കണ്ണൂർ: മുൻ മുഖ്യമന്ത്രി പിണറായി വിജയന്റെ വീട്ടിൽ നടന്ന ഇഡി റെയ്ഡ് ആസൂത്രിത നീക്കമാണെന്ന് സിപിഐഎം കണ്ണൂർ ജില്ലാ സെക്രട്ടറി കെ കെ രാഗേഷ് പറഞ്ഞു. പിണറായി വിജയനെയും കുടുംബത്തെയും കള്ളക്കേസിൽ കുടുക്കി സിപിഐഎമ്മിനെ തകർക്കാൻ പ്രധാനമന്ത്രി നരേന്ദ്ര മോദി ശ്രമിക്കുകയാണ്. ഡല്ഹി മുന് മുഖ്യമന്ത്രി അരവിന്ദ് കെജ്രിവാളിനെതിരായ നീക്കത്തിന് സമാനമാണ് ഈ നീക്കമെന്നും കെ കെ രാഗേഷ് പറഞ്ഞു.
കുറച്ചുകാലമായി ബിജെപി തിരക്കഥയെഴുതി അത് നടപ്പാക്കാന് ശ്രമിക്കുകയാണ്. ഇടതുപക്ഷത്തെ നശിപ്പിക്കുക എന്നതാണ് അവരുടെ ലക്ഷ്യം. ബിജെപിയും കോൺഗ്രസും സംയുക്തമായി പദ്ധതി തയ്യാറാക്കിയിട്ടുണ്ടെന്ന് കെ കെ രാഗേഷ് ആരോപിച്ചു. ബിജെപിക്ക് വേണ്ടി ഗൂഢാലോചന നടത്തുന്ന നേതാവാണ് മുഖ്യമന്ത്രി വി ഡി സതീശനെന്ന് അദ്ദേഹം ആരോപിച്ചു.
സിപിഐഎമ്മിനെ തകർത്തുകൊണ്ടേ ബിജെപിക്ക് വളരാൻ കഴിയൂ. ബിജെപിയെ സ്വാധീനിക്കാൻ കഴിയുന്ന ഒരു വിഭാഗം സിപിഐഎമ്മിലുണ്ട്. അതിനായി പാർട്ടിയെ നശിപ്പിക്കണം. ഇപ്പോൾ നടക്കുന്ന ഇഡി റെയ്ഡ് അതിന്റെ ഭാഗമാണ്. ഇഡി നടപടിയെ നിയമപരമായും രാഷ്ട്രീയമായും ശക്തമായി എതിർക്കും. ജനാധിപത്യ കേരളം ഇത്തരം നടപടികളെ ശക്തമായി ചെറുക്കുകയും പരാജയപ്പെടുത്തുകയും ചെയ്യുമെന്നും രാഗേഷ് പറഞ്ഞു.
