2021-ൽ 1.63 ലക്ഷത്തിലധികം ഇന്ത്യൻ പൗരന്മാർ തങ്ങളുടെ ഇന്ത്യൻ പൗരത്വം ഉപേക്ഷിച്ചതായി ആഭ്യന്തര മന്ത്രാലയം. കഴിഞ്ഞ മൂന്ന് വർഷത്തിനിടയില്‍ ഇന്ത്യന്‍ പൗരത്വം ഉപേക്ഷിച്ചവരുടെ ഏറ്റവും ഉയർന്ന നിരക്കാണിതെന്ന് മന്ത്രാലയം ചൊവ്വാഴ്ച പാർലമെന്റിനെ അറിയിച്ചു.
ഏകദേശം പകുതിയോളം ഇന്ത്യക്കാരും – 78,284 – യുഎസ് പൗരന്മാരാകാൻ താൽപ്പര്യമുള്ളവരാണെന്നാണ് ലോക്‌സഭയിൽ ആഭ്യന്തര മന്ത്രാലയം നൽകിയ ഡാറ്റ വെളിപ്പെടുത്തിയത്.
2021ൽ 1,63,370 ഇന്ത്യക്കാർ ഇന്ത്യൻ പാസ്‌പോർട്ട് ഉപേക്ഷിച്ചു. 2019, 2020 വർഷങ്ങളിലെ അനുബന്ധ സംഖ്യ യഥാക്രമം 1,44,017, 85,256 ആയിരുന്നു.
അവരുടെ വ്യക്തിപരമായ കാര്യമാണ് ഈ ഇന്ത്യക്കാർ അവരുടെ പൗരത്വം ഉപേക്ഷിക്കുന്നതിന്റെ കാരണങ്ങളും അവരുടെ ഇന്ത്യൻ പാസ്‌പോർട്ട് സറണ്ടർ ചെയ്യുന്നതും എന്ന് ആഭ്യന്തര സഹമന്ത്രി നിത്യാനന്ദ് റായ്, രേഖാമൂലമുള്ള മറുപടിയിൽ പറഞ്ഞു.
ബഹുജൻ സമാജ് പാർട്ടി അംഗം ഹാജി ഫസ്‌ലുർ റഹ്‌മാന്റെ ചോദ്യത്തിന് മറുപടിയായി പങ്കിട്ട ഡാറ്റ പ്രകാരം, യുഎസിനു ശേഷം ഓസ്‌ട്രേലിയ (23,533), കാനഡ (21,597), യുകെ (14,637), ഇറ്റലി (5,986), ന്യൂസിലാൻഡ്. (2,643), സിംഗപ്പൂർ (2,516) എന്നിവിടങ്ങളിലാണ് ഇന്ത്യക്കാർ പൗരത്വമെടുക്കാന്‍ താല്പര്യപ്പെടുന്ന രാജ്യങ്ങള്‍.
യുഎസ് പൗരത്വത്തെ സംബന്ധിച്ചിടത്തോളം, 2021ൽ 78,284 ഇന്ത്യക്കാരും 2020ൽ 30,828 പേരും 2019ൽ 61,683 പേരും യുഎസ് പൗരത്വം സ്വീകരിച്ചു.
പാക്കിസ്താന്‍ ആസ്ഥാനമായുള്ള മൊത്തം 41 ഇന്ത്യൻ പൗരന്മാരും കഴിഞ്ഞ വർഷം ഇന്ത്യൻ പൗരത്വം ഉപേക്ഷിച്ചു. 2020 ൽ ഏഴ് പേർ മാത്രമായിരുന്നു ഇത്.
കഴിഞ്ഞ വർഷം യുഎഇയിലായിരിക്കെ 326 ഇന്ത്യക്കാർ തങ്ങളുടെ പൗരത്വം ഉപേക്ഷിക്കുകയും അൽബേനിയ, ഫ്രാൻസ്, മാൾട്ട, പാക്കിസ്താന്‍, ഫിലിപ്പീൻസ്, പോർച്ചുഗൽ, ആന്റിഗ്വ, ബാർബുഡ, ബഹ്‌റൈൻ, ബെൽജിയം, സൈപ്രസ്, അയർലൻഡ്, ഗ്രെനഡ, ജോർദ്ദാന്‍, മൗറീഷ്യസ്, നോർവേ, സിംഗപ്പൂർ, സ്പെയിൻ, ശ്രീലങ്ക, വനുവാട്ടു തുടങ്ങിയ രാജ്യങ്ങളിൽ പൗരത്വത്തിന് അപേക്ഷിക്കുകയും ചെയ്തു.
