ന്യൂയോര്ക്ക്: പിറവം നേറ്റീവ് അസോസിയേഷന്റെ വാര്ഷിക സംഗമംന്യൂയോർക്കിലെ കേരള സെന്റർ ഓഡിറ്റോറിയത്തിൽ വച്ച് ഒക്ടോബർ 11 ശനിയാഴ്ച വർണോജ്വലമായി നടന്നു. അമീഷ ജെയ്മോന്റെ പ്രാർത്ഥനാഗാനത്തോടെ ആരംഭിച്ച പരിപാടികൾ പ്രസിഡന്റ് ജെസ്സി ജെയിംസ് കോളങ്ങായിൽ എല്ലാവർക്കും സ്വാഗതം പറഞ്ഞു. പല പരിപാടികൾ ഉണ്ടായിട്ടും എത്തിച്ചേർന്ന എല്ലാവരോടും ഉള്ള സ്നേഹം ജെസ്സി ജെയിംസ് അറിയിച്ചു.
ഫൊക്കാന മുൻഎക്സി വൈസ് പ്രസിഡന്റും, സാമൂഹിക പ്രവർത്തകനും, ജീവകാരുണ്യ പ്രവര്ത്തന രംഗത്ത് നടത്തിയിട്ടുള്ള സേവനങ്ങളെ മാനിച്ച് വിവിധ അവാർഡുകൾ നേടിയിട്ടുള്ള ജോയ് ഇട്ടനെ ഭാരവാഹികൾ പൊന്നാട അണിയിച്ചു ആദരിച്ചു.
പിറവം സംഗമത്തിലെ മുതിര്ന്ന് അംഗങ്ങളായ ജോർജ് പാടിയേടത്ത്, ലിസി ഉച്ചിപ്പിള്ളിൽ, അബ്രാഹം പെരുമ്പളത്ത്, ജയ്നമ്മ പെരുമ്പളത്ത് എന്നിവരെ ഉപഹാരങ്ങൾ നൽകി ആദരിച്ചു.
അംഗങ്ങൾ അവതരിപ്പിച്ച കലാവിരുന്നുകൾ വര്ണ്ണാഭമായി. റോഷിനി ജോജി, അമീഷ ജെയ്മോൻ, ആരൻ ജെയിംസ് എന്നിവർ ഗാനങ്ങൾ ആലപിച്ചു. ഷെറി, ലിസ്സി, വീണ, റാണി, ഷെറിൻ എന്നിവരുടെ മനോഹരമായ സിനിമാറ്റിക് ഡാൻസ് പരിപാടികൾ ഏവരും ആസ്വദിച്ചു.
മനോഹർ തോമസ്, ജോൺ ഐസക്, ജോയ് ഇട്ടൻ, ഷെവലിയാർ ജോർജ് പാടിയേടത്തു എന്നിവർ ആശംസകൾ അർപ്പിച്ച് സംസാരിച്ചു. ഷൈല പോൾ പരിപാടിയുടെ എം സി ആയിരുന്നു. മനോഹർ തോമസ് (പ്രസിഡന്റ്), ജെനു കെ പോൾ (സെക്രട്ടറി ) എന്നിവരെ പുതിയ ഭാരവാഹികളായി തെരെഞ്ഞെടുത്തു.
1995-ല് തുടങ്ങിയ പിറവം നിവാസികളുടെ ആദ്യ യോഗം മുതല് 30 വര്ഷങ്ങള് പിന്നിട്ട, വടക്കേ അമേരിക്കയിലെ പിറവം നിവാസികളുടെ കൂട്ടായ്മ വര്ഷത്തില് ഒരിക്കലുള്ള ഒരു സൗഹൃദസംഗമമായി. പിറവം നിവാസികളുടെ സംഗമത്തിൽ എത്തിയ പുതിയ അംഗങ്ങളെ പരിചയപ്പെടുത്തി സ്നേഹവിരുന്നോടെ വർണാഭമായ ഈ വർഷത്തെ പിറവം സംഗമം സമാപിച്ചു.
