു ഗംഭീര പാർട്ടി നടത്താൻ ഒരുങ്ങിക്കൊള്ളു! കന്നി: ബിസിനസിൽ സന്തോഷമുള്ള ദിവസമാണ് ഇന്ന്. ഇന്ന് നടക്കാൻപോകുന്ന ഒരു കൂടിക്കാഴ്ച്ച നിങ്ങൾക്ക് ഗുണം ചെയ്യും. പണം അമിതമായി ചെലവാക്കാതിരിക്കുക. വിവേകപൂർവ്വം ചിന്തിക്കുക. വെറുതെ കറങ്ങി നടക്കുന്ന സമയങ്ങള്‍ ഒഴിവാക്കി പഠനത്തിലും ജോലിയിലുമൊക്കെ ശ്രദ്ധിക്കുക. തുലാം: നാടകീയമായ ദിവസമാണ് ഇന്ന്. നിങ്ങളുടെ ജോലിയിലുള്ള സമർപ്പണത്തിന് അംഗീകാരം ലഭിക്കും. നിങ്ങളുടെ വളർച്ചയിൽ എതിരാളികൾക്ക് വിഷമിക്കാൻ കാരണങ്ങളുണ്ടാകും. സന്തോഷവാന്മാരായി ഇരിക്കുക. വൃശ്ചികം: ബന്ധങ്ങളാണ്‌ ജീവിതത്തിൽ ഏറ്റവും പ്രധാനം. നിങ്ങളോട് അടുപ്പമുള്ളവരെ എങ്ങിനെ പരിഗണിക്കുന്നു എന്നത് വളരെ പ്രധാനപ്പെട്ട കാര്യമാണ്‌. സത്യസന്ധമായി കൂടെ നിൽക്കുന്നവരെ ചേർത്ത് പിടിക്കുക. ഇന്ന് നിങ്ങളുടെ ചില വാക്കുകള്‍…
ശനിയാഴ്ച ഇന്ത്യയും പാക്കിസ്താനും തമ്മിൽ വെടിനിർത്തൽ പ്രഖ്യാപനം അപ്രതീക്ഷിതമായിരുന്നു. മണിക്കൂറുകൾക്ക് മുമ്പ്, യുദ്ധഭീഷണി വളരെയധികം വളർന്നിരുന്നു. പാക്കിസ്താന്‍ സൈന്യം അതിർത്തിയിലേക്ക് അടുക്കുകയും ഇന്ത്യൻ സൈന്യം അതീവ ജാഗ്രത പാലിക്കുകയും ചെയ്തു. എന്നാൽ പെട്ടെന്ന്, വൈകുന്നേരമായപ്പോഴേക്കും, എല്ലാവരെയും അമ്പരപ്പിച്ചുകൊണ്ടാണ് ഒരു സമാധാന അന്തരീക്ഷം അവിടെ ഉണ്ടായത്. എന്നാൽ, വെടിനിർത്തൽ പ്രഖ്യാപിച്ച് ഏതാനും മണിക്കൂറുകൾക്കുള്ളിൽ പാക്കിസ്താന്‍ കരാർ ലംഘിച്ചു. വെടിനിർത്തലിനോട് വിയോജിച്ച ജ്യോതിശാസ്ത്ര, സുരക്ഷാ വിദഗ്ദ്ധൻ ബ്രഹ്മ ചെല്ലാനി, ഇന്ത്യ “വിജയത്തിന്റെ താടിയെല്ലുകളിൽ നിന്ന് തോൽവി തട്ടിയെടുത്തു” എന്നാണ് ഇതിനെ വിശേഷിപ്പിച്ചത്. ഇന്ത്യ തങ്ങളുടെ സൈനിക നിലപാട് ശരിയായി ഉപയോഗിച്ചില്ലെന്നും യുദ്ധ സാഹചര്യം ഒഴിവാക്കാൻ പെട്ടെന്ന് വെടിനിർത്തൽ പ്രഖ്യാപിച്ചുകൊണ്ട് ചരിത്രപരമായ തെറ്റുകൾ ആവർത്തിച്ചുവെന്നും അദ്ദേഹം പറഞ്ഞു. “ഇന്ത്യയുടെ സൈനിക സ്ഥാനം പാക്കിസ്താനേതിനെക്കാള്‍ വളരെ ശക്തമായിരുന്നു. പാക്കിസ്താന്റെ വ്യോമ പ്രതിരോധ സംവിധാനം വളരെ ദുർബലമായിരുന്നു, ഇന്ത്യയുടെ ഡ്രോണുകളുടെയും മിസൈലുകളുടെയും ആക്രമണങ്ങളിൽ നിന്ന്…
ആലപ്പുഴ: ‘ജീവിതമാണ് ഏറ്റവും വലിയ ലഹരി ‘ എന്ന ആപ്തവാക്യവുമായി തല മൊട്ടയടിച്ചവരുടെ ആഗോള മലയാളി സംഘടനയായ മൊട്ട ഗ്ലോബൽ ഫൗണ്ടേഷന്റെ നേതൃത്വത്തില്‍ മെയ് 4ന് കോഴിക്കോട് ബസ് സ്റ്റാഡിൽ നിന്നും ആരംഭിച്ച ‘ലഹരി വിരുദ്ധ സന്ദേശ കേരള യാത്ര’യ്ക്ക് മെയ് 11ന് ആലപ്പുഴയിൽ സ്വീകരണം നകും. വൈകിട്ട് 4.30ന് ആലപ്പുഴ ബീച്ചിൽ നടത്തുന്ന സംഗമം ഫൗണ്ടർ പ്രസിഡന്റ് സജീഷ് കുട്ടനെല്ലൂർ അദ്ധ്യക്ഷത വഹിക്കും. പൊതു പ്രവർത്തകൻ ഡോ ജോൺസൺ വി.ഇടിക്കുള ഉദ്ഘാടനം നിർവഹിക്കുമെന്ന് സെക്രട്ടറി അരുൺ ജി നായർ, ട്രഷറർ നിയാസ് പാറക്കൽ എന്നിവർ അറിയിച്ചു. 34 രാജ്യങ്ങളിലായി 1400 ലേറെ സന്നദ്ധ പ്രവർത്തകർ സംഘടനയുടെ ഭാഗമായുണ്ട്. മനുഷ്യരെ ബാധിക്കുന്ന നിരവധി പ്രശ്നങ്ങളിൽ സ്വതന്ത്രമായ ഇടപെടലുമായി രജിസ്ട്രേഡ് സംഘടനയായ മൊട്ട ഗ്ലോബൽ ഫൗണ്ടേഷൻ ജനങ്ങൾക്കൊപ്പം ഉണ്ട്. രക്ത ദാന ബോധവത്കരണ ശില്പശാലകൾ, ശരീര നിന്ദയാൽ ബലിയാടാകുന്നവരെ…