ജിദ്ദ: സൗദി അറേബ്യയിലെ ഏറ്റവും വേഗതയേറിയ ട്രെയിനുകളിൽ ഒന്നാണ് ഹറമൈൻ ട്രെയിൻ. ഇത് മക്ക, മദീന, ജിദ്ദ തുടങ്ങിയ നഗരങ്ങളെ ബന്ധിപ്പിക്കുന്നു. ഹജ്ജ്, ഉംറ തീർഥാടകർക്ക് ഈ ട്രെയിൻ വളരെ സൗകര്യപ്രദമാണ്. ഹറമൈൻ ട്രെയിൻ 450 കിലോമീറ്റർ ദൂരം സഞ്ചരിക്കുകയും മണിക്കൂറിൽ 300 കിലോമീറ്റർ വരെ വേഗത കൈവരിക്കുകയും ചെയ്യുന്നു.
സ്റ്റേഷനുകള്:
മക്ക സ്റ്റേഷൻ – മസ്ജിദ് അൽ ഹറാമിൽ നിന്ന് 3.5 കി.മീ.
ജിദ്ദ (അൽ-സുലൈമാനിയ്യ) സ്റ്റേഷൻ – നഗരത്തിലെ പ്രധാന സ്റ്റേഷൻ
കിംഗ് അബ്ദുൽ അസീസ് എയർപോർട്ട് സ്റ്റേഷൻ (ജിദ്ദ) – വിമാനത്താവളത്തിനുള്ളിൽ
കിംഗ് അബ്ദുള്ള ഇക്കണോമിക് സിറ്റി (കെഎഇസി) – ബിസിനസ്സിനും ടൂറിസത്തിനും
മദീന സ്റ്റേഷൻ – മസ്ജിദ്-ഇ-നബവിക്ക് സമീപം
ട്രെയിൻ സൗകര്യങ്ങൾ: ആകെ സീറ്റുകൾ : 417
ബിസിനസ് ക്ലാസ്: 113
ഇക്കണോമി ക്ലാസ്: 304
ഭക്ഷണ സൗകര്യങ്ങൾ : എല്ലാ ട്രെയിനിലും ഒരു ഡൈനിംഗ് കോച്ച് ഉണ്ട് (അഞ്ചാമത്തെ കോച്ചിൽ)
സീറ്റുകൾ സുഖകരമാണ്, മടക്കാവുന്ന ടേബിൾ, ഹെഡ്റെസ്റ്റ്, ആംറെസ്റ്റ് എന്നിവയുമുണ്ട്.
സ്റ്റേഷൻ സൗകര്യങ്ങൾ:
എസി വെയിറ്റിംഗ് ഹാൾ, റെസ്റ്റോറന്റ്, കഫേ, പ്രാർത്ഥനാ മുറി, വീൽചെയർ, പാർക്കിംഗ്, ടാക്സി സ്റ്റാൻഡ്, കാർ വാടകയ്ക്ക്, ലഗേജ് ട്രോളി
ടിക്കറ്റ് ബുക്കിംഗിനായി മെഷീനുകളും കൗണ്ടറുകളും ഉണ്ട്.
ടിക്കറ്റുകൾ ലഭിക്കുന്ന സ്ഥലം
സ്റ്റേഷനിലെ കൗണ്ടറിൽ നിന്നോ വെൻഡിംഗ് മെഷീനിൽ നിന്നോ ടിക്കറ്റുകള് ലഭിക്കും.
ഓൺലൈൻ ബുക്കിംഗ് വെബ്സൈറ്റ് :
‘സീറ്റ് ബുക്ക് ചെയ്യുക’ എന്നതിൽ ക്ലിക്ക് ചെയ്യുക
യാത്രാ തീയതി, റൂട്ട്, പാസഞ്ചർ നമ്പർ, സീറ്റ് എന്നിവ തിരഞ്ഞെടുക്കുക.
ഐഡി നൽകുക (പാസ്പോർട്ട്, ഇഖാമ, ദേശീയ ഐഡി)
ഓൺലൈൻ പേയ്മെന്റ് നടത്തുക
ടിക്കറ്റുകൾക്ക് കിഴിവ്:
കുട്ടികൾ (എക്കണോമി): 50%
കുട്ടികൾ (ബിസിനസ്): 40%
ശിശു (പ്രത്യേക സീറ്റ് ഇല്ലാതെ): 90%
വികലാംഗർക്ക്: 50% കിഴിവ് (സാധുവായ ഐഡി ഉണ്ടെങ്കിൽ)
ചില പ്രധാന നിരക്കുകൾ – ജിദ്ദ വിമാനത്താവളം മുതൽ മക്ക വരെ:
എക്കണോമി: സൗദി റിയാൽ 34
ബിസിനസ്: സൗദി റിയാൽ 78
ജിദ്ദയിൽ നിന്ന് മദീനയിലേക്ക്:
എക്കണോമി: സൗദി റിയാല് 150
ബിസിനസ്: സൗദി റിയാൽ 210
