വാഷിംഗ്ടണ്‍: മൂന്ന് വർഷം മുമ്പ് ട്വിറ്റർ (ഇപ്പോൾ എക്സ്) ഏറ്റെടുത്ത ടെസ്‌ല മേധാവി എലോൺ മസ്ക് ഇപ്പോൾ ഓപ്പൺഎഐയിൽ കണ്ണുവെച്ചിരിക്കുന്നു. അദ്ദേഹത്തിന്റെ നേതൃത്വത്തിലുള്ള കൺസോർഷ്യം 97.4 ബില്യൺ ഡോളറിന് ഓപ്പൺഎഐ വാങ്ങാനുള്ള വാഗ്ദാനമാണ് നല്‍കിയിരിക്കുന്നത്. എന്നാല്‍, ഓപ്പൺഎഐ സിഇഒ സാം ആൾട്ട്മാൻ ആ ഓഫർ നിരസിച്ചു. “വേണ്ട, നന്ദി, പക്ഷേ നിങ്ങൾക്ക് വേണമെങ്കിൽ, ഞങ്ങൾ ട്വിറ്റർ 97.4 ബില്യൺ ഡോളറിന് വാങ്ങാം” എന്നായിരുന്നു അദ്ദേഹത്തിന്റെ പ്രതികരണം. മസ്ക് 2022 ൽ 44 ബില്യൺ ഡോളറിനാണ് ട്വിറ്റർ വാങ്ങിയത്. പിന്നീട് അദ്ദേഹം ഈ ഇന്റർനെറ്റ് മീഡിയ പ്ലാറ്റ്‌ഫോമിന്റെ പേര് X എന്ന് മാറ്റി. റിപ്പോർട്ട് അനുസരിച്ച്, ഓപ്പൺഎഐ വാങ്ങാൻ വാഗ്ദാനം ചെയ്ത മസ്‌കിന്റെ നേതൃത്വത്തിലുള്ള കൺസോർഷ്യത്തിൽ എക്സ്എഐ, ബാരൺ ക്യാപിറ്റൽ ഗ്രൂപ്പ്, ഇമ്മാനുവൽ ക്യാപിറ്റൽ മാനേജ്‌മെന്റ് തുടങ്ങിയവ ഉൾപ്പെടുന്നു. കരാറിലെത്തിയാൽ, XAI ഓപ്പൺഎഐയുമായി ലയിച്ചേക്കാം. ആപ്പിന്റെ ഭാവിയെക്കുറിച്ച് ChatGPT…
ഓപ്പൺഎഐക്ക് 97.4 ബില്യൺ ഡോളർ ഓഫർ നല്‍കി ഇലോണ്‍ മസ്ക്!; അതു വേണ്ടെന്ന് ഓപ്പണ്‍ എഐ സിഇഒ സാം ആള്‍ട്ട്മാന്‍
