ധാക്ക: ബംഗ്ലാദേശിൽ സംവരണ വിരുദ്ധ പ്രക്ഷോഭത്തിൽ രണ്ട് കോളേജ് വിദ്യാർത്ഥികൾ മരിച്ച സംഭവത്തിൽ മുൻ പ്രധാനമന്ത്രി ഷെയ്ഖ് ഹസീനയ്ക്കെതിരെ മറ്റൊരു കൊലപാതക കേസ് രജിസ്റ്റർ ചെയ്തു.
മുൻ പ്രധാനമന്ത്രി ഷെയ്ഖ് ഹസീനയ്ക്കെതിരെ രജിസ്റ്റർ ചെയ്ത നിരവധി കേസുകളിൽ പുതിയ കേസാണിത്. സർക്കാർ ജോലികളിലെ വിവാദ സംവരണ സമ്പ്രദായത്തിനെതിരായ വിദ്യാർത്ഥികളുടെ അക്രമാസക്തമായ പ്രതിഷേധത്തെ തുടർന്ന് പ്രധാനമന്ത്രി സ്ഥാനം രാജിവച്ചതിന് ശേഷം അവർ രാജ്യം വിട്ട് ഇന്ത്യയിലേക്ക് പോയി.
അക്രമത്തിനിടെ ധാക്കയിലെ സൂത്രപൂർ മേഖലയിൽ രണ്ട് വിദ്യാർത്ഥികൾ മരിച്ച സംഭവത്തിൽ ഹസീനയ്ക്കും മറ്റ് 12 പേർക്കുമെതിരെയാണ് പുതിയ കേസുകൾ രജിസ്റ്റർ ചെയ്തിട്ടുള്ളത്. കോബി നസ്റുൾ ഗവൺമെൻ്റ് കോളേജിലെ വിദ്യാർത്ഥി ഇക്രം ഹുസൈൻ കൗസർ, ഷഹീദ് സുഹ്റവർദി കോളേജ് വിദ്യാർത്ഥി ഒമർ ഫാറൂഖ് എന്നിവരുടെ മരണവുമായി ബന്ധപ്പെട്ട് ധാക്ക മെട്രോപൊളിറ്റൻ മജിസ്ട്രേറ്റ് കോടതിയിൽ ഈ പുതിയ കേസ് രജിസ്റ്റർ ചെയ്തതായി മാധ്യമ റിപ്പോർട്ടുകൾ പറയുന്നു.
